நீங்கள் தேடியது "மெல்போர்ன் ரெனேகட்ஸ்"

பிக் பாஷ் டி20 லீக் தொடரின் இறுதிப் போட்டி இன்று மெல்போர்னில் நடைபெற்றது. இதில் மெல்போர்ன் ஸ்டார்ஸ் - மெல்போர்ன் ரெனேகட்ஸ் அணிகள் பலப்பரீட்சை நடத்தின.

டாஸ் வென்ற மெல்போர்ன் ஸ்டார்ஸ் பந்து வீச்சு தேர்வு செய்தது. அதன்படி மெல்போர்ன் ரெனேகட்ஸ் முதலில் பேட்டிங் செய்தது. ஹாரிஸ், பிஞ்ச் ஆகியோர் தொடக்க வீரர்களாக களம் இறங்கினர். பிஞ்ச் 13 ரன்னிலும், ஹாரிஸ் 12 ரன்னிலும் ஆட்டமிழந்தனர். அதன்பின் வந்த ஹார்பர் 6 ரன்னிலும், ஒயிட் 12 ரன்னிலும், ஹார்வி 14 ரன்னிலும் அடுத்தடுத்து வெளியேறினார்கள். இதனால் மெல்போர்ன் ரெனேகட்ஸ் 10.2 ஓவரில் 65 ரன்கள் சேர்ப்பதற்குள் ஐந்து விக்கெட்டுக்களை இழந்தது.

6-வது விக்கெட்டுக்கு கூப்பர் உடன் கிறிஸ்டியன் ஜோடி சேர்ந்தார். இருவரும் அணியை சரிவில் இருந்து மீட்டனர். கூப்பர் 43 ரன்களும், கிறிஸ்டியன் 38 ரன்கள் அடிக்க அந்த அணி 5 விக்கெட் இழப்பிற்கு 145 ரன்கள் சேர்த்தது.

பின்னர் 146 ரன்கள் அடித்தால் வெற்றி என்ற இலக்குடன் மெல்போர்ன்ஸ் ஸ்டார்ஸ் பேட்டிங் செய்தது. டங்க், மார்கஸ் ஸ்டாய்னிஸ் ஆகியோர் தொடக்க வீரர்களாக களம் இறங்கினர். இருவரும் சிறப்பான ஆட்டத்தை வெளிப்படுத்தினார்கள். இதனால் ரன் ஜெட் வேகத்தில் உயர்ந்தது. இந்த ஜோடி 13 ஓவரில் 93 ரன்கள் எடுத்திருக்கும்போது பிரிந்தது. ஸ்டாய்னிஸ் 38 பந்தில் 39 ரன்கள் எடுத்த நிலையில் ஆட்டமிழந்தார்.



அடுத்து வந்த ஹேண்ட்ஸ்காம்ப் ரன்ஏதும் எடுக்காமல் டக்அவுட் ஆனார். மறுமுனையில் சிறப்பாக விளையாடிய டங்க் 45 பந்தில் 57 ரன்கள் சேர்த்த நிலையில் ஆட்டமிழந்தார். அதன்பின் வந்த கேப்டன் மேக்ஸ்வெல் 1 ரன்னிலும், மேடின்சன் 6 ரன்னிலும், கோட்ச் 2 ரன்னிலும், பிராவோ 3 ரன்னிலும் ஆட்டமிழந்தனர்.

93 ரன்னில் ஒரு விக்கெட்டை இழந்த ஸ்டார்ஸ் அணி 112 ரன்னுக்குள் 7 விக்கெட்டுக்களை இழந்தது. அதன்பின் அந்த அணியால் சேஸிங் இலக்கை எட்ட முடியவில்லை. 20 ஓவரில் முடிவில் 7 விக்கெட் இழப்பிற்கு 132 ரன்கள் சேர்த்தது. இதனால் மெல்போர்ன் ரெனேகட்ஸ் 13 ரன்கள் வித்தியாசத்தில் வெற்றி பெற்று சாம்பியன் பட்டம் கைப்பற்றியது. 

பிக் பாஷ் டி20 லீக் தொடரில் இன்று நடைபெற்ற 2-வது அரையிறுதி போட்டியில் சிட்னி சிக்சர்ஸ் - மெல்போர்ன் ரெனேகட்ஸ் அணிகள் பலப்பரீட்சை நடத்தின.

டாஸ் வென்ற மெல்போர்ன் ரெனேகட்ஸ் பீல்டிங் தேர்வு செய்தது. அதன்படி சிட்னி சிக்சர்ஸ் முதலில் பேட்டிங் செய்தது. ஜோஷ் பிலிப், டேனியல் ஹியூக்ஸ் ஆகியோர் தொடக்க வீரர்களாக களம் இறங்கினார்கள். பிலிப் 31 பந்தில் 52 ரன்களும், ஹியூக்ஸ் 32 பந்தில் 52 ரன்களும் விளாசினர். வின்ஸ் 28 ரன்களும், ஹென்ரிக்ஸ் ஆட்டமிழக்காமல் 28 ரன்களும் அடிக்க சிட்னி சிக்சர்ஸ் 20 ஓவரில் 3 விக்கெட் இழப்பிற்கு 180 ரன்கள் குவித்தது.

பின்னர் 181 ரன்கள் அடித்தால் வெற்றி என்ற இலக்குடன் மெல்போர்ன் ரெனேகட்ஸ் அணி களம் இறங்கியது. ஆரோன் பிஞ்ச் 44 ரன்களும், ஹார்பர் 36 ரன்களும், ஒயிட் 29 ரன்களும் சேர்த்தனர். கிறிஸ்டியன் ஆட்டமிழக்காமல் 14 பந்தில் 3 சிக்சருடன் 31 ரன்களும், ரிச்சர்ட்சன் 3 பந்தில் 9 ரன்களும் அடிக்க மெல்போர்ன் ரெனேகட்ஸ் 19.5 ஓவரில் 184 ரன்கள் எடுத்து வெற்றி பெற்றது.

இந்த வெற்றியின் மூலம் இறுதிப் போட்டிக்கு முன்னேறியது. ஞாயிற்றுக்கிழமை நடைபெறும் இறுதிப் போட்டியில் மெல்போர்ன் ரெனேகட்ஸ் - மெல்போர்ன் ஸ்டார்ஸ் அணிகள் பலப்பரீட்சை நடத்துகின்றன.

பிக் பாஷ் டி20 லீக் தொடரில் இன்று நடைபெற்ற 46-வது ஆட்டத்தில் சிட்னி தண்டர் - மெல்போர்ன் ரெனேகட்ஸ் அணிகள் மோதின. டாஸ் வென்ற மெல்போர்ன் ரெனேகட்ஸ் பேட்டிங் தேர்வு செய்தது. டாப் ஆர்டர் வீரர்களான ஹார்வோ (8), ஆரோன் பிஞ்ச் (10), ஹார்பர் (10), கூப்பர் (4) ஆகியோர் சொற்ப ரன்களில் ஆட்டமிழந்தனர்.

முகமது நபி 34 பந்தில் 36 ரன்களும், பாய்ஸ் ஆட்டமிழக்காமல் 22 பந்தில் 51 ரன்களும் அடிக்க மெல்போர்ன் ரெனேகட்ஸ் 20 ஓவரில் 7 விக்கெட் இழப்பிற்கு 140 ரன்கள் சேர்த்தது.

பின்னர் 141 ரன்கள் அடித்தால் வெற்றி என்ற இலக்குடன் சிட்னி தண்டர் களம் இறங்கியது. மெல்போர்ன் அணியின் நேர்த்தியான பந்து வீச்சால் சிட்னி தண்டர் 19.1 ஓவரில் 113 ரன்கள் எடுத்து ஆட்டமிழந்தது. இதனால் மெல்போர்ன் ரெனேகட்ஸ் 27 ரன்கள் வித்தியாசத்தில் வெற்றி பெற்றது. கேன் ரிச்சர்ட்ஸ் 3 விக்கெட்டும், பாய்ஸ் இரண்டு விக்கெட்டும் வீழ்த்தினார்கள்.

மெல்போர்ன் ரெனேகட்ஸ் 13 போட்டிகளில் விளையாடி 8 வெற்றியுடன் 16 புள்ளிகள் பெற்று 2-வது இடத்தில் உள்ளது. ஹோபர்ட் ஹரிகேன்ஸ் 11 போட்டிகளில் 9 வெற்றியுடன் 18 புள்ளிகள் பெற்று முதலிடம் வகிக்கிறது. சிட்னி தண்டர் 12 போட்டிகளில் 5 வெற்றிகள், 6 தோல்விகள், ஒரு முடிவு இல்லை நிலையுடன் 11 புள்ளிகள் பெற்று 5-வது இடத்தில் உள்ளது.

பிக் பாஷ் டி20 லீக் தொடர் ஆஸ்திரேலியாவில் நடைபெற்று வருகிறது. மெல்போர்னில் இன்று நடைபெற்ற ஆட்டத்தில் மெல்போர்ன் ரெனேகட்ஸ் - ஹோபர்ட் ஹரிகேன்ஸ் அணிகள் மோதின. டாஸ் வென்ற மெல்போர்ன் ரெனேகட்ஸ் பீல்டிங் தேர்வு செய்தது.

அதன்படி ஹோபர்ட் ஹரிகேன்ஸ் அணி முதலில் பேட்டிங் செய்தது. முதல் மூன்று வீரர்கள் சொற்ப ரன்களில் ஆட்டமிழந்தனர். அதன்பின் வந்த மெக்டேர்மோட் 43 பந்தில் 50 ரன்களும், பெய்லி ஆட்டமிழக்காமல் 53 பந்தில் 70 ரன்கள் அடிக்க ஹோபர்ட் ஹரிகேன்ஸ் 20 ஓவரில் 5 விக்கெட் இழப்பிற்கு 145 ரன்கள் சேர்த்தது. கேன் ரிச்சர்ட்சன் 3 விக்கெட் வீழ்த்தினார்.

பின்னர் 146 ரன்கள் அடித்தால் வெற்றி என்ற இலக்குடன் மெல்போர்ன் ரெனேகட்ஸ் அணி களம் இறங்கியது. ஆரோன் பிஞ்ச் 42 ரன்களும், ஹார்பர் 32 ரன்களும் சேர்த்தனர். முகமது நபி 26 ரன்களும், கிறிஸ்டியன் 13 பந்தில் 25 ரன்களும் எடுத்து ஆட்டமிழக்காமல் இருக்க மெல்போர்ன் ரெனேகட்ஸ் 19.2 ஓவரில் 4 விக்கெட் இழப்பிற்கு 150 ரன்கள் சேர்த்து 6 விக்கெட் வித்தியாசத்தில் வெற்றி பெற்றது.

பிக் பாஷ் டி20 லீக் கிரிக்கெட் தொடரின் 2-வது ஆட்டம் இன்று மெல்போர்னில் நடைபெற்றது. இதில் பெர்த் ஸ்கார்சர்ஸ் - மெல்போர்ன் ரெனேகட்ஸ் அணிகள் மோதின.

டாஸ் வென்ற மெல்போர்ன் பீல்டிங் தேர்வு செய்தது. அதன்படி பெர்த் அணி முதலில் பேட்டிங் செய்தது. மெல்போர்ன் அணியின் நேர்த்தியான பந்து வீச்சை தாக்குப்பிடிக்க முடியாமல் பெர்த் அணி 19 ஓவர்கள் மட்டுமே தாக்குப்பிடித்து 103 ரன்னில் சுருண்டது. கிளிங்கர் 28 ரன்களும், வில்லே 12 ரன்களும், கார்ட்ரைட் 12 ரன்களும் எடுத்தனர். மற்ற வீரர்கள் ஒற்றையிலக்க ரன்னில் ஆட்டமிழந்தனர். மெல்போர்ன் அணி சார்பில் ரிச்சர்ட்சன், கிறிஸ்டியன் தலா மூன்று விக்கெட்டுக்கள் வீழ்த்தினார்கள்.

பின்னர் 104 ரன்கள் எடுத்தால் வெற்றி என்ற இலக்குடன் மெல்போர்ன் அணி களம் இறங்கியது. ஒரு கட்டத்தில் மெல்போர்ன் 17 ரன்கள் எடுப்பதற்குள் நான்கு விக்கெட்டுக்களை இழந்து திணறிது.

ஐந்தாவது விக்கெட்டுக்கு ஹார்பர் உடன் முகமது நபி ஜோடி சேர்ந்தார். இந்த ஜோடி அணியை சரிவில் இருந்து மீட்டது. ஹார்பர் 25 பந்தில் 3 பவுண்டரி, 2 சிக்சருடன் 36 ரன்கள் சேர்த்தார். நபி 27 பந்தில் நான்கு பவுண்டரி, 2 சிக்சருடன் 35 ரன்கள் குவித்தார். இவர்களின் சிறப்பான ஆட்டத்தால் மெல்போர்ன் ரெனேகட்ஸ் 15.2 ஓவரில் 6 விக்கெட் இழப்பிற்கு 107 ரன்கள் எடுத்து நான்கு விக்கெட் வித்தியாசத்தில் வெற்றி பெற்றது.

ஆப்கானிஸ்தான் கிரிக்கெட் அணியின் சுழற்பந்து வீச்சு ஆல்ரவுண்டர் முகமது நபி. இவர் ஆஸ்திரேலியாவில் நடைபெறும் பிக் பாஷ் டி20 லீக் தொடரில் மெல்போர்ன் ரெனேகட்ஸ் அணிக்காக 2-வது முறையாக விளையாட ஒப்பந்தம் செய்யப்பட்டுள்ளார்.

20 ஓவர் கிரிக்கெட்டில் ஆப்கானிஸ்தான் சுழற்பந்து வீச்சாளர்கள் அசத்தி வருகிறார்கள் ரஷித் கான், முஜீப் உர் ரஹ்மான் ஆகியோர் ஏற்கனவே பல லீக் தொடரில் விளையாடி வருகிறார்கள். ரஷித் கான் சராசரியாக ஒரு ஓவருக்கு 5.65 ரன்கள் விட்டுக்கொடுத்துள்ளார். நபி 5.76 ரன்கள் விட்டுக்கொடுத்துள்ளார்.



கடந்த சீசனில் மெல்போர்ன் ஸ்டார்ஸ் அணிக்கெதிராக 30 பந்தில் 52 ரன்கள் குவித்து ஆட்டநாயகன் விருதை தட்டிச் சென்றார். நபி இறுதிப் போட்டிக்கான நேரத்தில் சர்வதேச போட்டிக்கு திரும்பினார். அந்த போட்டியில் அடிலெய்டு ஸ்டிரைக்கர்ஸ் அணியிடம் தோல்வியடைந்தது.