தொழில்நுட்பம்
இன் ஸ்மார்ட்போன்

லிக்விட் கூலிங் வசதியுடன் உருவாகும் மைக்ரோமேக்ஸ் ஸ்மார்ட்போன்

Published On 2020-12-03 06:43 GMT   |   Update On 2020-12-03 06:43 GMT
மைக்ரோமேக்ஸ் நிறுவனம் லிக்விட் கூலிங் வசதி கொண்ட ஸ்மார்ட்போனினை விரைவில் வெளியிடலாம் என தகவல் வெளியாகி உள்ளது.

மைக்ரோமேக்ஸ் இணை நிறுவனர் ராகுல் ஷர்மா அந்நிறுவனத்தின் எதிர்கால திட்டம் பற்றி சமீபத்திய யூடியூப் உரையாடலின் போது தெரிவித்தார். இதில் புதிய ஸ்மார்ட்போன் விவரங்கள் மற்றும் இன் நோட் 1 மற்றும் இன் 1பி  விற்பனை விவரங்கள் பற்றிய தகவல்களை அவர் பகிர்ந்து கொண்டார்.

மேலும் இன் சீரிஸ் போன்கள் விரைவில் ஆப்லைன் விற்பனை மையங்களில் கிடைக்கும் என்றும் தெரிவித்து இருக்கிறார். தற்சமயம் இரு ஸ்மார்ட்போன்களும் ப்ளிப்கார்ட் மற்றும் மைக்ரோமேக்ஸ் வலைதளங்களில் மட்டுமே விற்பனை செய்யப்படுகிறது.



இதுதவிர மைக்ரோமேக்ஸ் நிறுவனம் 6 ஜிபி ரேம், அதிக ரிப்ரெஷ் ரேட் கொண்ட டிஸ்ப்ளே, லிக்விட் கூலிங் தொழில்நுட்பம் கொண்ட ஸ்மார்ட்போனினை உருவாக்கி வருதாக தெரிவித்தார். மேலும் இன் நோட் 1 மாடலின் பட்ஜெட் வேரியண்ட் பற்றி வெளியான தகவல்களில் உண்மையில்லை என்றும் அவர் தெரிவித்தார்.

புதிய மைக்ரோமேக்ஸ் ஸ்மார்ட்போன் பற்றி அதிக விவரங்கள் வெளியாகவில்லை. புதிய இன் நோட் 1 மாடல் வைடுவைன் எல்1 வசதியுடன் வெளியிடப்பட்டு இருக்கிறது. இது நெட்ப்ளிக்ஸ், அமேசான் பிரைம் வீடியோ டூ எஸ்டி ரெசல்யூஷனிற்கு நிறுத்துகிறது. எனினும், விரைவில் இந்த வசதி அப்டேட் மூலம் வழங்கப்படும் என அவர் தெரிவித்தார்.

Tags:    

Similar News