செய்திகள்
ரஷிய அதிபர் புதினுடன் பிரதமர் மோடி சந்திப்பு - இரு தரப்பு உறவுகள் குறித்து பேச்சுவார்த்தை
ரஷியாவுக்கு அரசுமுறை சுற்றுப்பயணமாக சென்றுள்ள பிரதமர் மோடி சோச்சி நகரில் அந்நாட்டு அதிபர் விளாடிமிர் புதினை இன்று சந்தித்து இரு தரப்பு உறவுகளை முன்னேற்றுவது தொடர்பாக பேச்சுவார்த்தை நடத்தி வருகிறார். #ModiInRussia
மாஸ்கோ:
ரஷிய அதிபர் விளாடிமிர் புதினுடன் முறைசாரா பேச்சுவார்த்தை நடத்துவதற்கான பிரதமர் மோடி அங்கு சென்றுள்ளார். சோச்சி நகரில் நடந்து வரும் இந்த சந்திப்புக்கு வருகை தந்த மோடியை, புதின் கைக்குலுக்கி கட்டியணைத்து வரவேற்றார். இதனை அடுத்து, இரு தலைவர்களும் பல்வேறு விவகாரங்கள் தொடர்பாக விவாதித்து வருகின்றனர்.
“இந்த பேச்சுவார்த்தைக்கு என்னை அழைத்ததற்கு அதிபர் புதினுக்கு நன்றி. ஷாங்காய் கூட்டுறவு அமைப்பில் இந்தியா நிரந்தர உறுப்பினராகும் விஷயத்தில் ரஷியா முக்கிய பங்களித்து வருகிறது. பிரிக்ஸ் மற்றும் ஐஎன்எஸ்டிசி அமைப்புகள் மூலம் இரு நாடுகளும் ஒன்றினைந்து பணியாற்றுவோம்” என பேச்சுவார்த்தையின் போது மோடி கூறினார்.