நீங்கள் தேடியது "Nutritional Vault"

வெள்ளகோவில்:

வெள்ளகோவில் வட்டார ஆரம்ப சுகாதார நிலையத்தில், வெள்ளகோவில் ரோட்டரி சங்கத்தின் சார்பில் வாரம் தோறும் செவ்வாய்க்கிழமை அன்று கர்ப்பிணி பெண்களுக்கு ஊட்டச்சத்து பெட்டகம் வழங்கப்பட்டு வருகிறது.

வெள்ளகோவில் வட்டார ஆரம்ப சுகாதார நிலையத்தில் வெள்ளகோவில் ரோட்டரி சங்கத்தின் தலைவர் ஆர் வெங்கடசுப்பு தலைமையில், செயலாளர் அருண்குமார் முன்னிலையில் கர்ப்பிணி பெண்களுக்கு ஊட்டச்சத்து பெட்டகம் வழங்கினர். இதில் வட்டார மருத்துவ அலுவலர் ராஜலட்சுமி மற்றும் ரோட்டரி சங்க பட்டய தலைவர் எஸ்.ரகுநாதன் மற்றும் நிர்வாகிகள் கலந்து கொண்டனர்.

விளாத்திகுளம்:

சமூக நலன் மற்றும் மகளிர் உரிமைத்துறை சார்பில் விளாத்திகுளம், புதூரில் ஊட்டச்சத்தை உறுதி செய் திட்டத்தின் கீழ் 6 மாதம் வரை உள்ள குழந்தைகளுக்கு ஊட்டச்சத்து பெட்டகம் வழங்கும் விழா நடைபெற்றது.

மார்க்கண்டேயன் எம்.எல்.ஏ. தலைமை தாங்கி, குழந்தைகளுக்கு ஊட்டச்சத்து பெட்டகம் வழங்கி பேசினார். இதில், விளாத்திகுளம், புதூர் வட்டாரத்தில் 6 மாதம் வரையிலான 159 குழந்தைகளுக்கு ஊட்டச்சத்து பெட்டகம் வழங்கப்பட்டது. விழாவில், குழந்தை வளர்ச்சி திட்ட அலுவலர்கள் தாஜூன்னிசா பேகம், திலகா, வட்டார மருத்துவர்கள் இன்பராஜ், விபிகா, வட்டார வளர்ச்சி அலுவலர்கள் முத்துக்குமார், தங்கவேல், பேரூராட்சி தலைவர் அய்யன்ராஜ், விளாத்திகுளம் நகர செயலாளர் வேலுச்சாமி, ஒன்றிய செயலாளர்கள் அன்புராஜன், மும்மூர்த்தி, செல்வராஜ், சமூக வலைதள பொறுப்பாளர் ஸ்ரீதர் உள்ளிட்ட பலர் கலந்து கொண்டனர்.