என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
உள்ளூர் செய்திகள்
தூத்துக்குடியில் குடிபோதையில் தாயை குத்திக்கொன்ற மகன்
- குடும்ப பிரச்சனை காரணமாக தனது தாயுடன் அடிக்கடி தகராறில் ஈடுபட்டு வந்துள்ளார்.
- குடிபோதையில் மகன், பெற்ற தாயை கொலை செய்த சம்பவம் மேலும் அதிர்ச்சியை ஏற்படுத்தி உள்ளது.
தூத்துக்குடி:
தூத்துக்குடி மட்டக்கடை வடக்கு பிள்ளையார் கோவில் தெருவை சேர்ந்தவர் ஞானதீபம். இவரது மனைவி குலோடில்டா (வயது 67). குடும்ப பிரச்சனை காரணமாக இருவரும் பிரிந்து வாழ்ந்து வருகின்றனர். இவர்களுக்கு 3 மகன், ஒரு மகள் உள்ளனர்.
இதில் மூன்றாவது மகன் ஜெயனுக்கு(38) திருமணமாகி மனைவி, 2 மகன், ஒரு மகள் உள்ளனர். ஜெயன் அப்பகுதியில் உள்ள பரோட்டா கடையில் வேலை பார்த்து வருகிறார்.
இவர் குடும்ப பிரச்சனை காரணமாக தனது தாயுடன் அடிக்கடி தகராறில் ஈடுபட்டு வந்துள்ளார். நேற்று இரவும் வழக்கம்போல் குடிபோதையில் தாய் குலோடில்டாவிடம் அவர் தகராறு செய்துள்ளார்.
அப்போது ஆத்திரம் அடைந்த ஜெயன் பெற்ற தாய் என்றும் பாராமல் கத்தியால் மார்பு மற்றும் வயிற்று பகுதி ஆகிய 3 இடங்களில் கொடூரமாக குத்தினார். இதில் குலோடில்டா சம்பவ இடத்திலேயே ரத்த வெள்ளத்தில் சரிந்து விழுந்து உயிரிழந்தார்.
தகவல் அறிந்த தூத்துக்குடி நகர போலீஸ் உதவி கமிஷனர் கேல்கர் சுப்ரமணிய பாலச்சந்திரா, வடபாகம் இன்ஸ்பெக்டர் பிரேம் ஆனந்த் மற்றும் போலீசார் சம்பவ இடத்திற்கு விரைந்து சென்று குலோடில்டா உடலை கைப்பற்றி பிரேத பரிசோதனைக்காக தூத்துக்குடி அரசு மருத்துவ மனைக்கு அனுப்பி வைத்தனர்.
மேலும் தாயை கொலை செய்த ஜெயனை கைது செய்து விசாரணை நடத்தி வருகின்றனர்.
தூத்துக்குடியில் கடந்த 2 நாட்களுக்கு முன்பு குடிபோதையில் தகராறு செய்த தந்தையை 14 வயது மகன் வெட்டிக்கொலை செய்த சம்பவம் அதிர்ச்சியை ஏற்படுத்தி இருந்தது.
இந்நிலையில் நேற்று குடிபோதையில் மகன், பெற்ற தாயை கொலை செய்த சம்பவம் மேலும் அதிர்ச்சியை ஏற்படுத்தி உள்ளது.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்