ஐகூ இசட்5 இந்திய வெளியீட்டு தேதி அறிவிப்பு

 

ஐகூ இசட்5 5ஜி ஸ்மார்ட்போன் இந்தியாவில் செப்டம்பர் 27 ஆம் தேதி அறிமுகமாகிறது. முன்னதாக இந்த ஸ்மார்ட்போனின் வெளியீட்டை உணர்த்தும் டீசர் மட்டும் வெளியிடப்பட்ட நிலையில், தற்போது வெளியீட்டு தேதி அறிவிக்கப்பட்டு இருக்கிறது.

புதிய டீசர்களின் படி ஐகூ இசட்5 5ஜி மாடலில் மூன்று கேமரா சென்சார்கள், எல்.இ.டி. பிளாஷ், செவ்வக கேமரா மாட்யூல், பக்கவாட்டில் கைரேகை சென்சார் போன்ற அம்சங்கள் வழங்கப்படும் என தெரியவந்துள்ளது. மேலும் இந்த ஸ்மார்ட்போன் புளூ நிறத்தில் கிடைக்கும் என தெரிகிறது.

முந்தைய தகவல்களில் ஐகூ இசட்5 மாடலில் எல்.சி.டி. டிஸ்ப்ளே வழங்கப்படும் என கூறப்பட்டது. எனினும், இந்த ஸ்மார்ட்போன் ஆமோலெட் பேனல் கொண்டிருக்கும் என தகவல் வெளியாகி உள்ளது. ஐகூ இசட்5 மாடலில் குவால்காம் ஸ்னாப்டிராகன் 778ஜி 5ஜி பிராசஸர் வழங்கப்பட இருக்கிறது.