சென்னை:
வேலூர் சி.எம்.சி. மருத்துவ கல்லூரி வைராலஜி துறையின் ஓய்வு பெற்ற பிரபல தொற்று நோய் தடுப்பு நிபுணரான டாக்டர் ஜேக்கப் ஜான் கூறியதாவது:-
ஒமைக்ரான் வைரஸ் முந்தைய கொரோனா வைரசை காட்டிலும் வேகமாக பரவக்கூடியதும் அதிக பாதிப்பை ஏற்படுத்தக் கூடியதுமாக இருக்கும். எனவே ஆய்வு முடிவுகளுக்காக காத்திருக்காமல் 18 வயதுக்கு மேற்பட்டவர்களுக்கு உடனே பூஸ்டர் டோஸ் ஊசி போட ஏற்பாடு செய்ய வேண்டும். தாமதம் என்பது பாதுகாப்பை மறுக்கப்பட்டது போல் ஆகிவிடும்.
ஒமைக்ரான் மாறுபாட்டில் உள்ள ஸ்பைக் புரதங்கள் மனித உடலில் உள்ள ஏற்பிகளுக்கு நன்றாகப் பொருந்துகின்றன. இதனால் மனித சுவாசக் குழாயில் வைரஸ் துகள்களின் எண்ணிக்கை அதிகமாக உள்ளது. அதாவது அதிகமானோரை பாதிக்கிறது. ஒமைக்ரானுக்கான தொற்று பரவுதல் அதிகமாக உள்ளது. இது நோய் எதிர்ப்பு சக்தியின் தீவிரத் தன்மையைப் பொறுத்தது.
ஆய்வு முடிவுகளுக்கு பிறகுதான் இதை உறுதிப்படுத்த முடியும். ஆனால் டெல்டா வகை கொரோனாவை விட இந்த மாறுபாடு சாதாரணமானது என்று நாங்கள் நினைக்கிறோம். இதுவரை ஒமைக்ரானுக்கு ஒரே ஒரு மரணம் மட்டுமே பதிவாகி உள்ளது.
குறைந்த நோய் எதிர்ப்பு சக்தி காரணமா? அல்லது மாறுபாடு லேசானதா? என்பதை ஆய்வுகளுக்குப் பிறகு கண்டறிய முடியும். பரவலான தொற்று நிச்சயமாக நடக்கும்.
ஆனால் அலை என்பது நோயின் வெடிப்பு, நோய்த் தொற்றின் எழுச்சியை அலை என்று நாங்கள் அழைப்பதில்லை. இருப்பினும் புத்திசாலிகள் ஒரு புதிய அலையை எதிர்பார்க்கிறார்கள். துரதிர்ஷ்ட வசமாக, ஆபத்து இல்லை என்பது போல் அரசு செயல்படுகிறது.
முன் எச்சரிக்கை நடவடிக்கைகளை எடுக்க இதுவே சரியான நேரம். ஏப்ரல்-மே மாதங்களில் 3-வது அலை பற்றி நிபுணர்கள் எச்சரித்து இருந்தனர்.
ஆனால் இப்போதே 3-வது அலைக்கான தெளிவான சமிக்ஞை எங்களிடம் உள்ளது. அதைப் பற்றி யாரும் பேசவில்லை. தற்போதைய கட்டுப்பாடுகளை அரசாங்கும் தளர்த்தக் கூடாது.
ஒமைக்ரான் தடுப்பூசியின் பிடியில் இருந்து முற்றிலும் தப்பவில்லை. தூண்டப்பட்ட நோய் எதிர்ப்பு சக்தி. இருப்பினும் பூஸ்டர் டோஸ்களை போடுவதன் மூலம் நாம் நோய் எதிர்ப்பு சக்தியை மேம்படுத்தலாம் மற்றும் தொற்றுக்கு எதிராக சிறந்த முறையில் பாதுகாக்கப் படுவோம். பூஸ்டர் டோஸ் ஒமைக்ரானுக்கு எதிராக குறிப்பிடத்தக்க பாதுகாப்பை அளிக்கும் என்று என்னால் உத்தரவாதம் அளிக்க முடியும்.
தாமதமான பாதுகாப்பு என்பது மூத்த குடிமக்கள் மற்றும் ஆபத்துக் குழுக்களுக்கு மறுக்கப்பட்ட பாதுகாப்பு ஆகும்.
18 வயதுக்குட்பட்ட மக்கள் தொகையில் பெரும் பகுதியினருக்கு தடுப்பூசி போடப்படவில்லை. அவர்களுக்கு தொற்று ஏற்பட்டால் அவை பெரிய அளவில் உருவெடுக்கும். அவர்களுக்கு தடுப்பூசி போட வேண்டிய அவசர தேவை உள்ளது. டெல்டா மாறுபாடு முன்பு இருந்ததை விட குழந்தைகளை அதிக அளவில் பாதித்தது.
2-18 வயதுக்குட்பட்ட குழந்தைகளுக்கு கோவேக்சினை பயன்படுத்த இந்திய மருந்துக் கட்டுப்பாடு ஜெனரல் நிபுணர் குழு பரிந்துரைத்ததாக அறிக்கைகள் உள்ளன.
இவ்வாறு அவர் கூறினார்.
இதையும் படியுங்கள்... தடையை நீக்காவிட்டால் தமிழகம் முழுவதும் ஜனவரி 21-ந் தேதி கள் இறக்கி விற்கும் போராட்டம்
