தொழில்நுட்பம்
சாம்சங் கேலக்ஸி வாட்ச் ஆக்டிவ் 2 4ஜி அலுமினியம் எடிஷன் அறிமுகம்
சாம்சங் நிறுவனத்தின் கேலக்ஸி வாட்ச் ஆக்டிவ் 2 4ஜி அலுமினியம் எடிஷன் ஸ்மார்ட்வாட்ச் இந்தியாவில் அறிமுகம் செய்யப்பட்டு இருக்கிறது.
சாம்சங் நிறுவனத்தின் கேலக்ஸி வாட்ச் ஆக்டிவ் 2 இந்தியாவில் கடந்த ஆண்டு அக்டோபர் மாதத்தில் அறிமுகம் செய்யப்பட்டது. முதலில் கேலக்ஸி வாட்ச் ஆக்டிவ் 2 44எம்எம் ஸ்டெயின்லெஸ் ஸ்டீல் மற்றும் ஸ்டெயின்லெஸ் ஸ்டீல் கேஸ் மற்றும் 4ஜி வெர்ஷன்களில் அறிமுகம் செய்யப்பட்டது.
தற்சமயம் கேலக்ஸி வாட்ச் ஆக்டிவ் 2 4ஜி அலுமினியம் எடிஷன் இந்தியாவில் அறிமுகம் செய்யப்பட்டு இருக்கிறது. புதிய ஸ்மார்ட்வாட்ச் எடிஷன் 1.4 இன்ச் வளைந்த சூப்பர் AMOLED ஸ்கிரீன், சுழலும் டச் பெசல் வழங்கப்பட்டுள்ளது.
இந்த ஸ்மார்ட்வாட்ச் மாடலில் 39 உடற்பயிற்சிகளை டிராக் செய்யும் வசதி வழங்கப்பட்டுள்ளது. இவற்றில் ஏழு உடற்பயிற்சிகளை இது தானாக டிராக் செய்யும் வசதி கொண்டிருக்கிறது. இந்த ஸ்மார்ட்வாட்ச் இ-சிம் கனெக்டிவிட்டி வசதி கொண்டிருக்கிறது. இதனால் அழைப்புகள், குறுந்தகவல்கள் மற்றும் நோட்டிஃபிகேஷன்களை இயக்க முடியும்.
சாம்சங் கேலக்ஸி வாட்ச் ஆக்டிவ் 2 4ஜி சிறப்பம்சங்கள்
1.4 இன்ச் 360×360 பிக்சல் சூப்பர் AMOLED, ஃபுல் கலர் ஆல்வேஸ் ஆன் டிஸ்ப்ளே
கார்னிங் கொரில்லா கிளாஸ் டிஎக்ஸ் பிளஸ் பாதுகாப்பு
எக்சைனோஸ் 9110 டூயல் கோர் பிராசஸர்
1.5 ஜிபி ரேம்
4 ஜிபி மெமரி
டைசன் சார்ந்த வியரபிள் ஒஎஸ்
இதய துடிப்பு சென்சார், எலெக்ட்ரோகார்டியோகிராம், அக்செல்லோமீட்டர், கைரேஸ்கோப், பாரோமீட்டர்
5ATM + IP68 வாட்டர் ரெசிஸ்டண்ட், MIL-STD-810G சான்று
இ-சிம், 4ஜி எல்டிஇ பி1, பி2, பி3, பி4, பி5, பி7, பி8, பி12, பி13, பி20, மற்றும் பி66
சாம்சங் ஸ்மார்ட்போன்களுக்கு மட்டும் எல்டிஇ
ப்ளூடூத் 5, வைபை, A-GPS/ GLONASS/ Beidou
340 எம்ஏஹெச் பேட்டரி
WPC-சார்ந்த வயர்லெஸ் சார்ஜிங்
சாம்சங் கேலக்ஸி வாட்ச் ஆக்டிவ்2 4ஜி அலுமினியம் எடிஷன் கிளவுட் சில்வர், அக்வா பிளாக் மற்றும் பின்க் கோல்டு நிறங்களில் கிடைக்கிறது. இந்தியாவில் இதன் விலை ரூ. 28490 என நிர்ணயம் செய்யப்பட்டுள்ளது. இதன் விற்பனை ஜூலை 11 ஆம் தேதி துவங்குகிறது.