சக்திவாய்ந்த ரைசன் பிராசஸர் கொண்ட லெனோவோ லேப்டாப்கள் அறிமுகம்

 

ரைசன் 4000 சீரிஸ் பிராசஸர்கள் கொண்ட கேமிங் லேப்டாப்களை பல்வேறு நிறுவனங்களும் அறிமுகம் செய்து வருகின்றன. அந்த வரிசையில் தற்சமயம் லெனோவோ இணைந்துள்ளது. லெனோவோ நிறுவனம் லீஜியன் 5 17 இன்ச், 15 இன்ச், ஐடியாபேட் கேமிங் 3 லேப்டாப்களை புதிய ஏஎம்டி வேரியண்ட்களில் அறிமுகம் செய்துள்ளது. 

லெனோவோ லீஜியன் கேமிங் லேப்டாப்கள் லீஜியன் 5 மற்றும் லீஜியன் 5பி என இரண்டு மாடல்களில் கிடைக்கிறது. லெனோவோ லீஜியன் 5 - 15.6 இன்ச் மற்றும் 17.3 என இருவித அளவுகளில் கிடைக்கிறது. இவற்றுடன் ஏஎம்டி ரைசன் 7 4800 ஹெச் சீரிஸ் மொபைல் பிராசஸர், என்விடியா ஜீஃபோர்ஸ் ஆர்டிஎக்ஸ் 2060 ஜிபியு, அதிகபட்சம் 16 ஜிபி 3200 மெகாஹெர்ட்ஸ் டிடிஆர்4 மெமரி, 1 டிபி பிசிஐஇ எஸ்எஸ்டி அம்சங்களுடன் கான்ஃபிகர் செய்ய முடியும்.

ஸ்கிரீன் ஆப்ஷன்களை பொருத்தவரை 144 ஹெர்ட்ஸ் 1080 பிக்சல் பேனல் மற்றும் டால்பி விஷன் சப்போர்ட் கொண்டிருக்கிறது. இத்துடன் லீஜியன் கோல்டுஃபிரண்ட் 2.0 தெர்மல் சொல்யூஷன், வைட் பேக்லிட் லீஜியன் ட்ரூஸ்டிரைக் கீபோர்டு, அதிகபட்சம் 7.5 மணி நேர பேக்கப் வழங்குகிறது.  

லெனோவோ லீஜியன் 5பி மாடலில் ஏஎம்டி ரைசன் 7 4800 ஹெச் சீரிஸ் மொபைல் பிராசஸர், என்விடியா ஜீஃபோர்ஸ் ஆர்டிஎக்ஸ் 2060 ஜிபியு, அதிகபட்சம் 32 ஜிபி 3200 மெகாஹெர்ட்ஸ் டிடிஆர்4 மெமரி, அதிகபட்சம் 1 டிபி பிசிஐஇ எஸ்எஸ்டி உடன் கான்ஃபிகர் செய்து கொள்ள முடியும். 

இந்த லேப்டாப்களில் டூயல் பர்ன் சப்போர்ட், லெனோவோ கியூ கண்ட்ரோல் 3.0 வழங்கப்பட்டுள்ளது. இத்துடன் 144 ஹெர்ட்ஸ் 5எம்எஸ் ரெஸ்பான்ஸ் டைம், ஃபுல் ஹெச்டி பேனல், டால்பி அட்மோஸ் மற்றும் 4 சோன் ஆர்ஜிபி சிஸ்டம் பேக்லைட்டிங் வழங்கப்பட்டு இருக்கிறது. 

லெனோவோ ஐடியாபேட் கேமிங் 3 ஏஎம்டி ரைசன் 7 4800 ஹெச் சீரிஸ் மொபைல் பிராசஸர், என்விடியா ஜீஃபோர்ஸ் ஜிடிஎக்ஸ் 1650 டிஐ ஜிபியு வழங்கப்படுகிறது. இத்தடன் மேம்பட்ட தெர்மல் டிசைன், லெனோவோ கியூ கண்ட்ரோல் 3.0, 120 ஹெர்ட்ஸ் ரிஃப்ரெஷ் ரேட், ஃபுல் ஹெச்டி பேனல், அதிகபட்சம் 32 ஜிபி டிடிஆர்4 ரேம், 1 டிபி பிசிஐஇ எஸ்எஸ்டி வழங்கப்படுகிறது.

17 இன்ச் லெனோவோ லீஜியன் 5 லேப்டாப் செப்டம்பர் மாதம் கிடைக்கும் என்றும் இதன் விலை 1089.99 டாலர்கள், இந்திய மதிப்பில் ரூ. 81730 என்றும் 15 இன்ச் லெனோவோ லீஜியன் 5 லேப்டாப் விலை 759.99 டாலர்கள், இந்திய மதிப்பில் ரூ. 56985 என்றும் 15 இன்ச் ஐடியாபேட் கேமிங் 3 லேப்டாப் விலை 659.99 டாலர்கள் இந்திய மதிப்பில் ரூ. 49487 என நிர்ணயம் செய்யப்பட்டு உள்ளது.