ரெட்மி நோட் 9 5ஜி புதிய டீசர் வெளியீடு

ரெட்மி பிராண்டு அதிகாரி ஒருவர் ரெட்மி நோட் 9 5ஜி மாடல் டீசரை வெளியிட்டு இருக்கிறார். டீசர்களில் ஸ்மார்ட்போனின் பின்புறம் வட்ட வடிவ கேமரா பம்ப் காணப்படுகிறது. அதில் நான்கு கேமரா சென்சார்கள், எல்இடி பிளாஷ் பொருத்தப்பட்டு இருக்கின்றன.

இத்துடன் அறிமுகமாகும் ரெட்மி நோட் 9 ப்ரோ 5ஜி மாடலில் 108 எம்பி பிரைமரி கேமரா வழங்கப்படலாம் என எதிர்பார்க்கப்படுகிறது. இந்த ஸ்மார்ட்போன் நவம்பர் 26 ஆம் தேதி அறிமுகம் செய்யப்பட இருக்கிறது. இந்த நிகழ்வில் மொத்தம் மூன்று ஸ்மார்ட்போன்கள் அறிமுகமாகலாம் என தெரிகிறது.

சிறப்பம்சங்களை பொருத்தவரை ரெட்மி நோட் 9 5ஜி மாடலில் 6.53 இன்ச் FHD+ பன்ச் ஹோல் டிஸ்ப்ளே, மீடியாடெக் டிமென்சிட்டி 800யு அல்லது டிமென்சிட்டி 720 பிராசஸர், 48 எம்பி பிரைமரி கேமரா சேர்த்து மூன்று கேமரா லென்ஸ், 13 எம்பி செல்பி கேமரா வழங்கப்படும் என கூறப்பட்டு இருந்தது.

ரெட்மி நோட் 9 ப்ரோ 5ஜி மாடல் 6.67 இன்ச் பன்ச் ஹோல் எல்சிடி பேனல் டிஸ்ப்ளே, 108 எம்பி பிரைமரி கேமரா, 4820 எம்ஏஹெச் பேட்டரி, 33வாட் பாஸ்ட் சார்ஜிங் வசதி வழங்கப்படுகிறது.