search icon
என் மலர்tooltip icon

    நீங்கள் தேடியது "jawans injured"

    ஜம்மு காஷ்மீர் தலைநகர் ஸ்ரீநகரில் எல்லை பாதுகாப்பு படை வாகனம் மீது பயங்கரவாதிகள் நடத்திய தாக்குதலில் 5 வீரர்கள் காயமடைந்தனர். #MilitantsAttack
    ஸ்ரீநகர்:

    ஜம்மு காஷ்மீர் மாநில தலைநகர் ஸ்ரீநகரில் பாதுகாப்பு படையினர் இன்று வாகனத்தில் ரோந்து சென்றனர். பந்தா சவுக் பகுதியில் வரும்போது அங்கு வந்த பயங்கரவாதிகள் அந்த வாகனத்தின் மீது துப்பாக்கியால் சரமாரியாக சுட்டுவிட்டு அங்கிருந்து தபபிச் சென்றனர்.

    இந்த தாக்குதலில் பாதுகாப்பு படை வாகனத்தில் இருந்த 5 வீரர்கள் படுகாயம் அடைந்தனர். இதையடுத்து அவர்கள் அருகிலுள்ள மருத்துவமனைக்கு சிகிச்சைக்காக கொண்டு சென்றனர். அதில் ஒருவரது நிலைமை கவலைக்கிடமாக உள்ளது என அதிகாரிகள் தெரிவித்தனர்.

    இதைத்தொடர்ந்து, அந்த பகுதியில் பாதுகாப்பு பலப்படுத்தப்பட்டு உள்ளது. #MilitantsAttack
    இமாசலப்பிரதேசத்தில் ராணுவ லாரி கவிழ்ந்து விழுந்த விபத்தில் அதில் பயணித்த ராணுவ வீரர்கள் உள்பட 9 பேர் காயமடைந்தனர். #Accident
    சிம்லா:

    இமாசலப்பிரதேசம் மாநிலம் காங்ரா மாவட்டத்தில் இன்று மாலை ராணுவ வீரர்களை ஏற்றிக் கொண்டு லாரி ஒன்று சென்று கொண்டிருந்தது.

    சத்தாரி பகுதியில் வந்தபோது லாரி தனது கட்டுப்பாட்டை இழந்தது. இதையடுத்து லாரி கவிழ்ந்து விபத்து ஏற்பட்டது. இதில் லாரியில் பயணித்த 8 ராணுவ வீரர்கள் உள்பட 9 பேர் காயமடைந்தனர். 

    தகவலறிந்து அங்கு சென்ற போலீசார், காயமடைந்தவர்களை மீட்டு முதலுதவி சிகிச்சை அளித்தனர். அதன்பின் அவர்களை அருகிலுள்ள பாலாம்பூர் ராணுவ மருத்துவமனைக்கு அனுப்பி வைத்தனர். #Accident
    ×