தொழில்நுட்பம்
ரியல்மி 8

ரியல்மி 8 5ஜி வெளியீட்டு விவரம்

Published On 2021-04-12 11:17 GMT   |   Update On 2021-04-12 11:17 GMT
ரியல்மி பிராண்டின் புது ரியல்மி 8 5ஜி மாடல் 48 எம்பி பிரைமரி கேமராவுடன், மூன்று கேமரா சென்சார் கொண்டிருக்கும் என தகவல் வெளியாகி உள்ளது.

ரியல்மி 8 5ஜி ஸ்மார்ட்போன் ஏப்ரல் 21ஆம் தேதி தாய்லாந்தில் அறிமுகமாகிறது. இதே ஸ்மார்ட்போன் இந்திய சந்தையிலும் அறிமுகமாக இருக்கிறது. எனினும், இதன் இந்திய வெளியீட்டு தேதி இதுவரை அறிவிக்கப்படவில்லை.



புதிய 5ஜி ஸ்மார்ட்போன் அந்நிறுவனம் ஏற்கனவே அறிமுகம் செய்த ரியல்மி 8 4ஜி மாடலின் மேம்பட்ட வெர்ஷன் ஆகும். இதன் டீசரில் ஸ்மார்ட்போனின் பின்புறம் கிரேடியன்ட் பேக் பினிஷ் மற்றும் `Dare to Leap' பிராண்டிங் காணப்படுகிறது. மேலும் இதில் 48 எம்பி பிரைமரி சென்சாருடன், மூன்று கேமராக்கள் வழங்கப்படுகின்றன. 

ரியல்மி 8 4ஜி மாடலில் 64 எம்பி பிரைமரி கேமராவுடன், குவாட் கேமரா சென்சார்கள் வழங்கப்பட்டன. ரியல்மி 8 5ஜி மாடல் ஏற்கனவே சீன சந்தையில் அறிமுகம் செய்யப்பட்ட ரியல்மி வி13 5ஜி மாடலின் ரி-பிராண்டு செய்யப்பட்ட வெர்ஷன் ஆகும்.

Tags:    

Similar News