search icon
என் மலர்tooltip icon

    நீங்கள் தேடியது "இந்திய ரூபாய் வீழ்ச்சி"

    தொடர்ந்து சரிந்துவந்த இந்திய ரூபாயின் மதிப்பு அமெரிக்க டாலருக்கு எதிராக இன்று வரலாறு காணாத வீழ்ச்சியை சந்தித்துள்ளது. #RupeeagainstUSdollar #Rupeeclosesrecordlow
    மும்பை:

    அமெரிக்காவுக்கும் சீனாவுக்கும் இடையிலான வர்த்தகப் போர் பதற்றம், சர்வதேச சந்தையில் பெட்ரோலிய கச்சா எண்ணெய் விலை உயர்வு போன்றவற்றால் அமெரிக்க டாலருக்கு எதிரான இந்திய ரூபாயின் மதிப்பு முந்தைய வரலாற்றில் எப்போதும் இல்லாத அளவுக்கு தொடர்ந்து வீழ்ச்சி அடைந்து வருகிறது.

    பங்குச்சந்தையில் இன்று காலை வர்த்தகம் தொடங்கியபோது, நேற்றைய டாலர் விலைக்கு எதிரான மதிப்பான ரூ.74.06 காசுகளுடன் ஆரம்பமானது. ஆனால், வர்த்தகத்தின் இடையே ரூபாய் மதிப்பு படிப்படியாக சரிந்து இன்று பிற்பகல் நிலவரப்படி ரூ.74.26 காசுகளுக்கு வந்தது.

    பங்குச்சந்தையில் இன்று காலை வர்த்தகம் தொடங்கிய சில மணி நேரங்களில் 20 காசுகள் சரிவை சந்தித்துள்ளதால் இன்று மாலை நிலவரம் எப்படி இருக்குமோ? என்ற கவலை முதலீட்டாளர்களை ஆட்கொண்டுள்ளது.

    இந்நிலையில், இன்று மாலை பங்குச்சந்தை வர்த்தகம் முடிவடைந்தபோது வரலாறு காணாத வீழ்ச்சியை சந்தித்த இந்திய ரூபாயின் மதிப்பு டாலருக்கு எதிராக 74.39 என்ற அளிவில் மிகப்பெரிய சரிவை சந்தித்துள்ளது.

    கடந்த மாதம் இதே தேதியில் டாலருக்கு எதிரான இந்திய ரூபாயின் மதிப்பு 72 ரூபாய்க்கு மிகாமல் இருந்த நிலையில் ஒரே மாதத்தில் 2 ரூபாய்க்கு அதிகமான சரிவு ஏற்பட்டுள்ளது குறிப்பிடத்தக்கது. #RupeeagainstUSdollar  #Rupeeclosesrecordlow
    அமெரிக்க டாலருக்கு எதிரான இந்திய ரூபாயின் மதிப்பு முதன் முறையாக 74 ரூபாய் 6 காசாக வீழ்ச்சி அடைந்துள்ளது. #IndianRupee #Dollar

    மும்பை:

    அன்னிய செலாவணியின் இருப்பு மாற்றம், கச்சா எண்ணை விலை உயர்வு போன்ற காணரங்களால் அமெரிக்க டாலருக்கு எதிரான இந்திய பணத்தின் மதிப்பு வீழ்ச்சி அடைந்து வருகிறது.

    இதை தடுக்க மத்திய ரிசர்வ் வங்கி பல்வேறு நடவடிக்கைகளை எடுத்து வருகிறது. ஆனாலும், உரிய பலன்கள் கிடைக்காமல் இந்திய பண மதிப்பு தொடர்ந்து வீழ்ச்சி அடைந்து வருகிறது.

    கடந்த வெள்ளிக்கிழமை ரிசர்வ் வங்கி வட்டி விகிதத்தில் மாற்றம் எதுவும் இல்லை என்ற நிதி கொள்கை முடிவை அறிவித்தது. இதனால் ரூபாயின் மதிப்பு இன்னும் வீழ்ச்சி அடைந்து 74 ரூபாய் 22 காசு ஆனது.

    அதன் பிறகு சற்று பணத்தின் மதிப்பில் எழுச்சி ஏற்பட்டது. கடந்த சனிக்கிழமை 73 ரூபாய் 76 காசாக இருந்தது. நேற்று மார்க்கெட் ஆரம்பமான போது அதில் 14 காசு உயர்ந்து இருந்தது.

     


    அதன் பிறகு அதிகபட்சமாக 74 ரூபாய் 10 காசு ஆனது. நேற்றைய மார்க்கெட் முடிவில் 74 ரூபாய் 6 காசாக இருந்தது.

    இத்தனைக்கும் சர்வதேச சந்தையில் கச்சா எண்ணை விலை 4 டாலர் வரை குறைந்துள்ளது. 4 நாட்களுக்கு முன்பு ஒரு பேரல் கச்சா எண்ணை விலை 86.74 டாலராக இருந்தது. அது, இப்போது 82.89 டாலராக குறைந்துள்ளது.

    கச்சா எண்ணை விலையின் தாக்கத்தால் தான் இந்திய ரூபாயின் மதிப்பு வீழ்ச்சி அடைவதாக கூறினார்கள். ஆனால், கச்சா எண்ணை விலை வீழ்ச்சி அடைந்த போதும் இந்திய ரூபாயின் மதிப்பு உயராமல் வீழ்ச்சியை சந்தித்து இருக்கிறது.

    இதுபற்றி ரிசர்வ் வங்கி அதிகாரி ஒருவர் கூறும் போது, அன்னிய செலாவணி வர்த்தகத்தில் ஒரு நிலையற்ற தன்மை நிலவியதால் பணத்தின் மதிப்பு மீண்டும் வீழ்ந்துள்ளது என்று கூறினார். #IndianRupee #Dollar

    ×