search icon
என் மலர்tooltip icon
      முகப்பு » wheat dosa

      நீங்கள் தேடியது "Wheat Dosa"

      category icon லைஃப்ஸ்டைல்
      சத்து நிறைந்த தக்காளி கோதுமை தோசை
      சென்னை

      சத்து நிறைந்த தக்காளி கோதுமை தோசை

      சர்க்கரை நோயாளிகள் தினமும் கோதுமையை உணவில் சேர்த்து கொள்வது நல்லது. இன்று தக்காளி சேர்த்து கோதுமை தோசை செய்வது எப்படி என்று பார்க்கலாம்.
      தேவையான பொருட்கள் :

      தக்காளி - 2,
      கோதுமை மாவு - 1 கப்,
      பெரிய வெங்காயம் - 1,
      இட்லி மாவு - அரை கிராம்,
      கறிவேப்பிலை, கொத்தமல்லி - சிறிதளவு,
      காய்ந்தமிளகாய் - 2,
      உப்பு, எண்ணெய் - தேவைக்கு,
      சீரகம் - 1 டீஸ்பூன்.



      செய்முறை :

      வெங்காயம், கொத்தமல்லியை பொடியாக நறுக்கி கொள்ளவும்.

      தக்காளியை கோதுமை மாவுடன் சேர்த்து மிக்சியில் அரைத்து, அதனுடன் காய்ந்தமிளகாய், சீரகம், கறிவேப்பிலை சேர்த்து அரைக்கவும்.

      இட்லி மாவுடன் அரைத்த தக்காளி மாவு கலவை, உப்பு சேர்த்து நன்கு கலந்து, தேவையான தண்ணீர் சேர்த்து மாவை கரைத்துக் கொள்ளவும்.

      பின்பு நறுக்கிய வெங்காயம், கொத்தமல்லியை சேர்த்து நன்றாக கலந்து கொள்ளவும்.

      தோசை கல்லை அடுப்பில் வைத்து சூடானதும் மாவை தோசைகளாக ஊற்றி சுற்றி சிறிது எண்ணெய் ஊற்றி வெந்ததும் திருப்பி போட்டு எடுத்து பரிமாறவும்.

      சூப்பரான சத்தான தக்காளி கோதுமை தோசை ரெடி.

      தேங்காய் சட்னியுடன் சாப்பிட அருமையாக இருக்கும்.

      இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
      Tomato Wheat Dosa Dosa Variety Dosa Tomato Dosa Wheat Dosa Wheat Recipes Healthy Recipes தக்காளி கோதுமை தோசை தோசை டிபன் கோதுமை சமையல் சைவம் ஆரோக்கிய சமையல் 
      category icon லைஃப்ஸ்டைல்
      சத்தான டிபன் கோதுமை - சீரக தோசை
      சென்னை

      சத்தான டிபன் கோதுமை - சீரக தோசை

      சர்க்கரை நோயாளிகள் தினமும் கோதுமையை உணவில் சேர்த்து கொள்வது நல்லது. இன்று கோதுமை தோசை செய்வது எப்படி என்று பார்க்கலாம்.
      தேவையான பொருட்கள் :

      கோதுமை மாவு - முக்கால் கப்,
      அரிசி மாவு - கால் கப்,
      சீரகம் - அரை டீஸ்பூன்,
      புளித்த மோர் - கால் கப்,
      வெங்காயம் - ஒன்று,
      இஞ்சி -  சிறு துண்டு,  
      பச்சை மிளகாய் - ஒன்று,
      நறுக்கிய கொத்தமல்லி - 2 டீஸ்பூன்,
      எண்ணெய், உப்பு - தேவையான அளவு,



      செய்முறை :

      வெங்காயம், இஞ்சி, ப.மிளகாய், கொத்தமல்லியை பொடியாக நறுக்கி கொள்ளவும்.

      ஒரு பாத்திரத்தில் கோதுமை மாவு, அரிசி மாவை போட்டு அதனுடன் புளித்த மோர், சீரகம், உப்பு, பொடியாக நறுக்கிய வெங்காயம், இஞ்சி, பச்சை மிளகாய், கொத்தமல்லி சேர்த்து, தண்ணீர் சேர்த்து தோசை மாவு பதத்தில் கரைத்து கொள்ளவும்.

      அடுப்பில் தோசை கல்லை வைத்து சூடானதும் ஒரு கரண்டி மாவை விளிம்பிலிருந்து நடுவாக ஊற்றி, இடைவெளியை மாவால் பரத்தி, ஒரு டீஸ்பூன் எண்ணெயை சுற்றிலும் விடவும்.

      ஒரு பக்கம் தோசை வெந்ததும் மறுபுறம் திருப்பி போட்டு சிவந்ததும் எடுத்து சட்னியுடன் பரிமாறவும்.

      சூப்பரான கோதுமை - சீரக தோசை ரெடி.

      இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.


      Wheat Cumin Dosa Dosa Variety Dosa Healthy Dosa Healthy Recipes wheat jeera dosa Wheat Dosa கோதுமை சீரக தோசை தோசை கோதுமை சமையல் டிபன் சைவம் ஆரோக்கிய சமையல் 
      category icon லைஃப்ஸ்டைல்
      வல்லாரை கீரை கோதுமை தோசை
      சென்னை

      வல்லாரை கீரை கோதுமை தோசை

      வல்லாரை கீரை ஞாபகசக்தியை அதிகரிக்கும். ஊட்டச்சத்துமிக்கது என்பதால் பெண்களுக்கும், குழந்தைகளுக்கும் ஏற்றது. இன்று இந்த கீரையை வைத்து தோசை செய்வது எப்படி என்று பார்க்கலாம்.
      தேவையான பொருட்கள் :

      வல்லாரை கீரை - 1 கப்
      கோதுமை மாவு - 2 கப்
      பெரிய வெங்காயம் - 1
      ப.மிளகாய் - 2
      கறிவேப்பிலை, உப்பு - தேவையான அளவு



      செய்முறை :

      கீரையை நன்றாக சுத்தம் செய்து பொடியாக நறுக்கி கொள்ளவும்.

      வெங்காயம், ப.மிளகாயை பொடியாக நறுக்கி கொள்ளவும்.

      ஒரு பாத்திரத்தில் கோதுமை மாவை போட்டு தண்ணீர் சேர்த்து தோசை மாவு பதத்தில் கரைத்து அதனுடன் வெங்காயம். ப.மிளகாய், கறிவேப்பிலை, உப்பு சேர்த்து நன்றாக கலந்து கொள்ளவும்.

      தோசை கல்லை அடுப்பில் வைத்து சூடானதும் மாவை ஒரு கரண்டி ஊற்றி சுற்றி சிறிது எண்ணெய் ஊற்றி வெந்ததும் திருப்பி போட்டு வேக வைத்து எடுக்கவும்.

      - இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
      vallarai keerai wheat dosa vallarai keerai recipes keerai recipes dosa variety dosa healthy dosa wheat dosa வல்லாரை கீரை கோதுமை தோசை தோசை கோதுமை சமையல் கீரை சமையல் 
      ×
        X