நீங்கள் தேடியது "Sai Baba Temple"

பிரதமர் மோடியின் பாரத் கவுரவ் திட்டத்தின் கீழ் தனியார் வசம் கொடுக்கப்பட்டுள்ள ரெயில் திட்டங்களின் ஒரு பகுதியாக கோவையில் இருந்து சீரடிக்கு இன்று தனியார் சிறப்பு ரெயில் இயக்கப்படுகிறது.

வாரம் ஒரு முறை செல்லும் இந்த ரெயிலில் டிக்கெட் முதல் பராமரிப்பு பணிகள் வரை தனியார் நிறுவனமே மேற்கொள்கிறது. முன்னதாக போத்தனூர் ரெயில் நிலையத்தில் நிறுத்தி வைக்கப்பட்டிருந்த இந்த ரெயிலை தெற்கு ரெயில்வே பொது மேலாளர் பி.ஜி.மல்யா, சேலம் கோட்ட மேலாளர் கவுதம் சீனிவாசன் ஆகியோர் ஆய்வு செய்தனர்.

இந்த ரெயிலில் பயணிகளுக்கு செய்யப்பட்டுள்ள பாதுகாப்பு ஏற்பாடுகள், உணவு வசதிகள், செல்போன் சார்ஜ் வசதி, படுக்கை, போர்வை உள்ளிட்ட பொருட்கள் வழங்கப்படுவது குறித்தும் அவர்கள் ஆய்வு செய்தனர்.

செவ்வாய்க்கிழமை கோவையில் இருந்து புறப்படும் இந்த ரெயிலை இயக்கும் ஓட்டுநர்கள் மற்றும் டிக்கெட் சரிபார்க்கும் பணியாளர்களை தெற்கு ரயில்வே வழங்கி உள்ளது.

கால அட்டவணையின்படி, இன்று கோவையில் இருந்து மாலை 6 மணிக்கு புறப்படும் இந்த ரெயில் நாளை புதன்கிழமை மதியம் மந்திராலயத்தையும், மாலையில் சீரடியையும் சென்றடையும். இரவு தங்கிய பின் வியாழக்கிழமை காலை சீரடி சாய்பாபா கோயிலுக்கு பக்தர்கள் அழைத்துச் செல்லப்படுவார்கள்.

வியாழக்கிழமை மாலையில் சீரடியில் இருந்து புறப்படும் இந்த ரெயில் வெள்ளிக்கிழமை மாலை கோவை வந்தடையும் என்று தெரிவிக்கப்பட்டுள்ளது. இந்த ரெயில் கோவை, திருப்பூர், ஈரோடு, சேலம், பெங்களூரு, மந்த்ராலயம் மற்றும் சீரடி ஆகிய ரெயில் நிலையங்களில் நிறுத்தப்படும் என்று அறிவிக்கப்பட்டுள்ளது.

மும்பை:

நாட்டில் கோவில்கள் வருமானத்தில் மராட்டிய மாநிலம் சீரடி சாய்பாபா கோவில் முதலிடத்தில் உள்ளது. இந்த கோவிலின் மொத்த வங்கி இருப்பு தொகை ரூ.2,100 கோடியாகும்.

பக்தர்கள் காணிக்கை மூலம் தினசரி வருமானம் ரூ.2 கோடியாகவும், ஆண்டு வருமானம் ரூ.700 கோடியாகவும் உள்ளது.

நாள்தோறும் சராசரியாக 70,000 பக்தர்கள் சாமி தரிசனம் செய்ய வருகிறார்கள். விழாக்காலங்களில் தினசரி பக்தர்கள் வருகை எண்ணிக்கை 3.5 லட்சமாக அதிகரிக்கும்.

இதற்கு அடுத்தப்படியாக தான் திருவனந்தபுரம் பத்மநாபசாமி கோவில், திருப்பதி ஏழுமலையான் கோவில், ஜம்முவில் வைஷ்ணவ தேவி கோவில் வருமானங்கள் உள்ளன.

இந்த கோவில் வருமானத்தை அந்தந்த மாநில அரசுகள் கடனாக பெற்று பயன்படுத்தி வருகின்றன. தற்போது மராட்டிய அரசு சீரடி சாய்பாபா கோவில் அறக்கட்டளை நிதியில் இருந்து ரூ.500 கோடி கடன் வாங்குகிறது.

மராட்டிய அரசு மிகப்பெரிய அளவில் கோதாவரி- மராத்வாடா நீர்ப்பாசன திட்டத்தை நிறைவேற்ற முடிவு செய்துள்ளது. இந்த திட்டத்துக்கு ரூ.1,200 கோடி செலவாகும் என்று மதிப்பிடப்பட்டுள்ளது. இதற்காக மராட்டிய அரசு பல்வேறு வழிகளில் இருந்து நிதி திரட்டி வருகிறது.

அந்த வகையில் சீரடி சாய்பாபா கோவில் டிரஸ்ட் நிதியில் இருந்து ரூ.500 கோடி கடன் வாங்க முடிவு செய்யப்பட்டுள்ளது. இதற்கான ஒப்பந்தத்தில் சாய்பாபா கோவில் டிரஸ்ட்டும், கோதாவரி- மராத்வாடா நீர்ப் பாசன கழகமும் கையெழுத்திட்டுள்ளது.

ஏற்கனவே சாய்பாபா கோவில் நிதியில் இருந்து ரூ.500 கோடி கடன் வாங்குவதற்கு முதல்- மந்திரி தேவேந்திர பட்நாவிஸ் தலைமையில் நடந்த கூட்டத்தில் ஒப்புதல் அளிக்கப்பட்டது. இந்த ரூ.500 கோடி நிதியை சாய்பாபா கோவில் வட்டியில்லா கடனாக வழங்குகிறது.

இதற்கு முன் மராட்டியத்தில் 4 அரசு மருத்துவ கல்லூரிகள் மேம்பாட்டுக்கு சாய்பாபா கோவில் ரூ.71 கோடி நிதி வழங்கியது குறிப்பிடத்தக்கது. #SaiBabaTemple