தொழில்நுட்பம்
கேலக்ஸி நோட் 20

சாம்சங் ஸ்மார்ட்போனிற்கு அதிரடி விலை குறைப்பு

Published On 2020-09-19 04:47 GMT   |   Update On 2020-09-19 04:47 GMT
சாம்சங் நிறுவனம் தனது ஸ்மார்ட்போனிற்கு அதிரடி விலை குறைப்பை அறிவித்து இருக்கிறது.


சாம்சங் நிறுவனம் கேலக்ஸி நோட் 20 மற்றும் நோட் 20 அல்ட்ரா ஸ்மார்ட்போன்களை கடந்த மாதம் அறிமுகம் செய்தது. இந்தியாவில் இதன் 8 ஜிபி + 256 ஜிபி மெமரி மாடல் மட்டும் விற்பனைக்கு வந்தது. இதன் விலை ரூ. 77,999 என நிர்ணயம் செய்யப்பட்டு இருக்கிறது.

இந்திய விற்பனை துவங்கி ஒரே மாதத்திற்குள் சாம்சங் நிறுவனம் தனது கேலக்ஸி நோட் 20 மாடலின் விலையை தற்காலிகமாக குறைப்பதாக அறிவித்து உள்ளது. சாம்சங் டேஸ் விற்பனையில் கேலக்ஸி நோட் 20 ஸ்மார்ட்போன் ரூ. 68,999 விலையில் விற்பனை செய்யப்படுகிறது.



அந்த வகையில் இந்த ஸ்மார்ட்போனிற்கு ரூ. 9 ஆயிரம் வரை தள்ளுபடி வழங்கப்படுகிறது. இத்துடன் ஹெச்டிஎஃப்சி வங்கி கார்டு பயன்படுத்துவோருக்கு ரூ. 6 ஆயிரம் கேஷ்பேக் வழங்கப்படுகிறது. தள்ளுபடி மற்றும் கேஷ்பேக் தொகையை சேர்க்கும் பட்சத்தில் கேலக்ஸி நோட் 20 மாடலை ரூ. 62,999 விலையில் வாங்கிடலாம்.

புதிய தள்ளுபடி மற்றும் கேஷ்பேக் சலுகை செப்டம்பர் 23 ஆம் தேதி வரை வழங்கப்படும் என சாம்சங் நிறுவனம் அறிவித்து இருக்கிறது.
Tags:    

Similar News