தொழில்நுட்பம்
ஒன்பிளஸ் பாட்ஸ் டீசர்

விரைவில் இந்தியா வரும் ஒன்பிளஸ் பாட்ஸ் ட்ரூ வயர்லெஸ் இயர்பட்ஸ்

Published On 2020-07-11 08:30 GMT   |   Update On 2020-07-11 08:30 GMT
ஒன்பிளஸ் நிறுவனத்தின் புதிய ட்ரூ வயர்லெஸ் இயர்பட்ஸ் ஒன்பிளஸ் பாட்ஸ் எனும் பெயரில் இந்தியாவில் அறிமுகம் செய்யப்பட இருக்கிறது.

ஒன்பிளஸ் நிறுவனம் விரைவில் ட்ரூ வயர்லெஸ் இயர்பட்ஸ் மாடலை அறிமுகம் செய்ய இருக்கிறது. புதிய இயர்பட்ஸ் ஒன்பிளஸ் பாட்ஸ் என அழைக்கப்பட இருக்கிறது. புதிய ட்ரூ வயர்லெஸ் இயர்பட்ஸ் மாடலுக்கான டீசரை ஒன்பிளஸ் அதிகாரப்பூர்வமாக வெளியிட்டு உள்ளது.

அமேசான் வலைதளத்தில் ஒன்பிளஸ் பாட்ஸ் ட்ரூ வயர்லெஸ் இயர்பட்ஸ் மாடலுக்கான டீசர் வெளியிடப்பட்டது. முன்னதாக ஒன்பிளஸ் ட்ரூ வயர்லெஸ் இயர்பட்ஸ் பின்லாந்தின் எஸ்ஜிஎஸ் ஃபிம்கோ சான்று பெற்றது குறிப்பிடத்தக்கது. புதிய இயர்பட்ஸ் ஒன்பிளஸ் நிறுவனத்தின் முதல் ட்ரூ வயர்லெஸ் ஸ்டீரியோ இயர்பட்ஸ் ஆக இருக்கிறது.



தற்போதைய தகவல்களின் படி புதிய ட்ரூ வயர்லெஸ் இயர்பட்ஸ் ஜூலை 21 ஆம் தேதி ஒன்பிளஸ் நார்டு ஸ்மார்ட்போனுடன் அறிமுகம் செய்யப்படும் என கூறப்படுகிறது. புதிய இயர்பட்ஸ் அமேசான் தளத்தின் சப்ஸ்க்ரிப்ஷன் பகுதியில் பட்டியலிடப்பட்டு இருப்பதாக தகவல் வெளியாகி உள்ளது.   

ஃபின்லாந்து சான்று விவரங்களின் படி புதிய இயர்பட்ஸ் உடன் 5வோல்ட் அல்லது 7.5 வாட் சார்ஜிங் கேஸ் வழங்கப்படும் என கூறப்படுகிறது. புதிய இயர்பட்ஸ் கருப்பு நிறம் கொண்டிருக்கும் என்றும் இது இன்-இயர் வடிவமைப்பு கொண்டிருக்கும் என தெரியவந்துள்ளது. 
Tags:    

Similar News