மாணவர்களை போராட்டத்தில் ஈடுபட தூண்டினால் நடவடிக்கை: காஞ்சீபுரம் கலெக்டர் எச்சரிக்கை

காஞ்சீபுரம்:

காஞ்சீபுரம் மாவட்ட கலெக்டர் அலுவலக வளாகத்தில் மக்கள் குறைதீர்க்கும் நாள் கூட்டம் நேற்று நடந்துகொண்டிருந்தது. அப்போது கோவிந்தவாடி அரசினர் மேல்நிலைப்பள்ளி மாணவ-மாணவிகள் சிலர் கூறி கலெக்டர் அலுவலகத்திற்கு வந்து திடீர் போராட்டத்தில் ஈடுபட்டனர்.

பள்ளியின் கூடுதல் கட்டிடத்திற்கு மாற்று இடம் மாவட்ட நிர்வாகத்தால் தேர்வு செய்யபட்டுவிட்ட நிலையில் இதுபோன்ற போராட்டம் கண்டிக்கத்தக்கது என்று கலெக்டர் பொன்னையா நேரில் வந்து மாணவர்களை எச்சரித்தார்.

அப்போது கலெக்டர் கூறும்போது, “மாவட்டத்தில் பல்வேறு பள்ளிகளிலிருந்து செல்லும் மாணவ- மாணவிகளை பள்ளிக்கு செல்லவிடாமல் தடுத்து கல்வி கற்பதற்கு இடையூறு ஏற்படும் வகையில் போராட்டத்தில் ஈடுபட வலுக்கட்டாயமாக அழைத்து வருபவர்கள் மீது கடும் நடவடிக்கை எடுக்கப்படும்” என்றார். #tamilnews