தொழில்நுட்பம்
சாம்சங்

இணையத்தில் லீக் ஆன சாம்சங் பிளாக்‌ஷிப் ஸ்மார்ட்போன் விவரங்கள்

Published On 2021-10-19 14:51 GMT   |   Update On 2021-10-19 14:51 GMT
சாம்சங் நிறுவனத்தின் கேலக்ஸி எஸ்22 அல்ட்ரா மாடல் வாட்டர் டிராப் நாட்ச் டிஸ்ப்ளே கொண்டிருக்கும் என கூறப்படுகிறது.

சாம்சங் நிறுவனம் தனது கேலக்ஸி எஸ்22 சீரிஸ் மாடல்களை அடுத்த ஆண்டு துவக்கத்தில் அறிமுகம் செய்ய இருக்கிறது. எனினும், புதிய சாம்சங் பிளாக்‌ஷிப் ஸ்மார்ட்போன் சீரிஸ் பற்றிய விவரங்கள் ஏற்கனவே இணையத்தில் வெளியாகி வருகின்றன.

அதன்படி தற்போது வெளியாகி இருக்கும் தகவலில், கேலக்ஸி எஸ்22 அல்ட்ரா மாடல் வாட்டர் டிராப் நாட்ச் கொண்டிருக்கும் என கூறப்படுகிறது. பின்புற கேமராக்கள் தற்போது விற்பனை செய்யப்படும் சில கேலக்ஸி ஏ சீரிஸ் மாடல்களில் உள்ளதை போன்றே பொறுத்தப்படும் என தெரிகிறது.



இவைதவிர புதிய கேலக்ஸி எஸ்22 அல்ட்ரா பற்றிய இதர விவரங்கள் மர்மமாகவே இருக்கின்றன. முந்தைய தகவல்களில் கேலக்ஸி எஸ்22 சீரிஸ் சாம்சங்கின் கேலக்ஸி நோட் சீரிஸ் ஸ்மார்ட்போன்களுக்கு மாற்றாக உருவாக்கப்படுகிறது என கூறப்பட்டது.
Tags:    

Similar News