புதுக்கோட்டை

புதுக்கோட்டை:

மனச்சிதைவு தினத்தை முன்னிட்டு ஸ்கார்ப்இந்தியா சார்பில் கந்தர்வக்கோட்டை அருகே உள்ள மஞ்சபேட்டை கிராமத்தில் 100 நாள் திட்ட பணியாளர்களுக்கு மன நல விழிப்புணர்வு முகாம் நடைபெற்றது.

இந்த விழிப்புணர்வுமுகாமில் மனச்சிதைவு எதனால் ஏற்படுகின்றது. மனநலம் பாதிக்கப்படுவதை பற்றியும், தற்கொலை தடுப்பு பற்றிய நூறு நாள் வேலை பணியாளர்களுக்கு விழிப்புணர்வு ஏற்படுத்தப்பட்டது,  

மேலும் மனநலம் பாதிக்கப்பட்ட நபர்களுக்கு செய்யப்படும் சேவைகள் பற்றியும் ஸ்கார்ப் இந்தியா பணியாளர்கள் அளிக்கப்படும் சேவைகள் பற்றியும் எடுத்துக் கூறப்பட்டது.

முகாமில் ஸ்கார்ப் இந்தியா பணியாளர்கள் கவிதா வாழ்வாதார ஒருங்கிணைப்பாளர் சேகர் ஆகியோர் கலந்து கொண்டனர்.

புதுக்கோட்டை :

புதுக்கோட்டை மாவட்டம் பொன்னமராவதி அருகே நல்லூர் தொடக்க வேளாண்மை கூட்டுறவு கடன் சங்கத்தில் நல்லூர் வழைக்குறிச்சி நெறிஞ்சிக்குடி கூடலூர் உள்ளிட்ட ஊராட்சிகளை சேர்ந்த விவசாயிகள், பொதுமக்கள் சுமார் 800க்கும் மேற்பட்டோர் தங்கள் நகைகளை கூட்டுறவு வங்யில் வைத்து விவசாய நகைக்கடன்கள் மற்றும் நகைக்கடன்களை பெற்றுள்ளனர்.

இந்நிலையில் கிருஷ்ணன் என்பவர் அவரது மகளின் நகைகளை வைத்து நகைக்கடன் பெற்றுள்ளார்.இந்நிலையில் தனது மகளின் திருமணத்திற்காக அடகு வைத்த நகைகளை திருப்ப வந்துள்ளார். அவரது நகையை வங்கி ஊழியர்கள் சோதிக்கும்போது அங்கு அவரது நகை இல்லை என கூறப்படுகிறது.

இதனால் அவரது மகளின் திருமணம் தடைபடும் சூழ்நிலையில் வங்கி ஊழியர்கள் அவரை புதுக்கோட்டைக்கு அழைத்துச் சென்று அவர் அடகு வைத்தது போன்ற நகையை மாற்றாக வாங்கி கொடுத்துள்ளனர்.

இதுபோன்று ஊர் பொதுமக்களின் நகையும் தொலைந்து போயிருக்கலாம் என்று கருதியவர் சமூக வலைதளங்களில் இக்கருத்தை பதிவிட்டு தங்களது நகை உள்ளதா என்று பரிசோதித்து கொள்ளுங்கள் என்று சமூக வலைத்தளத்தில் சொல்லியுள்ளார்.

இதனால் பதட்டம் அடைந்த பொதுமக்கள் 50க்கும் மேற்பட்டோர் நல்லூர் தொடக்க வேளாண்மை கூட்டுறவு கடன் சங்கத்தில் முற்றுகையிட்டு அங்கிருந்த வங்கி ஊழியர்களிடம் தங்கள் நகைகளை காட்டுமாறு கூறியுள்ளனர். நகைகளை காட்ட வங்கி ஊழியர்களும் சிறிது அவகாசம் வேண்டும் என்றும்கூறியதையடுத்து பொதுமக்கள் சமாதானம் அடைந்தனர். இச்சம்பவத்தால் நல்லூர் பகுதியில் பரபரப்பு ஏற்பட்டுள்ளது.