நீங்கள் தேடியது "Sholavandan"

சோழவந்தான்:

மதுரை சோழவந்தான் அருகிலுள்ள சின்ன இரும்பாடியை சேர்ந்த வெள்ளைச்சாமி மகள் மகாலட்சுமி (வயது 14). இவர் சின்னாளப்பட்டியில் உள்ள தனியார் பள்ளி விடுதியில் தங்கி 9-ம் வகுப்பு படித்து வந்தார்.

மகாலட்சுமி பொங்கல் விடுமுறைக்காக சொந்த ஊருக்கு வந்தார். அப்போது அவர் மிகுந்த சோர்வுடன் இருந்ததாக தெரிகிறது.

இந்த நிலையில் மகாலட்சுமி சம்பவத்தன்று அதிகாலை வீட்டில் வி‌ஷம் குடித்து மயங்கி விழுந்தார். இதையடுத்து அவரை உறவினர்கள் தனியார் ஆஸ்பத்திரியில் சேர்த்தனர். அங்கு டாக்டர்கள் தீவிர சிகிச்சை அளித்தும் பலனின்றி மகாலட்சுமி பரிதாபமாக இறந்தார்.

இது தொடர்பாக மகாலட்சுமியின் சகோதரர் விஜயகுமார் சோழவந்தான் போலீசில் புகார் செய்தார். சப்-இன்ஸ்பெக்டர் அய்யாரு வழக்குப்பதிவு செய்து விசாரிக்கிறார்.

மற்றொரு சம்பவம்...

மதுரை திருப்பரங்குன்றம் அருகிலுள்ள தனக்கன்குளம் வெங்கலமூர்த்தி நகரைச் சேர்ந்தவர் ஜெயகுமார் (24) லாரி கிளீனராக வேலை பார்த்தார்.

இந்த நிலையில் ஜெயகுமார் நேற்றிரவு குடிபோதையில் வீட்டு மாடிக்கு தூங்க சென்றார். நள்ளிரவில் சிறுநீர் கழிப்பதற்காக ஏணி மூலம் கீழே இறங்கினார்.

அப்போது ஜெயகுமார் துரதிருஷ்டவசமாக நிலைதடுமாறி கீழே விழுந்தார். இதையடுத்து அவரை உறவினர்கள் ஆஸ்பத்திரிக்கு கொண்டு சென்றனர். செல்லும் வழியிலேயே ஜெயகுமார் பரிதாபமாக இறந்தார்.

இது தொடர்பாக ஜெயகுமாரின் தாய் ஜெயசீலி ஆஸ்டின்பட்டி போலீசில் புகார் செய்தார். சப்-இன்ஸ்பெக்டர் கருத்தபாண்டி வழக்குப்பதிவு செய்து உடலை கைப்பற்றி பிரேத பரிசோதனைக்கு அனுப்பி வைத்து விசாரணை நடத்தி வருகிறார்.

மதுரை:

மதுரை மாவட்டம் சோழவந்தான் அருகே உள்ள சித்தாலங்குடி ஆனைக்குளத்தை சேர்ந்தவர் செந்தில். இவரது மனைவி அழகுகனகவள்ளி (வயது 20). இவர்களுக்கு கடந்த ஒரு மாதத்துக்கு முன்பு திருமணம் நடந்தது. இந்த நிலையில் கடந்த 31-ந்தேதி அழகு கனகவள்ளி சாமி கும்பிட கோவிலுக்கு சென்றார். அப்போது திருப்பூரைச் சேர்ந்த மணி, அவரது நண்பர் குமார் ஆகியோர் அழகு கனகவள்ளியை திருமணம் செய்யும் நோக்கத்தில் கடத்தி சென்று விட்டதாக தெரிகிறது.

இதுகுறித்து சோழவந்தான் போலீசில் புகார் செய்யப்பட்டது. போலீசார் வழக்குப்பதிவு செய்து மணி, குமார் ஆகியேரை தேடி வருகிறார்கள்.

சோழவந்தான்:

சோழவந்தான் அருகே சித்தாதிபுரம் வைகை ஆற்றில் இரவில் அதிக அளவில் மணல் திருட்டு நடைபெறுவதாக புகார் எழுந்தது அந்த பகுதியில் இரவு நேரங்களில் திருட்டு தனமாக சுமார் 200 லாரிகள் வீதம் தினமும் மண் அள்ளப்படுகிறது. இந்த மணல் கர்நாடகா மற்றும் கேரளாவிற்கு அதிக அளவில் கடத்தப்படுகிறது

இதுபற்றி கலெக்டரிடம் பலமுறை புகார் அளித்தும் அதிகாரிகள் யாரும் கண்டு கொள்ளவில்லை என பொதுமக்கள் புகார் கூறி வருகின்றனர்.

மேலும் இங்கு ஆற்றின் நடுவே பல அடி நீளம் ஆற்று மணல் தோண்டி எடுத்து நீராதாரத்தையே அழித்துள்ளனர்

இதை தடுக்க சென்ற காடு பட்டி உதவி ஆய்வாளர் தனபாலை இந்த மணல் கடத்தும் கும்பல் 3 முறை லாரி ஏற்றி கொல்ல முயற்சி செய்துள்ளது.

எனவே சமயநல்லூர் உதவி கண்காணிப்பாளர் மோகன்குமார் ஆலோசனையின் பேரில் காடு பட்டி உதவி ஆய்வாளர் தனபால், மற்றும் இருளப்பன் தலைமையில் தனிப்படை அமைத்து கடத்தலில் ஈடுபட்ட 11 லாரிகள், ஒரு ஜே.சி.பி. வாகனம், 4 மோட்டார் சைக்கிள், 1 டாடா சுமோ வாகனத்தையும் பறிமுதல் செய்துள்ளனர்.

போலீசாரை கண்டதும் மணல் திருடும் கும்பல் வாகனத்தை போட்டுவிட்டு தப்பி ஓடிவிட்டது.

மணல் கடத்தல் கும்பலை சேர்ந்த டிரைவர் ஜோதிபாசு என்பவர் வாடிப்பட்டி போலீசாரின் வாகன சோதனையில் சிக்கி தப்பிக்க நினைத்து ஓடி அருகிலுள்ள கிணற்றில் தவறி விழுந்து பலியான சம்பவம் நடந்தது குறிப்பிடத்தக்கது.