நீங்கள் தேடியது "Legal works"

சிவகங்கை,

சிவகங்கை மாவட்ட சட்டப்பணிகள் ஆணைக்குழு சார்பில் மானாமதுரை ஊராட்சி ஒன்றியத்திற்கு உட்பட்ட வேம்பத்தூர் கிராமத்தில் சட்ட விழிப்புணர்வு முகாம் மாவட்ட சட்டப்பணிகள் ஆணைக்குழு செயலாளர், சார்பு நீதிபதி பரமேஸ்வரி தலைமையில் நடந்தது. இந்த முகாமில் மாவட்ட சட்ட பணிகள் ஆணைக்குழு வழக்கறிஞர்கள் (சட்ட உதவி பாதுகாப்பு வழக்கறிஞர்கள் காளைஈஸ்வரன், கிரன்காளை ஆகியோர் சொத்துஉரிமைச்சட்டம், அடிப்படை உரிமைகள் பற்றி எடுத்துரைத்தனர். வேம்பத்தூர் ஊராட்சி தலைவர் சமயமுத்து வரவேற்று பேசினார். இதில் பொதுமக்கள், மகளிர் குழு உறுப்பினார்கள், மாணவ, மாணவிகள் கலந்து கொண்டனர்.

சிவகிரி:

தமிழ்நாடு மாநில சட்டப்பணிகள் குழு ஆணையின்படி மாவட்ட சட்டப்பணிகள் ஆணைக்குழு தலைவர் நீதிபதி குமரகுரு அறிவுறுத்தலின்பேரில், சிவகிரி வட்ட சட்ட பணிகள் குழு தலைவர் நீதிபதி கே.எல்.பிரியங்கா வழிகாட்டுதலின்படி சட்டப்பணிகள் குறித்து விழிப்புணர்வு நிகழ்ச்சி நடைபெற்றது. சிவகிரி அருகே வேலாயுதபுரம், இராமநாதபுரம், அருளாட்சி என்ற திருமலாபுரம் ஆகிய கிராமங்களில் வீடுவீடாகச் சென்று சட்டப் பணிகள் ஆணைக் குழுவின் சிறப்பு அம்சங்கள் குறித்து தெரிவிக்கப்பட்டது.

மேலும் நிரந்தர மக்கள் நீதிமன்றம் மற்றும் அதன் செயல்பாடுகள் குறித்தும், நீதிமன்றங்களில் வட்ட சட்ட பணிகள் குழு இயங்கி வருவதன் நோக்கங்கள் குறித்தும் வழக்கறிஞர் செந்தில்திருமலைக்குமார், சட்டம் சார்ந்த தன்னார்வலர் ராஜ் ஆகியோர் பொதுமக்களுக்கு விழிப்புணர்வு ஏற்படுத்தினர்.