பைக்

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் 2023 CB200X மோட்டார்சைக்கிளை இந்திய சந்தையில் அறிமுகம் செய்தது. புதிய 2023 CB200X மாடல் தற்போது OBD-2 விதிகளுக்கு ஏற்ப அப்டேட் செய்யப்பட்டு உள்ளது.

அதன்படி 2023 ஹோண்டா CB200X மாடலின் தோற்றம் மற்றும் டிசைன் 2022 மாடலை போன்றே காட்சியளிக்கிறது. அதன்படி இந்த மாடல் மஸ்குலர் தோற்றம், சிங்கில்-பீஸ் ஹெட்லைட், பிகினி ஃபேரிங், ஸ்மோக்டு வைசர், ஸ்ப்லிட் சீட் செட்டப், 2-பீஸ் கிராப் ரெயில், நியூட்ரல் ரைடர் டிரை-ஆங்கில் உள்ளிட்டவை வழங்கப்பட்டு இருக்கிறது.

டிசைன் மாற்றங்கள் செய்யப்படவில்லை என்ற போதிலும், 2023 ஹோண்டா CB200X மாடல் புதிதாக டிசெண்ட் புளூ மெட்டாலிக் மற்றும் பியல் நைட்ஸ்டார் பிளாக் மற்றும் ஸ்போர்ட்ஸ் ரெட் நிறங்களில் கிடைக்கிறது. இந்த மாடலில் OBD-2 விதிகளுக்கு பொருந்தும், 184.4சிசி சிங்கில் சிலிண்டர் என்ஜின் வழங்கப்பட்டு உள்ளது.

இந்த என்ஜின் 17 ஹெச்.பி. பவர், 15.9 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் எல்.இ.டி. இலுமினேஷன், முழுமையான டிஜிட்டல் இன்ஸ்ட்ரூமெண்ட் கன்சோல், அட்ஜஸ்ட் செய்யக்கூடிய பிரைட்னஸ் வழங்கப்பட்டு உள்ளது. இதில் ஸ்பீடோமீட்டர், ட்ரிப் மீட்டர், ஓடோமீட்டர், ஃபியூவல் லெவல், நேரம் மற்றும் பல்வேறு விவரங்கள் காண்பிக்கப்படுகிறது.

புதிய CB200X மாடலில் ஹோண்டா நிறுவனம் யு.எஸ்.டி. முன்புற ஃபோர்க்குகளையும், மோனோஷாக் யூனிட்டையும் வழங்கி இருக்கிறது. இதன் இருபுறமும் டிஸ்க் பிரேக்குகள், ஏ.பி.எஸ். வழங்கப்பட்டு உள்ளது. இந்திய சந்தையில் புதிய 2023 ஹோண்டா CB200X மாடலின் விலை ரூ. 1 லட்சத்து 46 ஆயிரத்து 999. எக்ஸ்-ஷோரூம் என்று நிர்ணயம் செய்யப்பட்டு உள்ளது.

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் 2023 CB300F மோட்டார்சைக்கிள் மாடலை இந்திய சந்தையில் அறிமுகம் செய்தது. இதன் விலை ரூ. 1 லட்சத்து 70 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. அந்த வகையில், இந்த மாடலின் விலை அதன் முந்தைய வெர்ஷனை விட ரூ. 56 ஆயிரம் வரை குறைந்து இருக்கிறது.

முன்னதாக இந்த மாடலின் டீலக்ஸ் மற்றும் டீலக்ஸ் ப்ரோ வேரியண்ட்களின் விலை முறையே ரூ. 2 லட்சத்து 26 ஆயிரம் மற்றும் ரூ. 2 லட்சத்து 29 ஆயிரம் என்று நிர்ணயம் செய்யப்பட்டு இருந்தது. தற்போதைய விலை குறைப்புக்கு என்ன காரணம் என்று ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் இதுவரை எந்த தகவலும் வழங்கவில்லை. எனினும், இது மோட்டார்சைக்கிள் விற்பனையை அதிகப்படுத்தும் என்று தெரிகிறது.

முன்னதாக ஹோண்டா நிறுவனம் CB300F மாடல் விலையை ரூ. 50 ஆயிரம் வரை குறைத்து இருந்தது. எனினும், குறுகிய கால சலுகையாகவே இந்த விலை குறைப்பு அறிவிக்கப்பட்டு இருந்தது. தற்போது இதன் விலை மேலும் குறைந்து இருக்கிறது. 2023 ஹோண்டா CB300F மாடலில் OBD-II A விதிகளுக்கு பொருந்தும் வகையிலான என்ஜின் வழங்கப்பட்டு இருக்கிறது.

அந்த வகையில், இந்த மாடலில் 293.52சிசி, சிங்கில் சிலிண்டர், லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 24.13 ஹெச்.பி. பவர், 25.6 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது. இந்த மாடலில் 17 இன்ச் அலாய் வீல்கள், முன்புறம் அப்சைடு டவுன் ஃபோர்க்குகள், பின்புறம் பிரீ-லோடு அட்ஜஸ்ட் செய்யக்கூடிய மோனோஷாக் யூனிட் வழங்கப்படுகிறது.

மற்ற அம்சங்களை பொருத்தவரை இந்த மாடலில் டிராக்ஷன் கண்ட்ரோல், டூயல் சேனல் ஏ.பி.எஸ்., அசிஸ்ட் மற்றும் ஸ்லிப்பர் கிளட்ச் உள்ளிட்டவை வழங்கப்பட்டு இருக்கிறது. இத்துடன் முழுமையான எல்.இ.டி. லைட்டிங், டிஜிட்டல் கன்சோல், கனெக்டிவிட்டி உள்ளிட்ட ஆப்ஷன்களும் வழங்கப்படுகிறது.

டி.வி.எஸ். மோட்டார்ஸ் நிறுவனம் தனது சக்திவாய்ந்த மற்றும் புதிய நேக்கட் மோட்டார்சைக்கிள் மாடலை அபாச்சி RTR310 பெயரில் இந்திய சந்தையில் அறிமுகம் செய்தது. புதிய மாடல் அபாச்சி RR310 மோட்டார்சைக்கிளை சார்ந்து உருவாக்கப்பட்டு இருக்கிறது.

இந்த மாடலில் ஸ்ப்லிட் ரக எல்.இ.டி. ஹெட்லைட்கள், கூர்மையான ஃபியூவல் டேன்க் மற்றும் ஷிரவுட்கள், இரட்டை பீஸ் இருக்கைகள், உயர்த்தப்பட்ட டெயில் பகுதி உள்ளிட்ட அம்சங்கள் வழங்கப்பட்டு இருக்கிறது. இதன் எக்சாஸ்ட் அபாச்சி RR310 மாடலில் உள்ளதை போன்றே வழங்கப்பட்டு இருக்கிறது. இதில் ஒற்றை பீஸ் டியுபுலர் ஹேண்டில்பார் மற்றும் ரியர் செட் ஃபூட்பெக்குகள் உள்ளன.

அபாச்சி RTR310 மாடலிலும் 312.2சிசி, சிங்கில் சிலிண்டர், லிக்விட் கூல்டு மோட்டார் வழங்கப்பட்டு இருக்கிறது. இந்த என்ஜின் 35 ஹெச்.பி. பவர், 28.7 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ் வழங்கப்பட்டு உள்ளது. மேலும் ஸ்லிப்பர் மற்றும் அசிஸ்ட் கிளட்ச் வழங்கப்பட்டு உள்ளது. இந்த மோட்டார்சைக்கிள் மணிக்கு அதிகபட்சம் 150 கிலோமீட்டர் வேகத்தில் செல்லும் என்று கூறப்படுகிறது.

புதிய டி.வி.எஸ். அபாச்சி RTR310 மாடலில் ரிவைஸ்டு ஃபிரேம் வழங்கப்பட்டு இருக்கிறது. இதில் முன்புறம் யு.எஸ்.டி. ஃபோர்க்குகள், பின்புறம் மோனோஷாக் யூனிட் வழங்கப்பட்டு இருக்கிறது. பிரேக்கிங்கிற்கு முன்புறம் ஒற்றை டிஸ்க் பிரேக், பின்புறம் இரட்டை டிஸ்க் பிரேக் மற்றும் டூயல் சேனல் ஏ.பி.எஸ். வழங்கப்பட்டு இருக்கிறது.

எல்.இ.டி. லைட்கள் தவிர இந்த மாடலில் முழுமையான டிஜிட்டல் டி.எஃப்.டி. ஸ்கிரீன் மற்றும் கனெக்ட் கோ ப்ரோ ஆப்ஷன் வழங்கப்பட்டுள்ளது. இத்துடன் புதிய அபாச்சி RTR310 மாடலில் கிளைமேட் கண்ட்ரோல் சீட், 6-ஆக்சிஸ் IMU யூனிட், கார்னெரிங் டிராக்ஷன் கண்ட்ரோல், கார்னெரிங் குரூயிஸ் கண்ட்ரோல் போன்ற வசதிகள் வழங்கப்பட்டு உள்ளன.

இந்திய சந்தையில் புதிய டி.வி.எஸ். அபாச்சி RTR310 மாடலின் விலை ரூ. 2 லட்சத்து 43 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. இந்த மாடல் கே.டி.எம். டியூக் 390, பி.எம்.டபிள்யூ. G 310 R மற்றும் கே.டி.எம். 250 டியூக் போன்ற மாடல்களுக்கு போட்டியாக அமைகிறது. 

ஹார்லி டேவிட்சன் நிறுவனம் X350 மற்றும் X500 மோட்டார்சைக்கிள் மாடல்களை ஆஸ்திரேலிய சந்தையில் அறிமுகம் செய்து இருக்கிறது. இந்த மோட்டார்சைக்கிள் மாடல்கள் ராயல் என்ஃபீல்டு கிளாசிக் 350 மற்றும் இண்டர்செப்டார் 650, ஹோண்டா ரிபெல் 300 மற்றும் 500 மாடல்களுக்கு போட்டியாக அமைந்துள்ளன.

புதிய ஹார்லி டேவிட்சன் X350 மற்றும் X500 மாடல்கள் ஹார்லி மற்றும் குயிஜியாங் நிறுவனங்கள் இடையேயான கூட்டணி மூலம் உருவாக்கப்பட்டு இருக்கிறது. அந்த வகையில், இந்த இரண்டு மாடல்களும் லியோன்சினோ பிளாட்ஃபார்மிலேயே உருவாக்கப்பட்டு உள்ளது. இதன் காரணமாக இவற்றின் ஃபிரேம், என்ஜின் என பல்வேறு பாகங்கள் ஒரேமாதிரியே வழங்கப்பட்டு இருக்கிறது.

ஹார்லி X350 மாடலில் 353சிசி, பேரலல் டுவின், லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 36 ஹெச்.பி. பவர், 31 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. ஹார்லி டேவிட்சன் X500 மாடலில் 500சிசி பேரலல் டுவின் என்ஜின் உள்ளது. இந்த யூனிட் 47 ஹெச்.பி. பவர், 46 நியூட்டன் மீட்டர் டார்க் இழுவிசையை வெளிப்படுத்துகிறது.

இந்திய சந்தையில் ஏற்கனவே ஹார்லி டேவிட்சன் X440 மாடல் அறிமுகம் செய்யப்பட்டு இருப்பதால், புதிய X350 மற்றும் X500 மாடல்கள் இந்திய சந்தையில் அறிமுகம் செய்யப்படாது என்றே தெரிகிறது. இந்திய சந்தையில் ஹார்லி டேவிட்சன் X440 மாடலின் விலை ரூ. 2 லட்சத்து 30 ஆயிரம், எக்ஸ்-ஷோரூம் என்று துவங்குகிறது. 

ராயல் என்ஃபீல்டு நிறுவனத்தின் புல்லட் 350 புதிய வெர்ஷன் இந்திய சந்தையில் அறிமுகம் செய்யப்பட்டு இருக்கிறது. புதிய மாடலில் ஏராளமான அப்டேட்கள் செய்யப்பட்டுள்ளன. அதன்படி இந்த மாடலின் டிசைன் மட்டுமே மாற்றப்பட்டு இருக்கிறது.

இதோடு முன்புறத்தில் சற்றே நீளமான ஃபெண்டர், டேன்க் வடிவம் சற்று மாற்றப்பட்டு இருக்கிறது. இவைதவிர இந்த மாடலின் ஒட்டுமொத்த தோற்றம் அதன் முந்தைய வெர்ஷனை போன்றே காட்சியளிக்கிறது. இத்துடன் வட்ட வடிவம் கொண்ட ஹெட்லைட், க்ரோம் நிறத்தால் ஆன பாகங்கள் மற்றும் பழையபடி பாரம்பரியம் மிக்க டிசைன் உள்ளது.

புதிய புல்லட் 350 மாடலிலும் கிளாசிக் 350, ஹண்டர் 350 மற்றும் மீடியோர் 350 மாடல்களில் உள்ளதை போன்றே 349சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 20.2 ஹெச்.பி. பவர், 27 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 5 ஸ்பீடு கியர்பாக்ஸ் உள்ளது.

இந்த மாடலின் முன்புறம் டெலிஸ்கோபிக் ஃபோர்க்குகள், டூயல் ரியர் ஷாக்குகள் வழங்கப்பட்டு உள்ளன. பிரேக்கிங்கிற்கு இரண்டு புறமும் டிஸ்க் பிரேக்குகள் உள்ளன. இதன் பேஸ் வேரியண்டில் மட்டும் பின்புறத்தில் டிரம் பிரேக், சிங்கில் சேனல் ஏ.பி.எஸ். வழங்கப்பட்டு இருக்கிறது.

இந்திய சந்தையில் புதிய ராயல் என்ஃபீல்டு புல்லட் 350 மாடலின் விலை ரூ. 1 லட்சத்து 73 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. அந்த வகையில், இதன் விலை ஹண்டர் 350 மற்றும் கிளாசிக் 350 மாடல்களின் இடையில் நிலை நிறுத்தப்பட்டு உள்ளது. இந்த மாடலின் வினியோகம் செப்டம்பர் 3-ம் தேதி துவங்குகிறது. 

ஒலா எலெக்ட்ரிக் நிறுவனம் தனது புதிய எலெக்ட்ரிக் ஸ்கூட்டர் மாடல்களுக்கு 75 ஆயிரத்திற்கும் அதிக முன்பதிவுகளை பெற்று இருப்பதாக அறிவித்து இருக்கிறது. சமீபத்தில் தான் ஒலா நிறுவனம் S1 ஏர், S1 X மற்றும் S1 ப்ரோ போன்ற எலெக்ட்ரிக் ஸ்கூட்டர்களை இந்திய சந்தையில் அறிமுகம் செய்தது.

புதிய எலெக்ட்ரிக் ஸ்கூட்டர் மாடல்களுக்கான முன்பதிவு கடந்த இரண்டு வாரங்களாக நடைபெற்று வந்தது. இந்த நிலையில், தான் புதிய எலெக்ட்ரிக் ஸ்கூட்டர்களின் முன்பதிவு குறித்து ஒலா எலெக்ட்ரிக் நிறுவனம் தகவல் தெரிவித்து இருக்கிறது. எனினும், எந்த மாடலுக்கு எத்தனை யூனிட்கள் முன்பதிவு கிடைத்தன என்பது பற்றி ஒலா சார்பில் எந்த தகவலும் வழங்கப்படவில்லை.

ஒலா நிறுவனத்தின் புதிய எலெக்ட்ரிக் ஸ்கூட்டர் மாடல்களில் குறைந்த விலை மாடலாக ஒலா S1 X இருக்கிறது. இந்த மாடல் - S1 X+, S1 X 2கிலோவாட் ஹவர் மற்றும் S1 X 3கிலோவாட் ஹவர் என மூன்று வேரியண்ட்களில் கிடைக்கிறது. மூன்று புதிய எலெக்ட்ரிக் ஸ்கூட்டர் மாடல்களில் அதிக விலை கொண்ட மாடல் ஒலா S1 ப்ரோ.

இந்த எலெக்ட்ரிக் ஸ்கூட்டர் முற்றிலும் புதிய பிளாட்ஃபார்மில் உருவாக்கப்பட்டு இருக்கிறது. இந்த ஸ்கூட்டரின் அதிகபட்ச வேகம் மற்றும் ரைடிங் ரேன்ஜ் உள்ளிட்டவை உயர்த்தப்பட்டு உள்ளது. ஒலா S1 X மற்றும் S1 ப்ரோ மாடல்களின் இடையில் நிலைநிறுத்தப்பட்டு இருக்கும் S1 ஏர் மாடல் கணிசமான அம்சங்களை கொண்டிருக்கிறது.

ஹீரோ மோட்டோகார்ப் நிறுவனம் தனது பிரபலமான கரிஸ்மா பிரான்டை மீண்டும் இந்திய சந்தையில் அறிமுகம் செய்து இருக்கிறது. புதிய மோட்டார்சைக்கிள் கரிஸ்மா XMR 210 என்று அழைக்கப்படுகிறது.

புதிய கரிஸ்மா XMR 210 மாடலில் இளைஞர்களை கவரும் வகையிலான டிசைன், தனித்துவம் மிக்க கூர்மையான ஹெட்லைட்கள், அட்ஜஸ்ட் செய்யக்கூடிய விண்ட்-ஸ்கிரீன் உள்ளிட்ட அம்சங்கள் வழங்கப்பட்டு உள்ளன. இதன் பாடிவொர்க்-இல் மெல்லிய சைடு ஃபேரிங்குகள் உள்ளன. இவை என்ஜின் மற்றும் சேசிஸ்-ஐ மறைத்துக் கொள்ளும் வகையில் உருவாக்கப்பட்டுள்ளன.

இத்துடன் 2023 ஹீரோ கரிஸ்மா XMR 210 முற்றிலும் அசத்தலான தோற்றம் கொண்டிருக்கிறது. இந்த மாடலில் 210சிசி, சிங்கில் சிலிண்டர், லிக்விட் கூல்டு, நான்கு வால்வுகள் கொண்ட என்ஜின் வழங்கப்பட்டு இருக்கிறது. இந்த என்ஜின் 25.15 ஹெச்.பி. பவர், 20.4 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ் மற்றும் ஸ்லிப், அசிஸ்ட் கிளட்ச் வழங்கப்பட்டு இருக்கிறது.

கரிஸ்மா XMR 210 மாடலில் முற்றிலும் புதிய சேசிஸ், டெலிஸ்கோபிக் முன்புற ஃபோர்க்குகள், ஆறு வழிகளில் அட்ஜஸ்ட் செய்யக்கூடிய பின்புற மோனோஷாக், பிரேக்கிங்கிற்கு இருபுறமும் டிஸ்க் பிரேக், டூயல் சேனல் ஏ.பி.எஸ். வழங்கப்பட்டுள்ளது. இத்துடன் 17-இன்ச் அலாய் வீல்கள் உள்ளன.

இந்திய சந்தையில் ஹீரோ கரிஸ்மா XMR 210 மாடலின் விலை ரூ. 1 லட்சத்து 73 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. இந்த மாடல் சுசுகி ஜிக்சர் SF 250, யமஹா R15 V4 மற்றும் பஜாஜ் பல்சர் RS200 போன்ற மாடல்களுக்கு போட்டியாக அமைகிறது.

ஹோண்டா இந்தியா நிறுவனம் தனது ஹார்னெட் 2.0 மாடலின் மேம்பட்ட வெர்ஷனை இந்திய சந்தையில் அறிமுகம் செய்தது. 2023 ஹோண்டா ஹார்னெட் 2.0 மோட்டார்சைக்கிள் விலை ரூ. 1 லட்சத்து 39 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

2023 ஹோண்டா ஹார்னெட் 2.0 மாடல் ஒட்டுமொத்த தோற்றத்தில் எந்த மாற்றமும், அப்டேட்களும் மேற்கொள்ளப்படவில்லை. அதன்படி இந்த மாடல் பார்க்க அதன் முந்தைய வெர்ஷனை போன்றே காட்சியளிக்கிறது.

புதிய ஹோண்டா மாடலில் எல்.இ.டி. லைட்கள், முழுமையான டிஜிட்டல் இன்ஸ்ட்ரூமெண்ட் கிளஸ்டர், என்ஜின் கில் ஸ்விட்ச், சிங்கில் சேனல் ஏ.பி.எஸ். உள்ளிட்ட வசதிகள் உள்ளன. இதன் எல்.சி.டி. டேஷ்போர்டில் 5-லெவல் இலுமினேஷன் கண்ட்ரோல், கியர் பொசிஷன் இண்டிகேட்டர் மற்றும் சர்வீஸ் டியூ இண்டிகேட்டர் போன்ற வசதிகள் உள்ளன.

2023 ஹோண்டா ஹார்னெட் 2.0 மாடலில் 184.4சிசி, சிங்கில் சிலிண்டர் ஏர் கூல்டு என்ஜின் வழங்கப்பட்டு இருக்கிறது. இந்த என்ஜின் 17 ஹெச்.பி. பவர், 15.9 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 5 ஸ்பீடு கியர்பாக்ஸ் வழங்கப்படுகிறது.

மற்ற மாடல்களை போன்றே, 2023 ஹார்னெட் 2.0 மாடலுக்கும் ஹோண்டா நிறுவனம் பத்து ஆண்டுகள் வரையிலான வாரண்டி வழங்குகிறது. இந்த மாடலுக்கான முன்பதிவு ஏற்கனவே துவங்கி நடைபெற்று வருகிறது. வினியோகம் அடுத்த சில நாட்களில் துவங்க இருக்கிறது.

டி.வி.எஸ். மோட்டார் நிறுவனத்தின் புதிய அபாச்சி RTR 310 மாடலுக்கான டீசர்கள் தொடர்ச்சியாக இணையத்தில் வெளியாகி வருகின்றன. அந்த வகையில், வெளியான சமீபத்திய டீசர் வீடியோவில் அபாச்சி RTR 310 மாடலுக்கான முன்பதிவு துவங்கி இருப்பதாக தெரிவிக்கப்பட்டு இருக்கிறது.

புதிய டி.வி.எஸ். அபாச்சி RTR 310 மாடலுக்கான முன்பதிவு நாடு முழுக்க டி.வி.எஸ். விற்பனை மையங்களில் துவங்கி நடைபெற்று வருகிறது. முன்பதிவு கட்டணம் பற்றி டீசர் வீடியோவில் எந்த தகவலும் இடம்பெறவில்லை. எனினும், முன்பதிவு கட்டணம் ரூ. 5 ஆயிரத்தில் துவங்கி அதிகபட்சம் ரூ. 10 ஆயிரத்திற்குள் நிர்ணயம் செய்யப்பட்டு இருக்கும் என்று தெரிகிறது.

டி.வி.எஸ். அபாச்சி RTR 310 மாடல் அசத்தலான ஸ்டைலிங் வித்தியாசமான டிசைன் கொண்டிருக்கும் என்று தெரியவந்துள்ளது. அந்த வகையில், இந்த மாடலில் புதிய ஸ்ப்லிட் ரக எல்.இ.டி. ஹெட்லைட், சிசெல் வடிவம் கொண்ட ஃபியூவல் டேன்க், காம்பேக்ட் டிசைன் கொண்டிருக்கும். இந்த மாடலில் வழங்கப்படும் எக்சாஸ்ட் தற்போதைய RR 310 மாடலில் உள்ளதை போன்றே இருக்கும் என்று கூறப்படுகிறது.

புதிய RTR 310 மாடலிலும் 312.2சிசி, சிங்கில் சிலிண்டர், லிக்விட் கூல்டு மோட்டார் வழங்கப்படலாம். இந்த என்ஜின் 33.5 ஹெச்.பி. பவர், 27.3 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கும் என்று எதிர்பார்க்கலாம். இதே என்ஜின் தான் தற்போதைய RR 310 மாடலிலும் வழங்கப்பட்டு இருக்கிறது. இத்துடன் 6 ஸ்பீடு கியர்பாக்ஸ் வழங்கப்படுகிறது.

இந்திய சந்தையில் புதிய டி.வி.எஸ். அபாச்சி RTR 310 மாடல் செப்டம்பர் 6-ம் தேதி அறிமுகம் செய்யப்பட இருக்கிறது. இந்த மாடல் இந்திய சந்தையில் கே.டி.எம். 390 டியூக் மற்றும் பி.எம்.டபிள்யூ. G310R போன்ற மாடல்களுக்கு போட்டியாக அமையும் என்று தெரிகிறது. இந்தியாவில் புதிய டி.வி.எஸ். அபாச்சி RTR 310 மாடலின் விலை ரூ. 2.5 லட்சம் (எக்ஸ்-ஷோரூம்) வரை நிர்ணயம் செய்யப்படலாம்.

ஹீரோ மோட்டோகார்ப் நிறுவனத்தின் முற்றிலும் புதிய கிளாமர் மோட்டார்சைக்கிள் இந்திய சந்தையில் அறிமுகம் செய்யப்பட்டது. ஏற்கனவே இந்திய சந்தையில் விற்பனை செய்யப்பட்டு வந்த கிளாமர் மோட்டார்சைக்கிள், 2020 வாக்கில் விற்பனையில் இருந்து நீக்கப்பட்டது.

இந்திய சந்தையில் ஹீரோ கிளாமர் மோட்டார்சைக்கிள் டிரம் மற்றும் டிஸ்க் என இருவித வேரியண்ட்களில் விற்பனை செய்யப்படுகிறது. இவற்றின் விலை முறையே ரூ. 82 ஆயிரத்து 348 மற்றும் ரூ. 86 ஆயிரத்து 348 என்று நிர்ணம் செய்யப்பட்டு உள்ளன. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

புதிய ஹீரோ கிளாமர் மோட்டார்சைக்கிளில் ஏர்-கூல்டு 124.7 சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 10.5 ஹெச்.பி. பவர், 10.4 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 5 ஸ்பீடு கியர்பாக்ஸ் வழங்கப்படுகிறது. மேலும் முன்புறத்தில் டெலிஸ்கோபிக் ஃபோர்க்குகள், பின்புறம் ஷாக் அப்சார்பர்கள் வழங்கப்பட்டுள்ளன.

கிளாமர் மோட்டார்சைக்கிளில் 240mm டிஸ்க் அல்லது 130mm டிரம் பிரேக், 130mm டிரம் பிரேக் ஆப்ஷன்களில் கிடைக்கிறது. புதிய கிளாமர் மோட்டார்சைக்கிள் எளிமையான கம்யுட்டர் மாடல் ஆகும். இதில் ஹீரோ நிறுவனத்தின் i3s ஸ்டார்ட்/ஸ்டாப் தொழில்நுட்பம், டிஜிட்டல் டேஷ்போர்டு, யு.எஸ்.பி. சார்ஜிங் போர்ட் உள்ளிட்டவை வழங்கப்பட்டு இருக்கிறது.

இந்தியாவில் புதிய ஹீரோ கிளாமர் மோட்டார்சைக்கிள் ஹோண்டா ஷைன் மற்றும் பஜாஜ் பல்சர் 125 நியான் போன்ற மாடல்களுக்கு போட்டியாக அமைகிறது.

ஹீரோ மோட்டோகார்ப் நிறுவனம் தனது கரிஸ்மா XMR 210 மோட்டார்சைக்கிள் டீசரை வெளியிட்டு உள்ளது. இந்த மோட்டார்சைக்கிள் ஆகஸ்ட் 29-ம் தேதி அறிமுகம் செய்யப்படுகிறது. புதிய டீசரின் படி ஹீரோ கரிஸ்மா XMR 210 மாடல் மங்களகரமான மஞ்சள் நிறத்தில் கிடைக்கிறது. இதே போன்ற நிறம் ஹீரோ முதன் முதலில் அறிமுகம் செய்யப்பட்ட முதல் தலைமுறை கரிஸ்மா மாடலிலும் வழங்கப்பட்டது.

டிசைனை பொருத்தவரை புதிய கரிஸ்மா XMR 210 மாடலில் நவீன தோற்றம் கொண்ட எல்.இ.டி. ஹெட்லேம்ப் மற்றும் கூர்மையான கோடுகளை கொண்டிருக்கிறது. இத்துடன் ஸ்ப்லிட் சீட் செட்டப் வழங்கப்படுகிறது. ஹீரோ கரிஸ்மா XMR 210 மாடலில் முற்றிலும் புதிய 210சிசி, சிங்கில் சிலிண்டர் என்ஜின் வழங்கப்பட்டு இருக்கிறது.

இந்த என்ஜின் 25 ஹெச்.பி. பவர், 20 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ் வழங்கப்படுகிறது. இந்த மாடலின் முன்புறம் டெலிஸ்கோபிக் ஃபோர்க்குகள், பின்புறம் அட்ஜஸ்ட் செய்யக்கூடிய மோனோஷாக் சஸ்பென்ஷன் வழங்கப்படும் என்று தெரிகிறது. மேலும் பிரேக்கிங்கிற்கு டிஸ்க் பிரேக்குகள், டூயல் சேனல் ஏ.பி.எஸ். ஸ்டான்டர்டு அம்சமாக வழங்கப்படுகிறது.

இந்திய சந்தையில் புதிய ஹீரோ கரிஸ்மா XMR 210 மாடலின் விலை ரூ. 2 லட்சத்தில் துவங்கும் என்று தெரிகிறது. இந்த மாடல் பஜாஜ் பல்சர் RS200, யமஹா R15 மற்றும் சுசுகி ஜிக்சர் SF 250 போன்ற மாடல்களுக்கு போட்டியாக அமைகிறது.

டி.வி.எஸ். மோட்டார்ஸ் நிறுவனம் இந்திய சந்தையில் தனது இரண்டாவது எலெக்ட்ரிக் ஸ்கூட்டர் மாடலை அறிமுகம் செய்தது. எக்ஸ் என்ற பெயரில் அறிமுகமாகி இருக்கும் புதிய எலெக்ட்ரிக் ஸ்கூட்டர் இளைஞர்களை கவரும் வகையிலான ஸ்டைலிங் மற்றும் அசத்தல் தோற்றம் கொண்டிருக்கிறது.

புதிய டி.வி.எஸ். எக்ஸ் எலெக்ட்ரிக் ஸ்கூட்டர் முற்றிலும் புதிய டிசைன் கொண்டிருக்கிறது. இதன் தோற்றம் க்ரியான் கான்செப்ட் மாடலை போன்றே காட்சியளிக்கிறது. இந்த மாடல் சில ஆண்டுகளுக்கு முன்பு காட்சிக்கு வைக்கப்பட்டது. இதில் எல்.இ.டி. மின்விளக்குகள், 10.2 அங்குல அளவில் டி.எஃப்.டி. ஸ்கிரீன், ஸ்மார்ட்போன் கனெக்டிவிட்டி உள்ளிட்ட வசதிகள் வழங்கப்பட்டு உள்ளன.

இதில் உள்ள 4.44 கிலோவாட் ஹவர் பேட்டரியை முழுமையாக சார்ஜ் செய்தால் அதிகபட்சம் 140 கிலோமீட்டர்கள் வரையிலான ரேன்ஜ் வழங்குகிறது. மேலும் இதில் உள்ள மோட்டார்கள் அதிகபட்சம் 11 கிலோவாட் வரையிலான திறன் கொண்டிருக்கின்றன. இந்த எலெக்ட்ரிக் ஸ்கூட்டர் மணிக்கு 40 கிலோமீட்டர் வேகத்தை 2.6 நொடிகளில் எட்டிவிடும்.

ஹார்டுவேர் அம்சங்களை பொருத்தவரை இந்த மாடலில் டெலிஸ்கோபிக் முன்புற ஃபோர்க்குகள், பின்புறம் மோனோஷாக் யூனிட், 220mm முன்புற டிஸ்க், பின்புறத்தில் 195mm டிஸ்க் பிரேக் மற்றும் சிங்கில் சேனல் ஏ.பி.எஸ். வழங்கப்பட்டு இருக்கிறது.

புதிய டி.வி.எஸ். எக்ஸ் ஸ்கூட்டருக்கான முன்பதிவு ஏற்கனவே துவங்கி நடைபெற்று வருகிறது. முன்பதிவு கட்டணம் ரூ. 5 ஆயிரம் ஆகும். இந்திய சந்தையில் இதன் விலை ரூ. 2 லட்சத்து 49 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது.