search icon
என் மலர்tooltip icon

    லைஃப்ஸ்டைல்

    மஷ்ரூம் பேபி கான் சூப்
    X
    மஷ்ரூம் பேபி கான் சூப்

    மஷ்ரூம் பேபி கான் சூப்

    பேபி கான், காளானில் அதிகளவு சத்துக்கள் நிறைந்துள்ளது. இன்று இது இரண்டையும் சேர்த்து சத்தான சூப் செய்வது எப்படி என்று பார்க்கலாம்.
    தேவையான பொருட்கள் :

    காளான் - 20,
    காய்கறி வேக வைத்த தண்ணீர்  - 2 கப்,
    மெலிதாக நறுக்கிய பேபி கார்ன் - 1 கப், 
    வெங்காயம் - 1,
    பூண்டு -  6 பல்,
    பொடியாக நறுக்கிய செலரி -  கால் கப்,
    உப்பு - தேவைக்கு,
    மிளகுத்தூள் - சிறிது,
    சில்லி சாஸ் - கால் டீஸ்பூன்,
    சோயா சாஸ் - 4 துளிகள்,
    கறிவேப்பிலை - சிறிது,
    எண்ணெய் -  தேவைக்கேற்ப.

    மஷ்ரூம் பேபி கான் சூப்

    செய்முறை :

    காளானை மெல்லிய துண்டுகளாக வெட்டிக்கொள்ளவும்.

    வெங்காயத்தை பொடியாக நறுக்கி கொள்ளவும்.

    கடாயில் எண்ணெய் ஊற்றி சூடானதும் வெங்காயம், பூண்டை போட்டு வதக்கவும்.

    வெங்காயம் நன்றாக வதங்கியதும் காளான், பேபி கார்ன் சேர்த்து வதக்கவும்.

    அடுத்து அதில் காய்கறி வேக வைத்த தண்ணீர் சேர்த்துக் கொதிக்கவிடவும்.

    நன்றாக கொதிக்க ஆரம்பித்தவுடன் அதில் சோயா சாஸ், சில்லி சாஸ், கறிவேப்பிலை சேர்க்கவும்.

    அடுத்து அதில் உப்பு, மிளகுத்தூள் சேர்க்கவும்.

    கடைசியாக செலரி இலையை தூவிப் பரிமாறவும்.

    சத்தான மஷ்ரூம் பேபி கான் சூப் ரெடி.

    இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
    Next Story
    ×