search icon
என் மலர்tooltip icon

    செய்திகள்

    5 விக்கெட் வீழ்த்திய ஆர்ச்சரை பாராட்டும் வீரர்கள்
    X
    5 விக்கெட் வீழ்த்திய ஆர்ச்சரை பாராட்டும் வீரர்கள்

    செஞ்சூரியன் டெஸ்ட் - இங்கிலாந்து வெற்றிபெற 376 ரன்களை இலக்காக நிர்ணயித்துள்ளது தென்ஆப்பிரிக்கா

    செஞ்சூரியனில் நடைபெற்று வரும் பாக்சிங் டே டெஸ்ட் போட்டியில் இங்கிலாந்து அணி வெற்றிபெற 376 ரன்களை இலக்காக நிர்ணயித்துள்ளது தென் ஆப்பிரிக்கா அணி.
    செஞ்சூரியன்:

    தென்ஆப்பிரிக்கா - இங்கிலாந்து அணிகளுக்கு இடையிலான முதல் டெஸ்ட் செஞ்சூரியனில் ‘பாக்சிங் டே’ டெஸ்டாக நடைபெற்று வருகிறது. டாஸ் வென்ற இங்கிலாந்து பந்து வீச்சை தேர்வு செய்தது.

    முதலில் ஆடிய தென்ஆப்பிரிக்கா டி காக் (95), ஹம்சா (39), பிலாண்டர் (35), பிரிட்டோரியஸ் (33) ஆகியோரின் பங்களிப்பால் 284 ரன்கள் சேர்த்து ஆல்அவுட் ஆனது. இங்கிலாந்து அணி தரப்பில் ஸ்டூவர்ட் பிராட், சாம் கர்ரன் தலா 4 விக்கெட் வீழ்த்தினர்.

    தொடர்ந்து ஆடிய இங்கிலாந்து முதல் இன்னிங்சில் 181 ரன்னில் சுருண்டது. ஜோ டென்லி மட்டும் அரைசதம் அடித்தார். தென்ஆப்பிரிக்கா அணி சார்பில் பிலாண்டர் 4, விக்கெட்டும், ரபாடா 3 விக்கெட்டும், அன்ரிச் நார்ஜ் 2 விக்கெட்டும் வீழ்த்தினர்.

    103 ரன்கள் முன்னிலையுடன் தென்ஆப்பிரிக்கா 2-வது இன்னிங்சில் களமிறங்கியது. 2-ம் நாள் முடிவில் தென்ஆப்பிரிக்கா 20 ஓவரில் 4 விக்கெட்டுக்கு 72 ரன்கள் எடுத்திருந்தது. வான் டெர் உசைன் 17 ரன்னும், அன்ரிச் நார்ஜ் 4 ரன்னும் எடுத்து அவுட்டாகாமல் உள்ளனர்.

    இந்நிலையில், மூன்றாம் நாள் ஆட்டம் இன்று நடைபெற்றது. வான் டெர் டுசென் அரை சதமடித்தார். அவர் 51 ரன்னில் அவுட்டானார். பிளாண்டர் 46 ரன்னும், அன்ரிச் நார்ஜ் 40 ரன்னும், டி காக் 34 ரன்னும் எடுத்தனர்.

    இறுதியில், தென்ஆப்பிரிக்கா அணி இரண்டாவது இன்னிங்சில் 61.2 ஓவரில் 272 ரன்களில் அனைத்து விக்கெட்டுகளையும் இழந்தது.

    இங்கிலாந்து சார்பில் ஜோப்ரா ஆர்ச்சர் 5 விக்கெட்டும், பென் ஸ்டோக்ஸ் 2 விக்கெட்டும் கைப்பற்றினர்.

    இதையடுத்து, 376 ரன்கள் எடுத்தால் வெற்றி என்ற இலக்குடன் இங்கிலாந்து களமிறங்கியது. தொடக்கத்தில் இருந்தே நிதானமாக ஆடியது.
    தொடக்க ஆட்டக்காரர் சிப்லே 29 ரன்னில் அவுட்டானார்.

    மூன்றாம் நாள் ஆட்ட முடிவில் இங்கிலாந்து அணி 41 ஓவரில் ஒரு விக்கெட் இழப்புக்கு 121 ரன்கள் எடுத்துள்ளது. ரோரி பர்ன்ஸ் 77 ரன்னுடனும், ஜோ டென்லி 10 ரன்னுடனும் அவுட்டாகாமல் உள்ளனர்.

    2 நாள்கள் மீதமுள்ள நிலையில் இன்னும் 255 ரன்கள் எடுத்தால் வெற்றி என்ற நிலையில் இங்கிலாந்து ஆடிவருகிறது. இதனால் ஆட்டத்தில் யார் வெற்றி பெறப்போவது என்ற பரபரப்பு ஏற்பட்டுள்ளது. 
    5 விக்கெட் வீழ்த்திய ஆர்ச்சரை பாராட்டும் வீரர்கள்
    Next Story
    ×