நீங்கள் தேடியது "நீர்மின் திட்டம்"

ஜம்மு-காஷ்மீரில் உள்ள நதிநீர் ஆதாரங்களை முழுமையாகப் பயன்படுத்தவும், பிராந்தியத்தின் மின் தேவையைப் பூர்த்தி செய்யவும் இந்திய அரசு தனது நீர்மின் திட்டங்களை அதிவேகமாக முடுக்கிவிட்டுள்ளது.

குறிப்பாக, 1960-ஆம் ஆண்டு போடப்பட்ட சிந்து நதி நீர் ஒப்பந்தத்தை இந்தியா 2025-இல் முறைப்படி நிறுத்தி வைத்ததைத் தொடர்ந்து, இந்தப் பணிகள் இன்னும் வேகம் பெற்றுள்ளன.

மத்திய அரசு மற்றும் தேசிய நீர்மின் கழகம் இணைந்து சுமார் 3,000 மெகாவாட்டிற்கு அதிகமான மின் உற்பத்தித் திறன் கொண்ட நான்கு பெரிய திட்டங்களை தீவிரப்படுத்தியுள்ளன.

அதன்படி, பகல் துல் - 1000 மெகாவாட்(MW): செனாப் நதியின் கிளை நதியான மருசுதார் நதியில் அமைகிறது. இது செப்டம்பர் 2026-க்குள் செயல்பாட்டுக்கு வரும் என எதிர்பார்க்கப்படுகிறது.

ராட்லே - 850 MW: செனாப் நதியின் குறுக்கே அமையும் இந்தத் திட்டம் மே 2026-இல் மின் உற்பத்தியைத் தொடங்க இலக்கு நிர்ணயிக்கப்பட்டுள்ளது. கிரு - 624 MW: கிஷ்த்வார் மாவட்டத்தில் அமையும் இத்திட்டம் டிசம்பர் 2026-க்குள் முடிக்கத் திட்டமிடப்பட்டுள்ளது.

குவார்- 540 MW: இது 2028-ம் ஆண்டின் தொடக்கத்தில் நிறைவடையும் என்று எதிர்பார்க்கப்படுகிறது.

ஏப்ரல் 2025-இல் பஹல்காம் பகுதியில் நடந்த பயங்கரவாதத் தாக்குதலுக்குப் பிறகு, சிந்து நதி நீர் ஒப்பந்தத்தை இந்தியா நிறுத்தி வைத்தது. இதனால், நதிநீரைத் தேக்கி வைப்பதில் இருந்த கட்டுப்பாடுகள் நீங்கி, இந்தியா இப்போது முழு சுதந்திரத்துடன் அணைகளை வடிவமைக்கிறது.

நீண்ட காலத்திற்குப் பிறகு சலால் மற்றும் பாக்லிஹார் அணைகளில் தேங்கியுள்ள வண்டல் மண்ணை அகற்றும் பணிகளை இந்தியா தொடங்கியுள்ளது. இது மின் உற்பத்தித் திறனை அதிகரிக்க உதவும்.

அண்மையில் (டிசம்பர் 2025 இறுதியில்), செனாப் நதியில் துல்ஹஸ்தி நிலை-II (260 MW) மற்றும் சவல்கோட் (1,856 MW) ஆகிய பிரம்மாண்ட திட்டங்களுக்கு மத்திய சுற்றுச்சூழல் அமைச்சகம் அனுமதி வழங்கியுள்ளது.

இந்தியாவின் இந்த அதிரடி நடவடிக்கைகளால் தங்களுக்கு வரும் நதிநீர் குறையும் என்று பாகிஸ்தான் சர்வதேச அளவில் முறையிட்டு வருகிறது. இருப்பினும், தனது இறையாண்மை மற்றும் வளர்ச்சி நலன்களின் அடிப்படையில் இந்தியா பணிகளைத் தொடர்ந்து வருகிறது.

காத்மாண்டு:

நேபாளத்தில் கடும் மின் தட்டுப்பாடு நிலவுகிறது. அதை சரிகட்ட அண்டை நாடான இந்தியாவிடம் இருந்து மின்சாரம் விலைக்கு வாங்கப்படுகிறது. எனவே முன்னாள் பிரதமர் ஷேர் பகதுர் துமே தலைமையிலான அரசு புதி கண்டகி நீர்மின் திட்டத்தை தொடங்க திட்டமிட்டது.

அதன் மூலம் 1200 மெகாவாட் மின்சாரம் தயாரித்து உள்நாட்டு தேவையை பூர்த்தி செய்ய முடிவு செய்யப்ட்டது. பின்னர் நடத்திய ஆய்வின், இந்த திட்டம் நிறைவேற்றப்பட்டால் 8 ஆயிரத்துக்கும் மேற்பட்ட குடும்பத்தினர் பாதிக்கப்படுவார்கள்.

3560-க்கும் மேற்பட்ட வீடுகள் முழுமையாக ஏரியில் மூழ்கும். 4.557 வீடுகள் பாதி அளவு மூழ்கும் அபாயம் இருப்பது தெரியவந்தது. எனவே இந்த திட்டம் கைவிடப்பட்டது.

தற்போது அங்கு பிரதமர் கே.பி.ஒலி தலைமையிலான புதிய அரசு பதவி ஏற்றுள்ளது. கடந்த வாரம் அமைச்சரவை கூட்டம் நடந்தது. அதில் கைவிடப்பட்ட புதி கண்டகி நீர்மின் திட்டத்தை மீண்டும் அமல்படுத்த முடிவு செய்யப்பட்டது.

அந்த திட்டத்தை சீனாவின் கெஷூபா குரூப் கார்ப்பரேசன் கம்பெனியிடம் ஒப்படைக்க தீர்மானிக்கப்பட்டது. இத்திட்டம் ரூ.18 ஆயிரம் கோடி செலவில் நடை முறைப்படுத்தப்பட உள்ளது. #HydroPowerPlant