திண்டிவனத்தில் பா.ம.க. சமூக முன்னேற்ற சங்க ஆலோசனை கூட்டம்- டாக்டர் ராமதாஸ் பங்கேற்பு
- பல்வேறு கருத்துக்கள் குறித்தும் கூட்டத்தில் கலந்து ஆலோசிக்க உள்ளதாக சங்கத்தினுடைய நிர்வாகிகள் தெரிவித்தனர்.
- சங்கம் மூலமாக 23 டி.என்.பி.எஸ்.சி. பயிற்சி மையங்கள் நடத்தப்பட்டு வருவது குறிப்பிடத்தக்கது.
திண்டிவனம்:
திண்டிவனம் தனியார் திருமண மண்டபத்தில் பாட்டாளி மக்கள் கட்சியின் முக்கிய அங்கமான சமூக முன்னேற்ற சங்கத்தின் ஆலோசனை கூட்டம் நடைபெற்றது.
திண்டிவனம் அடுத்த தைலாபுரத்தில் பாட்டாளி மக்கள் கட்சியின் பல்வேறு அணிகளின் சார்பில் டாக்டர் ராமதாஸ் முன்னிலையில் தொடர் ஆலோசனை கூட்டங்கள் நடைபெற்று வருகிறது.
இதன் ஒரு பகுதியாக இன்று பாட்டாளி மக்கள் கட்சி உருவாவதற்கு காரணமான சமூக முன்னேற்ற சங்கத்தின் ஆலோசனை கூட்டம் திண்டிவனம் தனியார் திருமண மண்டபத்தில் நடைபெற்றது. பா.ம.க. நிறுவனர் டாக்டர் ராமதாஸ், கவுரவ தலைவர் ஜி.கே. மணி எம்.எல்.ஏ. ஆகியோர் முன்னிலை வகித்தனர்.
சங்கத்தின் மாநில தலைவர் சிவப்பிரகாசம் தலைமையில் நடைபெற்ற இந்த ஆலோசனைக் கூட்டத்தில் சங்கத்தின் வருங்கால செயல் திட்டங்கள் மற்றும் கல்வி, வேலை வாய்ப்பு, பொருளாதாரம், பதவி உயர்வு மற்றும் ஓய்வு பெற்ற அரசு அலுவலர்களுக்கு பாராட்டு விழாக்கள், சமீபத்தில் அரசு தேர்வில் வெற்றி பெற்ற மாணவர்களுக்கு பாராட்டு விழா உள்ளிட்ட பல்வேறு கருத்துக்கள் குறித்தும் கூட்டத்தில் கலந்து ஆலோசிக்க உள்ளதாக சங்கத்தினுடைய நிர்வாகிகள் தெரிவித்தனர்.
இந்த சங்கம் மூலமாக 23 டி.என்.பி.எஸ்.சி. பயிற்சி மையங்கள் நடத்தப்பட்டு வருவது குறிப்பிடத்தக்கது.