தென் ஆப்பிரிக்காவுக்கு எதிரான வெற்றி இந்தியர்களுக்கு தீபாவளி பரிசு - ஜார்க்கண்ட் முதல் மந்திரி

ராஞ்சி:

தென் ஆப்பிரிக்கா அணி இந்தியாவில் சுற்றுப்பயணம் செய்து டி20 மற்றும் டெஸ்ட் தொடரில் விளையாடியது. இதில் டி 20 தொடர் 1-1 என சமனில் முடிந்தது.

இதற்கிடையே, 3 போட்டிகள் கொண்ட டெஸ்ட் தொடரில் இந்தியா 3-0 என தென் ஆப்பிரிக்காவை ஒயிட் வாஷ் செய்து அசத்தியது. 

 

இந்நிலையில், தென் ஆப்பிரிக்காவுக்கு எதிரான டெஸ்ட் தொடரில் பெற்ற வெற்றி இந்தியர்களுக்கான தீபாவளி பரிசு என ஜார்க்கண்ட் மாநில முதல் மந்திரி ரகுபர் தாஸ் தெரிவித்துள்ளார். 

இதுதொடர்பாக அவர் தெரிவித்த வாழ்த்து செய்தியில், தென் ஆப்பிரிக்காவுக்கு எதிராக இந்தியா அற்புதமான வெற்றியைப் பெற்றுள்ளது.

இந்த வெற்றியை அனைத்து இந்தியர்க்ளுக்கும் தீபாவளி பரிசாக இந்திய அணி வழங்கியுள்ளது. இதன்மூலம் ஒவ்வொரு இந்தியரும் மகிழ்ச்சி அடைந்துள்ளார் என குறிப்பிட்டுள்ளார்.