நீங்கள் தேடியது "Puzhal Prison"

செங்குன்றம்:


இது குறித்த புகாரின் பேரில் அதிகாரிகள் திடீர் சோதனை நடத்தி அங்கிருந்த தொலைக்காட்சி பெட்டிகள் உள்ளிட்டவற்றை பறிமுதல் செய்தனர். இதை தொடர்ந்து 5 கைதிகள் திருச்சி, சேலம், கோவை உள்ளிட்ட சிறைகளுக்கு மாற்றப்பட்டனர். மேலும் இதற்கு உடந்தையாக இருந்த சிறை காவலர்கள் மற்றும் அதிகாரிகள் மீதும் நடவடிக்கை எடுக்க ஆலோசனை நடந்து வருகிறது.

இந்நிலையில் சிறைத்துறை கூடுதல் டி.ஜி.பி. அசுதோஸ் சுக்லா உத்தரவின் பேரில் தண்டனை சிறையில் பணிபுரிந்த தலைமை வார்டர்கள் விஜயராஜ் ஊட்டி கிளை சிறைக்கும், கணேசன் செங்கம் கிளை சிறைக்கும் மாற்றப்பட்டனர்.

இதேபோல் வார்டர்கள் பாவாடைராயர், செல்வகுமார் ஆகியோர் வேலூர் சிறைக்கும், ஜெபஸ்டீன் செல்வக்குமார், பிரதாப்சிங் ஆகியோர் கோவை சிறைக்கும், சிங்காரவேலன் சேலம் சிறைக்கும், சுப்பிரமணியன் திருச்சி சிறைக்கும் அதிரடியாக மாற்றப்பட்டனர்.  #PuzhalJail

சென்னை:

சென்னை புழல் சிறையில் சுமார் 3 ஆயிரம் கைதிகள் அடைக்கப்பட்டுள்ளனர்.


தண்டனை பெற்ற கைதிகளில் பெரும்பாலானவர்கள் புழல் சிறையில் சொகுசு வாழ்க்கை வாழ்ந்து வருபவதாக சமீபத்தில் புகைப்படங்களுடன் தகவல் வெளியானது. ஆடம்பர உடை-ஷூ அணிந்து ஒரு கைதி சொகுசு மெத்தையில் படுத்து இருக்கும் காட்சிகள் பரபரப்பை ஏற்படுத்தின.

தண்டனை கைதிகள் தினமும் வெளியில் இருந்து வரும் அறுசுவை உணவு சாப்பிடுவதும், செல்போனில் பேசுவதும், செல்பி எடுத்து ஜாலியாக பொழுதைப் போக்கிக் கொண்டிருப்பதும் தெரிய வந்தது. இதையடுத்து கடந்த 3-ந்தேதி புழல் சிறைக்குள் லஞ்ச ஒழிப்புப் போலீசார் திடீர் சோதனை நடத்தினார்கள்.

அப்போது தண்டனை கைதிகளிடம் இருந்து 7 செல்போன்கள் பறிமுதல் செய்யப்பட்டன. தீவிரவாதி ஒருவனிடம் இருந்து 2 ஆன்ட்ராய்டு செல்போன்களும், இலங்கையைச் சேர்ந்த கஞ்சா கடத்தல்காரன் ஒருவனிடம் இருந்து நவீன செல்போன்களும் பறிமுதல் செய்யப்பட்டன.

அந்த செல்போன்களை போலீசார் ஆய்வு செய்தனர். அப்போதுதான் தண்டனை கைதிகள் மிகவும் உல்லாசமாக சொகுசு வாழ்க்கை வாழ்ந்து வருவது தெரிய வந்தது.

இதையடுத்து தண்டனை கைதிகள் உள்ள அறைகளில் நேற்று காலை அதிரடி சோதனை நடத்தப்பட்டது. சிறைத்துறை தலைவர் அசுதோஷ் சுக்லா, டி.ஐ.ஜி. கனகராஜ் தலைமையில் போலீசார் இந்த சோதனை நடத்தினார்கள். அப்போதும் சில செல்போன்கள் பறிமுதல் செய்யப்பட்டன.

அதன்பிறகு தண்டனை கைதிகள் எப்படி சொகுசு வாழ்க்கை வாழ்கிறார்கள்? அவர்களுக்கு யார்-யார் உதவி செய்கிறார்கள் என்று விசாரணை நடத்தப்பட்டது. அதில் பல திடுக்கிடும் தகவல்கள் கிடைத்தன.

இதையடுத்து புழல் ஜெயில் விசாரணையை தீவிரப்படுத்த போலீஸ் உயர் அதிகாரிகள் முடிவு செய்தனர். தலைமையிடத்து சிறைத்துறை போலீஸ் டி.ஜி.பி. முருகேசனை அழைத்த சிறைத்துறை தலைவர் அசுதோஷ் சுக்லா புழல் ஜெயிலுக்குள் சென்று அங்குலம் அங்குலமாக சோதனை நடத்தும்படி உத்தரவிட்டார்.

இதைத் தொடர்ந்து நேற்று இரவு தலைமையிடத்து சிறைத்துறை போலீஸ் டி.ஜி.பி. முருகேசன் தலைமையில் போலீஸ் படை ஒன்று புழல் ஜெயிலுக்கு சென்றது. அங்கு அவர்கள் தண்டனை கைதிகளின் அறைகளை சோதனையிட்டனர்.

முதல் வகுப்பு அறைகளில் உள்ள கைதிகளை குறி வைத்து இந்த சோதனை நடத்தப்பட்டது. மொத்தம் உள்ள 24 உயர்மட்ட அறைகளிலும் தீவிர சோதனை நடத்தப்பட்டது. அந்த அறைகளில் உள்ள ஒவ்வொரு பகுதிகளையும் போலீசார் சல்லடை போட்டு ஆய்வு செய்தனர்.

இரவு 9 மணிக்கு தொடங்கிய இந்த சோதனை 11 மணி வரை நீடித்தது. இந்த சோதனையில் முதல் வகுப்பு அறைகளில் தண்டனை கைதிகள் 18 டி.வி.க்களை வைத்து பொழுது போக்கு நிகழ்ச்சிகளை பார்த்து வந்தது தெரிய வந்தது. அந்த 18 டி.வி.க்களையும் போலீசார் பறிமுதல் செய்தனர்.

அந்த 18 டி.வி.க்களும் உயர்ரக விலைமிகுந்த தொலைக்காட்சி பெட்டிகளாகும். அவை எப்படி புழல் ஜெயிலுக்குள் கொண்டு வரப்பட்டது என்பது சிறைத்துறை உயர் அதிகாரிகளுக்கு மலைப்பை ஏற்படுத்தியது. அந்த தொலைக்காட்சி பெட்டிகளுக்கு மின்இணைப்பு வசதியும் செய்து கொடுக்கப்பட்டது எப்படி என்று அதிகாரிகள் திகைத்தனர்.

தொலைக்காட்சி பெட்டி தவிர 3 எப்.எம். ரேடியோவையும் போலீசார் கைப்பற்றினார்கள். சில பணக்கார கைதிகள் இந்த எப்.எம். ரேடியோக்களை பயன்படுத்தியது தெரிய வந்தது. ஜாலியாக அவர்கள் அந்த ரேடியோக்களில் பாட்டுகளை கேட்டு பொழுதை கழித்து உள்ளனர்.

இவை தவிர கஞ்சா பொட்டலங்களும் பறிமுதல் செய்யப்பட்டு உள்ளது. சிறைத்துறை போலீசார் உதவி இல்லாமல் இவை வந்திருக்க வாய்ப்பே இல்லை என்பதால் விசாரணை தீவிரப்படுத்தப்பட்டு உள்ளது.

புழல் ஜெயிலில் கைப்பற்றப்பட்ட செல்போன்களும் அதிநவீனமானவை. அந்த செல்போன்கள் மூலம் வெளிநாடுகளுக்கு பேசப்பட்டு உள்ளது. இதுகுறித்து உயர் அதிகாரிகள் தனி விசாரணை நடத்தி வருகிறார்கள். இது தொடர்பாக தனியாக வழக்குப் பதிவு செய்ய உத்தரவிடப்பட்டுள்ளது.

குற்றச்சாட்டுகள் நிரூபிக்கப்படும் பட்சத்தில் தண்டனை கைதிகள் மீதும் அவர்களுக்கு உதவி செய்தவர்கள் மீதும் கடும் நடவடிக்கை எடுக்கப்படும் என்று சிறைத்துறை தலைவர் அசுத்தோஷ் சுக்லா கூறியுள்ளார். #PuzhalPrison

சென்னை:

சென்னை அண்ணா சாலை ஸ்டேட் பேங்க் தெருவை சேர்ந்தவர் ஷிவ் ரத்தன் கன்னா (வயது 56). தொழில் அதிபரான இவர் சென்னை போலீஸ் கமி‌ஷனரை சந்தித்து ஏற்கனவே ஒரு புகார் மனு கொடுத்திருந்தார்.

அதில் தனது நெருங்கிய உறவினரான மைலாப்பூர் தொழில் அதிபர் சுமித் மல்கோத்ரா (வயது 47)வும் நானும் பங்குதாரர்களாக சேர்ந்து, அலங்கார மின் விளக்குகள் விற்பனை செய்யும் கடையை நடத்தி வந்தோம்.

கடையை பெரும்பாலும் சுமித் மல்கோத்ராதான் கவனித்து வந்தார். எனக்கு ‘லைட்டிங்’ தொழில் தெரியாது என்பதால் என்னை நம்ப வைத்து கடை வருமானத்தில் ரூ.40 கோடியை சுருட்டி அம்பத்தூரில் தனக்கென தனியாக ஒரு கடையை தொடங்கி விட்டார்.

இந்த மோசடியை கண்டு பிடித்த நான், அவரிடம் பணத்தை திருப்பி தரும்படி கேட்டேன். ஆனால் அவர் என்னை ஏமாற்றியது மட்டுமின்றி பணம் தராமல் மோசடி செய்கிறார்.

எனவே சுமித் மல்கோத்ரா மீதும் அவருக்கு உடந்தையாக இருந்த அவரது மனைவி பூஜா மல்கோத்ரா, ரேவதிராமன் மல்கோத்ரா, உமேஷ் மல்கோத்ரா மீது சட்டப்பூர்வ நடவடிக்கை எடுக்க வேண்டும் என்று கூறி இருந்தார்.

இதுதொடர்பாக சென்னை மத்திய குற்றப் பிரிவு துணை கமி‌ஷனர் மல்லிகா, உதவி கமி‌ஷனர் சச்சிதானந்தம் மேற்பார்வையில் இன்ஸ்பெக்டர் தனலட்சுமி விசாரணை நடத்தினார்.

பணம் மோசடி, கையாடல் நடந்தது தெரிய வந்துள்ளதால் இந்திய தண்டனை சட்டம் 406, 420, 120பி ஆகிய பிரிவுகளின் கீழ் வழக்குப் பதிவு செய்து தொழில் அதிபர் சுமித் மல்கோத்ராவை கைது செய்தனர். விசாரணைக்கு பிறகு அவரை புழல் சிறையில் அடைத்தனர்.

சுமித் மல்கோத்ரா ஜாமீன் கேட்டு கோர்ட்டில் மனு செய்திருந்தார். அந்த மனுவும் தள்ளுபடி ஆகிவிட்டது.

பூஜா மல்கோத்ரா, உமேஷ் மல்கோத்ரா, ரேவதிராமன் மல்கோத்ரா ஆகியோர் ஐகோர்ட்டில் முன்ஜாமீனுக்கு முயற்சி செய்து வருகின்றனர்.#tamilnews