காஞ்சிபுரம்

மாமல்லபுரம:

கோவளம் அருகே உள்ள திருவடந்தையில் நித்திய கல்யாண பெருமாள் கோவில் உள்ளது. நேற்று காலை குளத்தில் வாலிபர் பிணம் கிடப்பதாக மாமல்லபுரம் போலீசுக்கு தகவல் கிடைத்தது.

இன்ஸ்பெக்டர் சிரஞ்சீவி மற்றும் போலீசார் தீயணைப்பு படையினர் உதவியுடன் தேடினர். அப்போது தண்ணீருக்கு அடியில் சேற்றில் சிக்கி இருந்த வாலிபர் உடலை மீட்டனர்.

அவர் யார்? எந்த ஊரைச் சேர்ந்தவர் என்று தெரிய வில்லை. அவருக்கு சுமார் 20 வயது இருக்கும். உடலை பிரேத பரிசோதனைக்காக செங்கல்பட்டு அரசு ஆஸ்பத்திரிக்கு அனுப்பி வைத்தனர்.

கோவில் குளத்தில் வாலிபர் சிலர் நிற்பதை அப்பகுதி மக்கள் பார்த்து உள்ளனர். அவரை மர்ம நபர்கள் கடத்தி கொன்று குளத்தில் வீசினார்களா? அல்லது நண்பர்களுடன் குளித்த போது தண்ணீரில் மூழ்கி பலியானாரா? என்று பல்வேறு கோணத்தில் போலீசார் விசாரித்து வருகிறார்கள்.

மதுராந்தகம்:

மதுராந்தகம் மற்றும் அதனை சுற்றியுள்ள கிராமங்களைச் சேர்ந்த நூற்றுக் கணக்கானோர் தினசரி செங்கல்பட்டு, பெருங்களத்தூர் பகுதியில் உள்ள தனியார் நிறுவனங்களுக்கு வேலைக்காக சென்று வருகின்றனர்.

தினமும் காலை நேரத்தில் மதுராந்தகம் பஸ் நிலையத்தில் இருந்து செங்கல்பட்டு, பெருங்களத்தூர் பகுதிக்கு பஸ்கள் இயக்கப்பட்டு வருகின்றன.

இந்நிலையில் பவுர்ணமியில் திருவண்ணாமலை, திருவக்கரை உள்ளிட்ட பகுதிகளுக்கு மதுராந்தகம் போக்குவரத்து பணி மனையில் உள்ள பஸ்கள் சிறப்பு பஸ்களாக மாற்றி இயக்கப்பட்டதால் வழக்கமாக செங்கல்பட்டு, பெருங்களத்தூருக்கு செல்லும் பஸ்கள் வராததால் பயணிகள் கடும் அவதிபட்டனர்.

இன்று அதிகாலை 4.30 மணிக்கு வழக்கமாக பல்வேறு இடங்களுக்கு செல்லும் பஸ்கள் மதுராந்தகம் பஸ் நிலையத்திற்கு வராததால் பயணிகள் ஆத்திரம் அடைந்தனர்.

இந்நிலையில் மதுராந்தகம் பணிமனையில் இருந்து ஊரின் பெயர் பலகையை மாற்றி வேறு இடத்திற்கு செல்வதற்காக 4 பஸ்கள் மதுராந்தகம் பஸ் நிலையத்திற்கு வந்தன. இதை பார்த்து ஆத்திரம் அடைந்த பயணிகள் 4 பஸ்களை சிறை பிடித்து போராட்டம் நடத்தினர்.

தொடர்ந்து தினசரி வழி தடத்தில் பஸ்களை இயக்க சொல்லி கோஷங்களை எழுப்பினர்.

இதை தொடர்ந்து பஸ்களின் நடத்துனர் போன் மூலம் போக்குவரத்து அதிகாரியிடம் தொடர்பு கொண்டு பேசினார். இதைத் தொடர்ந்து பஸ்கள் வழக்கமான வழி தடத்தில் செல்ல நடவடிக்கை எடுக்கப்பட்டது. பயணிகள் கலைந்து சென்றனர்.

இந்த போராட்டத்தால் மதுராந்தகத்தில் 2 மணி நேரம் போக்குவரத்து பாதிக்கப்பட்டது.

ஆலந்தூர் :

சென்னை விமான நிலை யத்தில் இன்று அதிகாலை மலேசியா செல்லும் விமானம் புறப்பட தயா ராக இருந்தது. அதில் செல்ல வந்த பயணிகளின் உடைமைகளை சுங்கத் துறை அதிகாரிகள் சோதனை செய்தனர்.

சென்னையை சேர்ந்த மனோகர், குமாரின் கைப்பை, சூட்கேசை சோதனை செய்த போது கட்டு கட்டாக அமெரிக்க டாலர் பணம் இருந்தது. இந்திய ரூபாயில் இதன் மதிப்பு ரூ.28 லட்சம் ஆகும்.

பணத்திற்கான ஆவணம் அவர்களிடம் இல்லை. இதையடுத்து அவற்றை அதிகாரிகள் பறிமுதல் செய்தனர்.

அவை ஹவாலா பணமாக இருக்கலாம் என்று அதிகாரிகள் சந்தேகிக்கிறார்கள். இது தொடர்பாக பிடிபட்ட குமார், மனோகரிடம் விசாரணை நடக்கிறது.

இதே போல் நேற்று காலை இலங்கை செல்லும் விமானத்தில் சென்னையை சேர்ந்த 2 பேரிடம் ரூ.31 லட்சம் மதிப்புள்ள அமெரிக்க டாலர், யூரோ பணம் பறிமுதல் செய்யப்பட்டது குறிப்பிடத்தக்கது.

காஞ்சீபுரம்:

இதுகுறித்து அவர் வெளியிட்டுள்ள செய்திகுறிப்பில் கூறியிருப்பதாவது:–

காஞ்சீபுரம் மாவட்டத்தில் உள்ள 11 சட்டமன்ற தொகுதிகளுக்கான வேட்பு மனுதாக்கல் வருகிற ஏப்ரல் 22–ந் தேதி தொடங்குகிறது.

இதையொட்டி தேர்தலில் போட்டியிடும் வேட்பாளர்கள் வேட்பு மனுக்களை சம்பந்தப்பட்ட தொகுதியின் தேர்தல் நடத்தும் அலுவலரின் அலுலவகத்தில் அளிக்கலாம். வேட்புமனுத்தாக்கல் வரும் 29–ந் தேதி வரை பெறப்படும்.

வேட்பு மனுக்கள் மீதான பரிசீலனை வரும் ஏப்ரல் 30ம் தேதியும், போட்டியிலிருந்து விலக விரும்புவோர் தங்களது வேட்புமனுக்களை திரும்ப பெற மே மாதம் 2ந் தேதியும் கடைசி நாளாகும்.

சோழிங்கநல்லூர் சட்டமன்ற தொகுதி:– மண்டல அலுவலகம் 15, பெருநகர சென்னை மாநகராட்சி, நெ.120, ராஜிவ்காந்தி சாலை, சோழிங்கநல்லூர். தேர்தல் நடத்தும் அலுவலர், செந்தில்வேல், உதவி ஆணையர் (கலால்) காஞ்சீபுரம்.

ஆலந்தூர் சட்டமன்ற தொகுதி:– மண்டல அலுவலகம் 12, பெருநகர சென்னை மாநகராட்சி, எண்.1, புது தெரு, ஆலந்தூர். தேர்தல் நடத்தும் அலுவலர், ராஜேந்திரன், தனி துணை ஆட்சியர் (நில எடுப்பு) காஞ்சிபுரம்.

ஸ்ரீபெரும்புதூர் (தனி) சட்டமன்ற தொகுதி:– தாலுக்கா அலவலகம், ஸ்ரீபெரும்புதூர். தேர்தல் நடத்தும் அலுவலர், பாரி, கூடுதல் நேர்முக உதவியாளர் (நில எடுப்பு), காஞ்சீபுரம்.

பல்லாவரம் சட்டமன்ற தொகுதி:– பல்லாவரம் நகராட்சி அலுவலகம், குரோம்பேட்டை. தேர்தல் நடத்தும் அலுவலர், விஸ்வ நாதன், மாவட்ட கலெக்டரின் நேர்முக உதவியளர் (நில எடுப்பு), காஞ்சிபுரம்.

தாம்பரம் சட்டமன்ற தொகுதி:– வருவாய் கோட்ட அலுவலகம், ஜி.எஸ்.டி.ரோடு, தாம்பரம் சானிடோரியம், சென்னை–45. தேர்தல் நடத்தும் அலவலர், விமல்ராஜ், வருவாய் கோட்டாட்சியர், தாம்பரம்.

செங்கல்பட்டு சட்டமன்ற தொகுதி:– வருவாய் கோட்ட அலுவலகம், செங்கல்பட்டு, தேர்தல் நடத்தும் அலுவலர், பன்னீர்செல்வம், வருவாய் கோட்டாட்சியர், செங்கல்பட்டு.

திருப்போரூர் சட்டமன்ற தொகுதி:– தாலுக்கா அலுவலகம், திருப்போரூர் ஆகும், தேர்தல் நடத்தும் அலுவலர் , கோவிந்தராசு, மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலர், காஞ்சிபுரம்.

செய்யூர் (தனி) சட்டமன்ற தொகுதி:– தாலுக்கா அலுவலகம், செய்யூர் ஆகும். தேர்தல் நடத்தும் அலுவலர், ஜெயக்குமார், தனி துணை ஆட்சியர் (ச.பா.தி), காஞ்சீபுரம்.

மதுராந்தகம் (தனி) சட்டமன்ற தொகுதி:– வருவாய் கோட்ட அலுவலகம், ஜி.எஸ்.டி.ரோடு, மதுராந்தகம் ஆகும். தேர்தல் நடத்தும் அலுவலர், பர்கத்பேகம், வருவாய் கோட்டாட்சியர், மதுராந்தகம்.

உத்திரமேரூர் சட்டமன்ற தொகுதி:– மாவட்ட வழங்கல் மற்றும் நுகர்வோர் பாதுகாப்பு அலுவலகம், மாவட்ட கலெக்டர் அலுவலக வளாகம் (2வது மாடி), காஞ்சிபுரம் ஆகும். தேர்தல் நடத்தும் அலுவலர், பவணந்தி, மாவட்ட வழங்கல் மற்றும் நுகர்வோர் பாதுகாப்பு அலுவலர், காஞ்சிபுரம்.

காஞ்சீபுரம்

காஞ்சீபுரம் சட்டமன்ற தொகுதி:– சப்-கலெக்டர் அலுவலகம், மாவட்ட கலெக்டர் அலுவலக வளாகம், காஞ்சீபுரம் ஆகும். தேர்தல் நடத்தும் அலுவலர், அருண்தம்புராஜ், சப்–கலெக்டர், காஞ்சீபுரம்.

திருவள்ளுர் மாவட்டத் தில் உள்ள 10 சட்டமன்ற தொகுதிகளில் வேட்புமனு தாக்கல் செய்யப்படும் இடம் மற்றும் தேர்தல் நடத்தும் அலுவலர் விவரம் வருமாறு:–

கும்மிடிப்பூண்டி தொகுதி:– கும்மிடிப்பூண்டி வட்டாட்சியர் அலுவலகம், தேர்தல் நடத்தும் அலுவலர் மற்றும் தனித்துணை ஆட்சி யர் மல்லிகா.

பொன்னேரி தொகுதி:– பொன்னேரி வருவாய் கோட்டாட்சியர் அலுவலகம், வருவாய் கோட்ட அலுவலர் நாராயணன்.

திருத்தணி தொகுதி:– திருத்தணி வருவாய் கோட்டாட்சியர் அலுவலகம், வருவாய் கோட்ட அலுவலர் சேதுமாதவன்.

திருவள்ளுர் தொகுதி:– திருவள்ளுர் மாவட்ட கலெக்டர் அலுவலகத்தில் உள்ள மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலகம், மாவட்ட பிற்படுத்தப்பட்ட மற்றும் சிறுபான்மையினர் நல அலுவலர் விக்னேஷ்வரன்.

பூந்தமல்லி தொகுதி:– பூந்தமல்லி வட்டாட்சியர் அலுவலகம், திருவள்ளுர் வருவாய் கோட்டாட்சியர் ஜெயச்சந்திரன்.

ஆவடி தொகுதி:– ஆவடி வட்டாட்சியர் அலுவலகம், உதவி ஆணையர் (கலால்) முத்துசாமி.

மதுரவாயல் தொகுதி:– மதுரவாயல் வட்டாட்சியர் அலுவலகம், அம்பத்தூர் வருவாய் கோட்டாட்சியர் வீரப்பன். அம்பத்தூர் தொகுதி:– அம்பத்தூர் மண்டல அலுவலகம் (மண்டலம்7), மண்டல அலுவலர் நடராஜன்.

மாதவரம் தொகுதி:– மாதவரம் வட்டாட்சியர் அலுவலகம், தனித்துணை ஆட்சியர் (சிறப்பு திட்ட அமலாக்கம்) பார்வதி.

திருவொற்றியூர் தொகுதி:– திருவொற்றியூர் மண்டல அலுவலகம் (மண்டலம்1), திருவொற்றியூர் மண்டல அலுவலர் பென்சமின் பாபு.

மேல்மருவத்தூர், ஆதிபரா சக்தி சித்தர் பீடத்தில் சித்திரைப் பவுர்ணமி விழா இன்று அதிகாலை மங்கள இசை, சிறப்பு அபிஷேகத் துடன் தொடங்கியது.

ஆதிபராசக்தி ஆன்மீக இயக்க தலைவர் லட்சுமி பங்காரு அடிகளார் முன்னி லை வகித்தார். தஞ்சை மாவட்ட தலைவர் வாசன் தலைமை தாங்கினார்.

காலை 9.15 மணிக்கு சித்தர் பீடத்துக்கு வந்த பங்காரு அடிகளாருக்கு வரவேற்பும், பாதபூஜையும் நடைபெற்றது. இதில் திரளான செவ்வாடை பக்தர்கள் கலந்து கொண்ட னர்.

இதைத் தொடர்ந்து நடந்த அன்னதானத்தை ஆதிபராசக்தி ஆன்மிக இயக்க துணைத் தலைவர் கோ.ப.செந்தில் குமார் தொடங்கி வைத்தார். மாலை 6 மணிக்கு நாதஸ்வர இசை நிகழ்ச்சி நடக்கிறது.

நாளை (21–ந்தேதி) அதிகாலை மங்கள இசை, அபிஷேகம் மற்றும் பங்காரு அடிகளாருக்கு வரவேற்பு பாத பூஜை நடைபெறுகிறது.

காலை 10 மணியளவில் சிறப்பு கலசவிளக்கு வேள்வி பூஜை நடக்கிறது. இதனை, பங்காரு அடிகளார் தொடங்கி வைக்கிறார்.

லட்சுமி பங்காரு அடிகளார், ஆதிபராசக்தி ஆன்மிக இயக்க துணைத் தலைவர் ஸ்ரீதேவி ரமேஷ், சக்தி பீடங்கள் இணைச் செயலாளர் ராஜேந்திரன் கலந்து கொள்கிறார்கள்.

சித்ரா பவுர்ணமியை யொட்டி மேல்மருவத்தூர் முழுவதும் செவ்வாடை பக்தர்களால் நிரம்பி வழிகிறது. அவர்களுக்கு தேவையான குடிநீர் வசதி, தங்கும் இடம் வசதிகள் சிறப் பாக செய்யப்பட்டு உள்ளன.

டி.எஸ்.பி. சிவசங்கர் தலைமையில் போலீசார் பாதுகாப்பு பணியில் ஈடுபட்டு வருகிறார்கள்.