சண்டிகர் மாநகராட்சி மேயர் தேர்தலில் பா.ஜனதா வேட்பாளர் வெற்றி பெற்றதாக தேர்தல் அதிகாரி அறிவித்தார். ஆனால் ஆம்ஆத்மி- காங்கிரஸ் கூட்டணி சார்பில் நிறுத்தப்பட்ட வேட்பாளருக்கு அதிக வாக்குகள் விழுந்த நிலையில் தேர்தல் அதிகாரி முறைகேட்டில் ஈடுபட்டதாக ஆம் ஆத்மி சார்பில் வழக்கு தொடரப்பட்டது.
அப்போது, ஆம் ஆத்மி வேட்பாளருக்கு விழுந்த சில வாக்குகளை செல்லாத வாக்குகளாக அறிவித்ததை தேர்தல் அதிகாரி ஒப்புக்கொண்டார்.
அதன்பின் மேயர் தேர்தல் மீண்டும் நடத்தப்பட்டது. அப்போது ஆம் ஆத்மி சார்பில் நிறுத்தப்பட்ட பா.ஜனதா வேட்பாளர் மனோஜ் சோங்கர் தோற்கடிக்கப்பட்டார். குமார் மேயராக தேர்வு செய்யப்பட்டார்.
இந்த நிலையில் இன்று சீனியர் துணை மேயர் பதவிக்கான தேர்தல் நடத்தப்பட்டது. 35 உறுப்பினர்களை கொண்ட மாநராட்சியில் பா.ஜனதா வேட்பாளர் குல்ஜீத் சிங் சந்து 19 வாக்குகள் வெற்று வெற்றி பெற்றார். காங்கிரஸ் வேட்பாளர் குர்ப்ரீத் காபி 16 வாக்குகள் பெற்று தோல்வியடைந்தார்.
பாஜனதாவுக்கு 17 கவுன்சிலர்கள் இருந்தனர். கடந்த 19-ந்தேதி ஆம் ஆத்மியின் மூன்று கவுன்சிலர்கள் பா.ஜனதாவுக்கு தாவினர். இதனால் தற்போது ஆம் ஆத்மிக்கு 10 உறுப்பினர்களும், காங்கிரஸ்க்கு ஏழு உறுப்பினர்களும் உள்ளன. ஷிரோமணி அகாளி தளத்திற்கு ஒரு கவுன்சிலர் இடம் உள்ளது.
பா.ஜனதா துணை மேயர் பதவிக்கு சர்மாவை நிறுத்தியுள்ளது. காஙகிரஸ் நிர்மலா தேவியை வேட்பாளராக நிறுத்தியுள்ளது.
மேயர் தேர்தலின்போது ஆம் ஆத்மி வேட்பாளர் 20 வாக்குகள் பெற்றிருந்தார். பா.ஜனதா வேட்பாளர் 16 வாக்குகள் பெற்றிருந்தார். ஆனால் தேர்தல் அதிகாரி ஆம் ஆத்மி வேட்பாளருக்கு ஆதரவாக வாக்களித்த 8 வாக்குகள் செல்லாது என தெரிவித்ததுடன், பா.ஜனதா மேயர் வேட்பாளர் வெற்றி பெற்றதாக அறிவித்தார்.
ஆனால், வீடியோவில் தேர்தல் அதிகாரி வாக்குச்சீட்டை திருத்தியது தெரியவந்தது. இதனால் தேர்தல் அதிகாரி மீது உச்சநீதிமன்றம் நடவடிக்கை எடுக்க உத்தரவிட்டுள்ளது.
