தொழில்நுட்பம்
விவோ வி20

44 எம்பி செல்பி கேமரா கொண்ட விவோ ஸ்மார்ட்போன் விற்பனை விவரம்

Published On 2020-10-20 11:28 GMT   |   Update On 2020-10-20 11:28 GMT
விவோ நிறுவனத்தின் 44 எம்பி செல்பி கேமரா கொண்ட வி20 ஸ்மார்ட்போன் விற்பனை விவரங்களை தொடர்ந்து பார்ப்போம்.


விவோ நிறுவனம் சமீபத்தில் அறிமுகம் செய்த வி20 ஸ்மார்ட்போனின் விற்பனை துவங்கியது. புதிய விவோ வி20 ஸ்மார்ட்போன் 44 எம்பி செல்பி கேமரா, 33 வாட் பாஸ்ட் சார்ஜிங், 4000 எம்ஏஹெச் பேட்டரி கொண்டிருக்கிறது. 

இது மிட்னைட் ஜாஸ், மூன்லைட் சொனாட்டா மற்றும் சன்செட் மெலடி என மூன்று வித நிறங்களிலும், இருவித மெமரி ஆப்ஷன்களிலும் கிடைக்கிறது. மேலும் ஆண்ட்ராய்டு 11 ஒஎஸ் உடன் இந்தியாவில் வெளியான முதல் ஸ்மார்ட்போன் இது ஆகும்.



இந்தியாவில் விவோ வி20 ஸ்மார்ட்போன் ப்ளிப்கார்ட் மற்றும் விவோ ஆன்லைன் ஸ்டோரில் விற்பனை செய்யப்படுகிறது. இதன் 8 ஜிபி + 128 ஜிபி மாடல் விலை ரூ. 24,990 என்றும் 8 ஜிபி + 256 ஜிபி மாடல் விலை ரூ. 27,990 என நிர்ணயம் செய்யப்பட்டு உள்ளது.

ஆன்லைன் மட்டுமின்றி விவோ வி20 ஸ்மார்ட்போன் முன்னணி ஆப்லைன் விற்பனையகங்களிலும் கிடைக்கும் என தெரிவிக்கப்பட்டு இருக்கிறது. 

Tags:    

Similar News