தொழில்நுட்பம்
ஐபோன் 13 ப்ரோ மற்றும் ஐபோன் 13 ப்ரோ மேக்ஸ்

வேற லெவல் அப்டேட்களுடன் ஐபோன் 13 ப்ரோ சீரிஸ் அறிமுகம்

Published On 2021-09-14 18:21 GMT   |   Update On 2021-09-14 18:21 GMT
உலகின் அதிவேக பிராசஸர், அசத்தல் 5ஜி, கேமரா அம்சங்களுடன் ஐபோன் 13 ப்ரோ மற்றும் ஐபோன் 13 ப்ரோ மேக்ஸ் மாடல்கள் அறிமுகம்.


ஐபோன் 13 மற்றும் ஐபோன் 13 மினி மாடல்களை தொடர்ந்து ஐபோன் 13 ப்ரோ மற்றும் ஐபோன் 13 ப்ரோ மேக்ஸ் மாடல்களை ஆப்பிள் அறிமுகம் செய்தது. புதிய ஐபோன் 13 ப்ரோ சீரிஸ் இதுவரை இல்லாத அளவு அசத்தலான கேமரா அப்டேட்களை கொண்டிருக்கிறது.

ஐபோன் 13 ப்ரோ மாடல்களில் டெலிபோட்டோ கேமரா, அல்ட்ரா வைடு மற்றும் வைடு கேமரா வழங்கப்பட்டு இருக்கிறது. இவற்றில் உள்ள அனைத்து கேமராக்களிலும் நைட் மோட் அம்சம் உள்ளது. இத்துடன் பிரத்யேக மேக்ரோ மோட் வழங்கப்பட்டு உள்ளது.

ஐபோன் 13 ப்ரோ மாடலில் புகைப்படங்களை அதிகளவு கஸ்டமைஸ் செய்யும் வசதி வழங்கப்பட்டு இருக்கிறது. புதிய ப்ரோ தர கேமரா சிஸ்டம் இதுவரை இல்லாத அளவு சிறப்பான புகைப்படம் மற்றும் வீடியோக்களை எடுக்க வழி செய்கிறது.



சூப்பர் ரெட்டினா எக்ஸ்.டி.ஆர். ப்ரோ மோஷன், ஒ.எல்.இ.டி. டிஸ்ப்ளே பேனல் கொண்டிருக்கும் ஐபோன் 13 ப்ரோ மாடல்களில் 120 ஹெர்ட்ஸ் அடாப்டிவ் ரிப்ரெஷ் ரேட் உள்ளது. புதிய ஐபோன் 13 ப்ரோ மாடல் 6.1 இன்ச் அளவிலும் 13 ப்ரோ மேக்ஸ் மாடல் 6.7 இன்ச் அளவிலும் கிடைக்கிறது.

பல்வேறு அசத்தல் அப்டேட்களை கொண்டிருக்கும் ஐபோன் 13 ப்ரோ முந்தைய மாடலை விட 1.5 மணி நேரம் கூடுதல் பேட்டரி பேக்கப், ஐபோன் 13 ப்ரோ மேக்ஸ் முந்தைய ஐபோன் 12 ப்ரோ மேக்ஸ் மாடலை விட 2.5 மணி நேரம் கூடுதல் பேட்டரி பேக்கப் வழங்குகிறது.

ஐபோன் 13 ப்ரோ மற்றும் 13 ப்ரோ மேக்ஸ் மாடல்களின் விலை முறையே 999 டாலர்கள் மற்றும் 1099 டாலர்கள் என துவங்குகிறது. புதிய ப்ரோ மாடல்களின் மெமரி 128 ஜிபியில் துவங்கி அதிகபட்சம் 1 டிபி வரை கிடைக்கிறது.  

Tags:    

Similar News