முதுகுளத்தூர்
ராமநாதபுரம் மாவட்டம் முதுகுளத்தூர் பேருராட்சி மன்ற கூட்டம் சேர்மன் ஷாஜஹான் தலைமையில் நடந்தது. நிர்வாக அதிகாரி மாலதி முன்னிலை வகித்தார். ஊழியர் ராஜேஸ் வரவேற்றார்.
கவுன்சிலர்கள் இடையே நடந்த விவாதம் வருமாறு:-
மோகன்தாஸ் (7-வது வார்டு திமுக கவுன்சிலர்)
சொத்துவரி, குடிநீர் வரி எவ்வாறு வசூலிக்கப்படுகிறது.இதர வருவாய் இனங்கள் குறித்த இணைப்பு வைக்க வேண்டும். அப்போதுதான் அனைத்து கவுன்சிலர்களுக்கும் தெரியவரும்.
சேர்மன்:- தண்ணீர் வரி மாதந்தோறும் வசூலிக்கப்படுகிறது.
மோகன்தாஸ் (7வது வர்ர்டு):- பிளான்அப்ரூவல் எவ்வாறு வசூலிக்கப்ப டுகிறது?
சேகர் (10-வது வார்டு):- பஸ் நிலைய கடைகள் எப்போது ஏலம் விடப்படும். சேர்மன்:- அதிகாரிகளின் காலத்தில் போர்டு 3 ஆண்டுகளுக்கு அனுமதி வழங்கியுள்ளது. இப்போது 18 மாதங்கள்தான் முடிந்த நிலையில் மீதி 18 மாதங்கள் முடிந்தபின்பு முடிவு செய்யப்படும்.
மோகன்தாஸ் (7வது வார்டு):- சங்கராண்டி ஊரணிக்கு மழைநீர் செல்லும் குழாயில் உடைப்பு ஏற்பட்டு பொதுமக்களை மிரட்டுகிறது. உடைந்த குழாயை அகற்றி உடனடியாக புதிய குழாய் பதித்து அங்கு தடுப்பு சுவர் அமைக்க வேண்டும்.
சேகர் (10 வது வார்டு கவுன்சிலர்):- பிரேத பரிசோதனை கூடம் குறித்து என்ன முடிவு எடுக்கப்பட்டுள்ளது? (சேர்மன்):- பேரூராட்சி 6-வது சாட்சியாக சேர்க்கப்பட்டுள்ளது.
உம்முதர்தா (12-வது வார்டு):- எங்கள் பகுதியில் வாறுகால் அமைக்க வேண்டும். மோகன்தாஸ் (7-வது வார்டு):- கீழரதவீதியில் வாறுகால் அமைத்து கொடுக்க வேண்டும். காவிரி குடிநீர் இணைப்பு வழங்க நடவடிக்கை எடுக்க வேண்டும்.
ராமலட்சுமி:- மழைநீர் தேங்கியுள்ளதை அகற்ற வேண்டும்.
பார்வதி:- கழிவுநீர் தேங்காமல் நடவடிக்கை எடுக்க வேண்டும்.
இவ்வாறு விவாதம் நடந்தது.
