நீங்கள் தேடியது "டேவிட் பெக்காம்"

இங்கிலாந்து கால்பந்து அணியின் முன்னாள் கேப்டன் டேவிட் பெக்காம். தலைசிறந்த முன்னாள் கால்பந்து வீரரான பெக்காம் கடந்த ஆண்டு நவம்பர் மாதம் 21-ந்தேதி கார் ஓட்டிக்கொண்டிருக்கும்போது போன் பேசியதாக வழக்குப்பதிவு செய்யப்பட்டது.

இதுகுறித்து ப்ரோம்லி மாஜிஸ்திரேட் கோர்ட் விசாரணை நடத்தி வந்தது. இந்த வழக்கில் ஏற்கனவே டேவிட் பெக்காம் குற்றவாளி என்று கோர்ட் அறிவித்திருந்தது.

இந்நிலையில் இன்று அவருக்கு ஆறு மாதம் டிரைவிங் செய்ய கோர்ட் தடைவிதித்துள்ளது. இந்த வழக்கில் கடந்த மாதமே தீர்ப்பு வழங்கப்பட்டிருக்கும். டேவிட் பெக்காமல் நேரில் ஆஜராக வேண்டும் என்பதால் தீர்ப்பு தள்ளிப்போகி இன்று வழங்கப்பட்டுள்ளது.

உலகக்கோப்பை கால்பந்து திருவிழா ரஷியாவில் நடைபெற்று வருகிறது. நேற்று இரண்டு காலிறுதி ஆட்டங்கள் நடைபெற்றன. முதலில் நடைபெற்ற ஆட்டத்தில் இங்கிலாந்து - சுவீடன் அணிகள் பலப்பரீட்சை நடத்தின. இதில் இங்கிலாந்து 2-0 என வெற்றி பெற்றது. இந்த போட்டிக்கு முன் இங்கிலாந்து அணியின் முன்னாள் நட்சத்திர வீரரான டெவிட் பெக்காமும், சுவீடனின் நட்சத்திர வீரரான இப்ராஹிமோவிச்சும் ஒரு பந்தயம் வைத்துக் கொண்டனர்.

முதலில் இப்ராஹிமோவிச் ‘‘சுவீடன் வெற்றி பெற்றால் கட்டுமான நிறுவனான Ikea-வில் நான் என்ன கேட்டாலும் வாங்கித் தர வேண்டும். அதேவேளையில் இங்கிலாந்து வெற்றி பெற்றால் உலகின் எந்த மூளையிலும் நீங்கள் டின்னர் சாப்பிட விரும்பும் இடத்தில் நான் வாங்கி தருகிறேன்’’ என்று டேவிட் பெக்காமிற்கு டுவிட் செய்திருந்தார்.



இதற்கு டேவிட் பெக்காம் ‘‘சுவீடன் வெற்றி பெற்றால் நான் உங்களை Ikea அழைத்துச் சென்று லாஸ் ஏஞ்சல்ஸில், எந்த இடத்திலும் புது வீடு வாங்கித் தருகிறேன். ஆனால், இங்கிலாந்து வெற்றி பெற்றால் நீங்கள் வெம்ப்லே மைதானத்திற்கு வந்து இங்கிலாந்து போட்டியை, இங்கிலாந்து ஜெர்சி அணிந்து பார்க்க வேண்டும்’’ என்று பதில் டுவிட் செய்திருந்தார்.

தற்போது இங்கிலாந்த வெற்றி பெற்றதால் டேவிட் பெக்காம், வெய்ன் ரூனே ஆகியோர் இப்ராஹிமோவிச்சை கிண்டல் (troll) செய்து வருகின்றனர்.

உலகக்கோப்பை கால்பந்து தொடர் ரஷியாவில் நடைபெற்று வருகிறது. இந்த அணிதான் இறுதிப் போட்டிக்கு முன்னேறும், இந்ததெந்த அணிகள்தான் கோப்பையை கைப்பற்ற வாய்ப்புள்ளது என்று முன்னாள் நட்சத்திர வீரர்கள் கணித்து வருகிறார்கள். இந்நிலையில் இங்கிலாந்து அணியின் முன்னாள் கேப்டனான டேவிட் பெக்காம், இங்கிலாந்து - அர்ஜென்டினா அணிகள்தான் இறுதிப் போட்டியில் மோதும் என்று நம்பிக்கை தெரிவித்துள்ளார்.

இதுகுறித்து டேவிட் பெக்காம் கூறுகையில் ‘‘அர்ஜென்டினா இங்கிலாந்தை எதிர்த்து இறுதிப் போட்டியில் விளையாடும் என்று நம்புகிறேன். என்னுடைய தேர்வு எதுவென்றால், அது இங்கிலாந்து அணியாகத்தான் இருக்கும். நான் இங்கிலாந்தை சார்ந்தவன் என்பதாலும், அந்த உணர்ச்சி எனக்கு இருப்பதாலும் இதைச் சொல்கிறேன்.



உலகக்கோப்பை தொடரில் முதல் போட்டியில் இங்கிலாந்து அணி வெற்றி பெற்றது மகிழ்ச்சி அளிக்கிறது. இங்கிலாந்து மிகவும் இளம் வீரர்களை கொண்ட அணியாக உள்ளது. அவர்கள் அதிக அளவில் அனுபவம் பெறவில்லை என்பதால், உலகக்கோப்பையில் அவர்களது பயணம் மிகவும் கடினமானதாக இருக்கப்போகிறது’’ என்றார்.



1966-ம் ஆண்டு மட்டுமே உலகக்கோப்பையை வென்றுள்ள இங்கிலாந்து, பெக்காம் தலைமையில் 2006-ம் ஆண்டு காலிறுதிக்கு தகுதி பெற்றது என்பது குறிப்பிடத்தக்கது.