தொழில்நுட்பம்
லெனோவோ தின்க்பேட் எக்ஸ்1

ரூ. 3.29 லட்சம் விலையில் மடிக்கக்கூடிய லேப்டாப் அறிமுகம் செய்த லெனோவோ

Published On 2021-06-23 08:58 GMT   |   Update On 2021-06-23 09:04 GMT
லெனோவோ நிறுவனத்தின் புதிய தின்க்பேட் எக்ஸ்1 மடிக்கக்கூடிய லேப்டாப் இந்திய சந்தையில் விற்பனைக்கு வந்துள்ளது.

லெனோவோ நிறுவனம் தனது மடிக்கக்கூடிய தின்க்பேட் எக்ஸ்1 லேப்டாப் மாடலை சில ஆண்டுகளுக்கு முன் அறிமுகம் செய்தது. தற்போது இந்த மாடலை லெனோவோ இந்திய சந்தையில் விற்பனைக்கு கொண்டு வந்துள்ளது. லெனோவோ தின்க்பேட் எக்ஸ்1 விலை ரூ. 3,29,000 என நிர்ணயம் செய்யப்பட்டு உள்ளது.



புதிய தின்க்பேட் எக்ஸ்1 மடிக்கக்கூடிய லேப்டாப் லெனோவோ நிறுவனத்தின் விலை உயர்ந்த மாடலாக இருக்கிறது. தின்க்பேட் எக்ஸ்1 விண்டோஸ் 10 ப்ரோ ஒஎஸ் கொண்டுள்ளது. இது மடிக்கக்கூடிய டிஸ்ப்ளே கொண்ட முதல் விண்டோஸ் சாதனம் ஆகும்.

இதில் 13.3 இன்ச் 2K ரெசல்யூஷன் OLED டிஸ்ப்ளே, இன்டெல் கோர் ஐ5 பிராசஸர், 11th Gen இன்டெல் UHD கிராபிக்ஸ், 8 ஜிபி ரேம், 512 ஜிபி SSD ஸ்டோரேஜ், 50Wh பேட்டரி வழங்கப்பட்டு இருக்கிறது. இது ஒருமுறை சார்ஜ் செய்தால் 10.4 மணி நேரத்திற்கு பேக்கப் வழங்குகிறது.
Tags:    

Similar News