நீங்கள் தேடியது "நடனம் ஆடும் யானை"

விலங்குகள் தொடர்பாக சில வீடியோக்கள் இணையத்தில் வைரலாகி விடும். அந்த வகையில் இளம்பெண் ஒருவர் நடனமாடுவதை பார்த்து ஒரு யானை நடனமாடும் வீடியோ இன்ஸ்டாகிராமில் பரவி வருகிறது. அந்த வீடியோ உத்தரகாண்டில் ஜிம் கார்பெட் தேசிய பூங்காவில் எடுக்கப்பட்டுள்ளது.

இந்த வீடியோவில், பூங்காவிற்கு பார்வையாளராக வைஷ்ணவி நாயக் என்ற பெண் சென்றுள்ளார். சமூக வலைதளங்களில் பிரபலமானவராக திகழும் அவர் யானை முன்பு நின்று உடல் அசைவுகளுடன் கூடிய நடனம் ஆடுகிறார். அவரது அசைவுக்கேற்ப யானையும் தலையை ஆட்டியபடியும், நடனம் ஆடியும் அசத்திய காட்சிகள் காண்பவர்களை கவர்கிறது.

பின்னணி இசையுடன் சேர்ந்து இந்த வீடியோவை வைஷ்ணவி நாயக் இன்ஸ்டாகிராமில் பகிர்ந்துள்ளார். அது இசைக்கேற்ப யானை நடனம் ஆடியது போன்று அமைந்திருப்பதால் லைக்ஸ்களை குவித்து வருகிறது. இதுவரை 17 லட்சத்திற்கும் மேற்பட்டோரின் விருப்பங்களை பெற்றுள்ளது.

கேரள மாநிலத்தில் உள்ள தோட்டத்தில் படம்பிடிக்கப்பட்டுள்ள ஒரு வீடியோ ஒன்று இணையத்தில் வெளியாகி உள்ளது. அந்த வீடியோவில் யானை இரும்பு சங்கிலியால் கட்டப்பட்டுள்ளது. யானைக்கு முன்பாக இரண்டு இளம்பெண்கள் பரதநாட்டியம் ஆடுகிறார்கள். அப்போது அந்த பெண்களின் நளினமான நடன அசைவுகளுக்கு ஏற்றவாறு அந்த யானை, தன்னுடைய ராட்சத காதுகளை அசைத்தும் தலையை ஆட்டியும் காட்டுகிறது.

பெண்களுடன் இணைந்து ஆடிய யானை என்ற தலைப்புடன் எக்ஸ் தளத்தில் வெளியான அந்த வீடியோ சமூக வலைத்தளவாசிகளிடையே விவாதத்தை கிளப்பி உள்ளது.

அந்த யானை மகிழ்வுடன் இல்லை எனவும், மன அழுத்தம் காரணமாக அந்த யானை அவதிப்படுவதாகவும் இந்திய வனத்துறை அதிகாரி உள்பட ஏராளமானவர்கள் இந்த வீடியோவுக்கு கருத்துகளை பதிவிட்டுள்ளனர். இந்த வீடியோ 2 நாட்களில் 10 லட்சம் பார்வைகளை கடந்துள்ளது.