தொழில்நுட்பம்
குறைந்த விலை வயர்லெஸ் இயர்போன் இந்தியாவில் அறிமுகம்
சவுண்ட்கோர் ஆர்500 வயர்லெஸ் நெக்பேண்ட் இயர்போன் வாட்டர் ரெசிஸ்டண்ட் மற்றும் பாஸ்ட் சார்ஜிங் வசதி கொண்டிருக்கிறது.
ஆன்கர் நிறுவனத்தின் சவுண்ட்கோர் இந்தியாவில் புதிய வயர்லெஸ் நெக்பேண்ட் இயர்போனினை அறிமுகம் செய்தது. சவுண்ட்கோர் ஆர்500 என அழைக்கப்படும் புதிய நெக்பேண்ட் இயர்போன் விலை ரூ. 1,399 ஆகும்.
குறைந்த எடை, வளையும் தன்மை, வாட்டர் ரெசிஸ்டண்ட் வசதி, சிறந்த பேஸ் அவுட்புட் போன்ற அம்சங்களை சவுண்ட்கோர் ஆர்500 கொண்டுள்ளது. இந்த நெக்பேண்ட் இயர்போன் 195 எம்.ஏ.ஹெச். பேட்டரி மூலம் சக்தியூட்டப்படுகிறது. இது முழு சார்ஜ் செய்தால் 20 மணி நேரத்திற்கு பேக்கப் வழங்குகிறது.
இத்துடன் யு.எஸ்.பி. டைப் சி பாஸ்ட் சார்ஜிங், ப்ளூடூத் 5 போன்ற கனெக்டிவிட்டி அம்சங்கள் உள்ளன. இதன் பாஸ்ட் சார்ஜிங் அம்சம் பத்து நிமிடம் சார்ஜ் செய்தால் மூன்று மணி நேரத்திற்கு பேக்கப் வழங்குகிறது. இந்த இயர்போனில் ஏ.ஐ. சார்ந்த மைக்ரோபோன்கள் வழங்கப்பட்டுள்ளன.
இவை சிறப்பான ஆடியோ அனுபவத்தை வழங்குகின்றன. சவுண்ட்கோர் ஆர்500 நெக்பேண்ட் இயர்போன் இந்தியாவில் ப்ளிப்கார்ட் தளத்தில் விற்பனை செய்யப்படுகிறது. இதன் சர்வதேச வெளியீடு மற்றும் விலை பற்றி இதுவரை எந்த அறிவிப்பும் வெளியாகவில்லை.