ஆண்ட்ராய்டு 11 ஓ.எஸ். கொண்ட குறைந்த விலை ஸ்மார்ட்போன்

ஜியோபோன் நெக்ஸ்ட் அடுத்த மாத துவக்கத்தில் அறிமுகமாகிறது. முன்னதாக இந்த ஸ்மார்ட்போன் விவரங்கள் இணையத்தில் வெளியாகி இருக்கின்றன. அந்த வகையில் புதிய ஜியோபோன் நெக்ஸ்ட் ஆண்ட்ராய்டு 11 ஓ.எஸ். கொண்ட குறைந்த விலை ஸ்மார்ட்போனாக இருக்கும் என கூறப்படுகிறது. 

முந்தைய ஜியோபோன் மற்றும் ஜியோபோன் 2 மாடல்களை போன்றே புதிய ஜியோபோன் நெக்ஸ்ட் மாடலும் ஜியோ நெட்வொர்க் மட்டும் பயன்படுத்தும் வகையில் இருக்கும் என கூறப்படுகிறது. இது உண்மையாகும் பட்சத்தில் ஜியோபோன் நெக்ஸ்ட் ஸ்மார்ட்போனில் மற்ற நெட்வொர்க் சேவைகளை பயன்படுத்த முடியாது. 

ஸ்மார்ட்போன்களை குறைந்த விலையில் விற்பனைக்கு வழங்கும் போது, நிறுவனங்கள் அவற்றை குறிப்பிட்ட நெட்வொர்க்கில் மட்டும் இயங்கும் வகையில் உருவாக்குகின்றன. அந்த வகையில் ஜியோபோன் நெக்ஸ்ட் மாடல் ஜியோ நெட்வொர்க்கில் மட்டுமே இயக்க முடியும். இந்த தகவல் உண்மையாகும் பட்சத்தில் ஜியோபோன் நெக்ஸ்ட் மாடலுக்கென பிரத்யேக ரீசார்ஜ் சலுகைகள் அறிமுகம் செய்யப்படலாம்.