பெரம்பலூர்

பெரம்பலூர்:

பெரம்பலூர் மாவட்டம் குன்னம் கிராமத்தில் அரசு ஆரம்ப சுகாதார நிலையம் செயல்பட்டு வருகிறது.

இந்த அரசு ஆரம்ப சுகாதார நிலையத்திற்கு சென்று வர குன்னம் காவல் நிலையத்தை ஒட்டியுள்ள சாலையை பொது மக்களும், ஆம்புலன்ஸ் வாகனங்களும் பயன் படுத்தி வருகின்றனர்.

இந்த சாலை இருபுறமும் கருவேல மரங்களின் ஆக்கிரமிப்புகள் அதிகமாக உள்ளது. ஆகையால் 108 வாகனங்கள் மற்றும் வாகனங்கள் செல்லும் பொழுது வாகனங்களை உரசி உள்ளே அமர்ந்திருக்கும் நோயாளிகள் அனைவரையும் பயமுறுத்தும் வகையில் உள்ளது.

மேலும்  குன்னத்தை சுற்றியுள்ள பகுதிகளில் இருந்து பெண்கள் அதிக அளிவில் செக்கப் செய்ய வருகின்றனர். அப்படி அவர்கள் இந்த சாலைகளில் வரும்பொழுது கரடு முரடான பாதைகளில் வர வேண்டிய நிலை உள்ளது.  

இதனால் மிகவும் சோர்வடைந்து அரசு ஆரம்ப சுகாதார நிலையத்தை வந்தடைகின்றனர். குன்னம் காவல் நிலையத்தில் இருந்து அரசு ஆரம்ப சுகாதார நிலையம் வரை உள்ள சாலைகள் மிகவும் கரடுமுரடாக வாகனங்கள் செல்ல தகுதியற்ற முறையில் இருந்து வருகிறது.

எனவே இந்த சாலையை உடனடியாக சீரமைத்துதர வேண்டும் என பொது மக்கள் அரசுக்கு கோரிக்கை விடுத்துள்ளனர்.

பெரம்பலூர்:

தமிழகத்தில் உள்ள அனைத்து மேல்நிலைப்பள்ளிகளிலும் வேளாண்மை அறிவியல் கல்வி பாடப்பிரிவை ஏற்படுத்தவேண்டும் என தமிழ்நாடு வேளாண்மை பட்டதாரிகள் ஆசிரியர்கள் சங்கம் வலியுறுத்தியுள்ளது.

இதுகுறித்து அச்சங்க மாநில தலைவர் அக்ரி.மாதவன், செயலாளர் பகுத்தறிவு, பொருளாளர் ராமன் ஆகியோர் கூட்டாக விடுத்துள்ள அறிக்கையில் தெரிவித்துள்ளதாவது,

தமிழ்நாடு வேளாண்மைப் பட்டதாரிகள் ஆசிரியர்கள் சங்கத்தின் வேண்டுகோள் ஏற்று, தமிழ்நாடு வேளாண்மை பல்கலைக்-கழகத்தில் 1984 ஆம் ஆண்டு முதல் வழங்கப்பட்டு வந்த 5 சதவீத குறைவான இடங்களுக்கு பதிலாக இந்த

கல்வி ஆண்டு முதல் அரசு கல்லூரிகளில் கூடுதலாக இடங்கள் 98 இடங்கள் வழங்கியமைக்கும், வேளாண் அறிவியல் தொழிற்கல்வி பிரிவு மாணவர்களுக்கு தமிழ்நாடு வேளாண்மை பல்கலைக்கழக இணைவு பெற்ற தனியார் கல்லூரி-களிலும் இந்த ஆண்டு முதல் 5 சதவீத இடஒதுக்கீடு செய்து 100 இடங்கள் வழங்கி-யமைக்கும்,

இட ஒதுக்கீட்டிற்காக வழக்கு தொடுத்து வெற்றி பெற்ற ஈரோடு மாவட்ட பழங்குடியின மாணவர் சந்திரனுக்கு வேளாண்மைக் கல்லூரியில் இடஒதுக்கீடு வழங்கி உத்தர-விட்டமைக்கும், கால்-நடை மருத்துவ அறிவியல் பல்கலைக்கழகத்தில் வேளாண் அறிவியல் பிரிவு

மாணவர்-களுக்கு வழங்கப்படும் 5 சதவீத இடஒதுக்கீட்டுடன் கூடுதலாக 7.5 சதவீத இட-ஒதுக்கீடு வழங்கியமைக்கும், வேளாண் ஆசிரியர் காலிப்பணியிடங்களை நிரப்புவதற்கும், பணி விதிகள் உருவாக்குவதற்கும் நடவடிக்கை எடுத்து வரும் முதல்வர், வேளாண்மை மற்றும் பள்ளிக்கல்வித்துறை அமைச்சர்கள்,

வேளாண் பல்கலைக்கழக துணை வேந்தர், பள்ளிக்கல்வித் துறை செயலாளர், ஆணையர், இணை இயக்குநர் ஆகியோருக்கு சங்கம் சார்பில் நன்றிகளை தெரிவித்து கொள்கிறோம்.

குறிப்பிட்ட மேல்-நிலைப்பள்ளிகளில் 11 மற்றும் 12 ம்-வகுப்புகளில் தொழிற்-கல்வி பாடபிரிவில் உள்ள வேளாண்மை அறிவியல் கல்வி பாடபிரிவினை பொது கல்வியாக மாற்றி அனைத்து மேல்நிலைப்பள்ளிகளிலும் 6 ம் வகுப்பு முதல் 12ம்-வகுப்பு வரை நடை முறைப்படுத்த வேண்டும்,

சம வேலைக்கு சம ஊதியம் என்ற விதியின் அடிப்படையில் வேளாண்மை முதுநிலை ஆசிரியர்களாக நியமனம் செய்யவேண்டும் என தெரிவித்துள்ளனர்.   

பெரம்பலூர்:

பெரம்பலூரில் தனலட்சுமி சீனிவாசன் கல்வி நிறுவனங்கள் மற்றும் தமிழ்நாடு தனியார் பள்ளி ஆசிரியர் சங்கங்களின் கூட்டமைப்பு இணைந்து நடத்திய பள்ளி ஆசிரியர்களுக்கான வேலை வாய்ப்பு முகாம் நடந்தது.

முகாமினை தனலட்சுமி சீனிவாசன் பல்கலைக்கழக வேந்தர் சீனிவாசன் குத்துவிளக்கேற்றிவைத்து தொடங்கிவைத்தார்.  தனியார் பள்ளி ஆசிரியர்களுக்கான கூட்டமைப்பின் தலைமை நிலைய அதிகாரி செல்வகுமார், தனலட்சுமி சீனிவாசன் மேல்நிலைப் பள்ளி முதல்வர் கோவிந்தசாமி ஆகியோர் பேசினார்.

வேலைவாய்ப்பு முகாமில் தமிழ், ஆங்கிலம், கணிதம், இயற்பியல், வேதியியல், கணினி அறிவியல், வணிகவியல் மற்றும் சிறப்பு பாடப் பிரிவுகளான யோகா, ஹிந்தி, விளையாட்டு போன்ற பல்வேறு துறைகளை சேர்ந்த ஆசிரியர்கள், ஆசிரிய மாணவ,மாணவிகள் என ஆயிரத்து 500க்கு மேற்பட்டோர் கலந்து கொண்டனர்.

திருச்சி, பெரம்பலூர், கடலூர், விழுப்புரம் ஆகிய மாவட்டங்களை சேர்ந்த 50க்கும் மேற்பட்ட தனியார் மெட்ரிகுலேஷன் மேல்நிலைப் பள்ளிகளின் மனித வள மேம்பாட்டு துறை அலுவலர்கள் கலந்துகொண்டு தங்களுக்கு தேவையான தகுதியான 500 ஆசிரியர்களை பணிக்கு தேர்வு செய்து பணிநியமன ஆணைகளை வழங்கினர்.

முன்னதாக தனலட்சுமி சீனிவாசன் மெட்ரிக் மேல்நிலை பள்ளி முதல்வர் பிரேமலதா வரவேற்றார். முடிவில் தனலட்சுமி சீனிவாசன் மேல்நிலைப்பள்ளி முதல்வர் சாந்தி நன்றி கூறினார்.

பெரம்பலூர்:

தமிழக போக்குவரத்துத் துறை அமைச்சர் எஸ்.எஸ். சிவசங்கார், தனது குன்னம் தொகுதி சட்டப்பேரவை உறுப்பினர் அலுவலகத்தை பொதுமக்கள் நலன் கருதி இலவச இ-சேவை மையமாக ஞாயிற்றுக்கிழமை மாற்றினர்.

குன்னம் தொகுதி சட்டப்பேரவை உறுப்பினார் அலுவலகம் குன்னத்தில் உள்ளது. இந்த அலுவலகத்தில், அத்தொகுதி உறுப்பினரான அமைச்சர் எஸ்.எஸ். சிவசங்கர், கணினி, பிரிண்டர், இணையதள வசதி ஆகியவற்றை அமைத்து பொதுமக்கள் நலன்கருதி இலவச இ- சேவை மையமாக மாற்றியுள்ளர்.

இம் மையத்தை, பெரம்பலூர் மாவட்ட ஊராட்சித் தலைவர் சி. ராஜேந்திரன் தலைமையில், போக்குவரத்துத் துறை அமைச்சர் சிவசங்கர் பொதுமக்கள் பயன்பாட்டுக்காக தொடக்கி வைத்தார்.

இந்த இ- சேவை மையம் மூலம் எவ்வித கட்டணமின்றி பொதுமக்கள் இணையதளம் வழியாக பிறப்பு, இறப்பு, வருவாய், இருப்பிடம் உள்ளிட்ட பல்வேறு சான்றிதழ்களை பெறலாம்.

ஆதார் திருத்தம், மின் கட்டணம், பல்வேறு வரிகள் செலுத்துதல், போக்குவரத்து அபராதக் கட்டணம் செலுத்துதல், அரசின் பல்வேறு நலத்திட்டங்களுக்கு விண்ணப்பங்களை பூர்த்தி செய்தல், போட்டித் தேர்வு, வேலைவாய்ப்பு விண்ணப்பங்களை பூர்த்தி செய்தல் மற்றும் பதிவேற்றம் செய்தல் உள்ளிட்ட பல்வேறு இணைய சேவைகளை இலவசமாக பெற வழிவகை ஏற்படுத்தப்பட்டுள்ளது.

தொடர்ந்து, குன்னம் பேருந்து நிறுத்தம் அருகே கோடைகால தண்ணீர் பந்தலை திறந்துவைத்து, பொதுமக்களுக்கு மோர், தர்பூசணி, வெள்ளரி, இளநீர், பப்பாளி ஆகியவற்றை அமைச்சர் வழங்கினார்.

தொடர்ந்து, வேப்பூர் ஒன்றியம், மூங்கில்பாடி ஊராட்சியில் ஜல் ஜீவன் திட்டத்தின் மூலம் ரூ. 46.11 லட்சம் மதிப்பீட்டில் புதிய கிணறு, மோட்டார் அறை மற்றும் குழாய் அமைத்து கிராம பொதுமக்களுக்கு தடையின்றி குடிநீர் கிடைக்கும் வகையிலான திட்டத்தையும் அமைச்சர் சிவசங்கர் தொடக்கி வைத்தார்.

பெரம்பலூர்:

பெரம்பலூர் வடக்குமாதவி சாலையிலுள்ள 4 கடைகளின் பூட்டை உடைத்து ரூ. 1 லட்சம் திருடப்பட்டுள்ளது தெரியவந்தது.

பெரம்பலூர் வடக்கு மாதவி சாலையிலுள்ள தனியார் திருமண மண்டபம் அருகேயுள்ள வணிக வளாகத்தில், சாமியப்பா நகரைச் சேர்ந்த ராஜகோபால் மகன் செல்வம் (வயது 39) காய்கனி கடையும், லோகநாதன் மனைவி விஜயலட்சுமி (32) ரியல் எஸ்டேட் அலுவலகமும், மீரா மொய்தீன் மகன் சமீர் (22) மளிகைக் கடையும் நடத்தி வருகின்றனர். மேலும், அதே வணிக வளாகத்தில் நியாயவிலைக் கடையும் அடுத்தடுத்து செயல்பட்டு வருகின்றன.

மேற்கண்ட கடைகளை இரவு பூட்டிச் சென்றுள்ளனர். இந்நிலையில், காலை ரேசன் கடை உள்பட 4 கடைகளின் பூட்டுகளும் உடைக்கப்பட்டிருந்தது தெரியவந்தது. இதையடுத்து, கடைகளின்  உரிமையாளர்கள் உள்ளே சென்று பார்த்தபோது,

ரியல் எஸ்டேட் அலுவலகத்தில் வைத்திருந்த ரூ. 1 லட்சம் திருடப்பட்டிருந்தது. எஞ்சிய கடைகளில் பணம், இதரப் பொருள்கள் இல்லாததால் திருட முயற்சித்திருப்பதும் கண்டறியப்பட்டது. தகவலறிந்த பெரம்பலூர் காவல்துறையினர் சம்பவ இடத்துக்குச் சென்று பார்வையிட்டு விசாரணை மேற்கொண்டனர். இதுகுறித்த புகாரின்பேரில் போலீசார் விசாரித்து வருகின்றனர்.

பெரம்பலூர்

பெரம்பலூர் அருகே உள்ள கோனேரிப்பாளையம் கிராமம் கிழக்குத் தெருவைச் சேர்ந்தவர் பெரியசாமி. இவரது மனைவி வைத்தீஸ்வரி வயது 26. இவர்களுக்கு ஒரு மகளும் மகனும் உள்ளனர்.

பெரியசாமி கோரிபாளையம் ரிங் ரோட்டில் தள்ளுவண்டியில் இட்லி கடை வைத்து வியாபாரம் செய்து வருகிறார்.

இந்நிலையில் நேற்று இரவு வைத்தீஸ்வரி அவரது வீட்டில் தனியாக இருந்த போது யாரோ மர்ம நபர் கதவை தட்டி உள்ளனர்.  

அப்போது வைத்தீஸ்வரி கணவர் தான் வந்து விட்டதாக எண்ணி கதவை திறந்து எட்டி பார்த்துள்ளார்.

அப்போது முகத்தில் துணியால் மூடிய மர்மநபர் ஒருவர் வைத்தீஸ்வரி மீது மிளகாய் பொடி தூவி அவர் கழுத்தில் அணிந்திருந்த 5 பவுன் நகையை பறித்துக் கொண்டு தப்பி ஓடினார்.

இது குறித்து தகவலறிந்த பெரம்பலூர் போலீசார் சம்பவ இடத்திற்கு விரைந்து சென்று விசாரணை நடத்தி வருகின்றனர்