தொழில்நுட்பம்
ஒன்பிளஸ் நார்டு ஸ்மார்ட்போன் புதிய டீசர் வெளியீடு
ஒன்பிளஸ் நார்டு ஸ்மார்ட்போனின் புதிய டீசர் இணையத்தில் வெளியாகி இருக்கிறது. இதன் முழு விவரங்களை பார்ப்போம்.
ஒன்பிளஸ் நிறுவனத்தின் புதிய ஒன்பிளஸ் நார்டு ஸ்மார்ட்போன் டீசர் வெளியிடப்பட்டுள்ளது. முதல் முறையாக ஸ்மார்ட்போன் புகைப்படம் அமேசான் தளத்தில் வெளியிடப்பட்டு இருக்கிறது.
புதிய ஒன்பிளஸ் ஸ்மார்ட்போனில் மூன்று பிரைமரி கேமராக்கள் வழங்கப்பட இருப்பது தெரியவந்து இருக்கிறது. கேமரா சென்சார்களை அடுத்து ஃபிளாஷ் மாட்யூல் வழங்கப்பட இருக்கிறது. முன்னதாக இதே தகவலை நிரூபிக்கும் ரென்டர்கள் இணையத்தில் வெிளியாகி இருந்தன.
முன்னதாக வெளியான தகவல்களின் படி புதிய ஒன்பிளஸ் நார்டு ஸ்மார்ட்போனில் 6.55 இன்ச் AMOLED டிஸ்ப்ளே, இன் டிஸ்ப்ளே கைரேகை சென்சார் வழங்கப்படலாம் என கூறப்பட்டு இருக்கிறது.
இதுதவிர புகைப்படங்களை எடுக்க 64 எம்பி+16 எம்பி+2 எம்பி கேமரா சென்சார்கள், குவால்காம் ஸ்னாப்டிராகன் 765 பிராசஸர் மற்றும் 4300 எம்ஏஹெச் பேட்டரி வழங்கப்படலாம் என கூறப்படுகிறது.