ஏப்ரல் 20-இல் ஸ்ப்ரிங் லோடெட் நிகழ்வு - அதிகாரப்பூர்வ அறிவிப்பை வெளியிட்ட ஆப்பிள்

ஆப்பிள் நிறுவனம் ஏப்ரல் 20 ஆம் தேதி ஸ்ப்ரிங் லோடெட் (Spring Loaded) நிகழ்வை நடத்த இருப்பதாக அறிவித்து உள்ளது. இந்த நிகழ்வு விர்ச்சுவல் முறையில் நடைபெறுகிறது. இதில் ஐபேட் ப்ரோ, புதிய ஐபேட் மினி, புதிய ஐமேக் மற்றும் ஏர்டேக்ஸ் போன்ற சாதனங்கள் அறிமுகமாகும் என தெரிகிறது.

ஸ்ப்ரிங் லோடெட் நிகழ்வு இந்திய நேரப்படி இரவு 10.30 மணிக்கு நடைபெற இருக்கிறது. இந்த நிகழ்வு ஆப்பிள் அதிகாரப்பூர்வ வலைதளம், யூடியூப் தளங்களில் நேரலை செய்யப்படுகிறது. 

முன்னதாக ஆப்பிள் ஏப்ரல் மாத நிகழ்வு குறித்த தகவல்கள் பலமுறை இணையத்தில் வெளியாகி வந்த நிலையில், ஆப்பிள் தவறுதலாக நிகழ்வு நடைபெற இருப்பதை அறிவித்தது. அந்த வரிசையில், தற்போது இந்த நிகழ்வு குறித்த அதிகாரப்பூர்வ அறிவிப்பை ஆப்பிள் வெளியிட்டு இருக்கிறது.