விம்பிள்டன் டென்னிஸ்: சிமோனா ஹாலெப், செரீனா வில்லியம்ஸ் அரையிறுதிக்கு முன்னேற்றம்

Published On 2019-07-09 14:32 GMT | Update On 2019-07-09 14:32 GMT

பெண்களுக்கான ஒற்றையர் பிரிவு காலிறுதி ஆட்டத்தில் சீன வீராங்கனையை வீழ்த்தி சிமோனா ஹாலெப் அரையிறுதிக்கு முன்னேறினார்.

விம்பிள்டன் டென்னிஸ் பெண்களுக்கான ஒற்றையர் பிரிவு அரையிறுதி ஆட்டம் நடைபெற்று வருகிறது. ஒரு ஆட்டத்தில் 7-ம் நிலை வீராங்கனையான சிமோனா ஹாலெப் தரநிலை பெறாத சீனாவின் ஷாங் சுவாய்-ஐ எதிர்கொண்டார்.

இதில் சிமோனா ஹாலெப்பிற்கு ஷாங் கடும் நெருக்கடி கொடுத்தார். இதனால் முதல் செட் ‘டை பிரேக்கர்’ வரை சென்றது. இறுதியில் ஹாலெப் 7(7)-6(4) என கைப்பற்றினார். 2-வது செட்டை சிரமமின்றி 6-1 என எளிதில் கைப்பற்றி அரையிறுதிக்கு முன்னேறினார்.

மற்றொரு காலிறுதி ஆட்டத்தில் 11-ம் நிலை வீராங்கனையான அமெரிக்காவின் செரீனா வில்லியம்ஸ் சக நாட்டு தரநிலை பெறாத அலிசன் ரிஸ்க்-ஐ எதிர்கொண்டார்.

முதல் செட்டை செரீனா வில்லியம்ஸ் 6-4 எனக் கைப்பற்றினார். ஆனால் 2-வது செட்டை 4-6 என இழந்தார். வெற்றியை தீர்மானிக்கும் 3-வது செட்டில் செரீனா ஆக்ரோஷமான ஆட்டத்தை வெளிப்படுத்தி 6-3 எனக் கைப்பற்றி அரையிறுதிக்கு முன்னேறினார்.