நீங்கள் தேடியது "Pettishop"

திசையன்விளை:

திசையன்விளையை அடுத்து உள்ள குருகாபுரத்தை சேர்ந்தவர் ராஜேந்திரன் (வயது 51). இவர் திசையன்விளை புறவழி சாலையில் பெட்டிக் கடை நடத்தி வந்தார்.

நேற்று இரவுவழக்கம்போல் கடையை பூட்டிவிட்டு சென்றுவிட்டார். இன்று அதிகாலை 2 மணியளவில் கடை திடீர் என தீ பிடித்து எரிந்துள்ளது.

அக்கம்பக்கத்தினர் தகவலின்பேரில் திசையன்விளை தீயணைப்பு வீரர்கள் விரைந்து சென்று தீயை அணைத்தனர்.

ஆனால் கடைமுழுவதும் எரிந்து சாம்பல் ஆனது.

தீ விபத்துக்கான காரணம் குறித்து திசையன்விளை போலீசார் விசாரணை நடத்தி வருகின்றனர்.

தீவிபத்து நடந்த கடையில் மின்சார வசதி கிடையாது. அதனால் முன்விரோதத்தில் யாராவது கடைக்கு தீ வைத்தார்களா? என்ற கோணத்திலும் விசாரணை நடந்து வருகிறது.

தூத்துக்குடி:

தூத்துக்குடி தாளமுத்துநகர் சிலுவைப் பட்டியை சேர்ந்தவர் சூசை. இவரது மனைவி ஞான ஜோதி ( வயது 40). இவர் சுனாமி காலனி பகுதியில் பெட்டிக்கடை நடத்தி வருகிறார்.

இன்று காலை கடையை திறக்க சென்றபோது ஷட்டர் பூட்டு உடைக்கப்பட்டு இருந்தது. கடையில் இருந்த பொருட்கள் திருட்டு போயிருந்தது. இதுகுறித்த புகாரின் பேரில் போலீசார் விசாரணை நடத்தி வருகின்றனர்.