ஆண்ட்ராய்டு 10 அப்டேட் பெறும் நோக்கியா 2.1

ஹெச்எம்டி குளோபல் நிறுவனம் நோக்கியா 2.1 ஸ்மார்ட்போனிற்கு ஆண்ட்ராய்டு 10 அப்டேட்டை வழங்கி வருகிறது. அந்த வகையில் ஆண்ட்ராய்டு 10 அப்டேட் பெறும் 17-வது நோக்கியா ஸ்மார்ட்போனாக இது இருக்கிறது.

முன்னதாக நோக்கியா 8.1, நோக்கியா 9 பியூர்வியூ, நோக்கியா 7.1, நோக்கியா 6.1 பிளஸ், நோக்கியா 7 பிளஸ், நோக்கியா 6.1, நோக்கியா 2.2, நோக்கியா 7.1, நோக்கியா 3.2, நோக்கியா 4.2, நோக்கியா 8 சிரோக்கோ, நோக்கியா 2.3, நோக்கியா 6.2, நோக்கியா 1 பிளஸ், நோக்கியா 5.1 பிளஸ் மற்றும் நோக்கியா 1 ஆண்ட்ராய்டு கோ எடிஷன் மாடல்களுக்கு ஆண்ட்ராய்டு 10 அப்டேட் வழங்கப்பட்டு இருக்கிறது.

நோக்கியா 2.1 ஸ்மார்ட்போன் 2018 மே மாத வாக்கில் அறிமுகம் செய்யப்பட்டது. இந்த ஸ்மார்ட்போன் ஆண்ட்ராய்டு ஓரியோ இயங்குதளம் கொண்டு வெளியிடப்பட்டது. பின் இதற்கு ஆண்ட்ராய்டு 9 பை அப்டேட்டும், தற்சமயம் ஆண்ட்ராய்டு 10 அப்டேட்டும் வழங்கப்பட்டு உள்ளது.

புது அப்டேட் நோக்கியா 2.1 ஸ்மார்ட்போனிற்கு பிரைவசி மற்றும் செக்யூரிட்டி அம்சங்கள், டார்க் தீம், ஃபோக்கஸ் மோட், பிரத்யேக பிரைவசி செக்ஷன் உள்ளிட்டவை வழங்கப்பட்டு இருக்கிறது.