தங்கம் விலை சவரனுக்கு ரூ.240 உயர்வு

சென்னை:

தங்கம் விலையில் சில நாட்களாக ஏற்றத்தாழ்வு இருந்து வருகிறது. நேற்று பவுனுக்கு ரூ.200 அதிகரித்து ரூ.44 ஆயிரத்து 920-க்கு விற்றது. இந்த நிலையில் இன்றும் தங்கம் விலை உயர்ந்தது. பவுன் ரூ.45 ஆயிரத்தை மீண்டும் தாண்டியது. சென்னையில் இன்று காலை ஆபரண தங்கத்தின் விலை பவுனுக்கு ரூ.240 உயர்ந்து ரூ.45 ஆயிரத்து 160-க்கு விற்றது. கிராமுக்கு ரூ.30 அதிகரித்து ரூ.5 ஆயிரத்து 645-ஆக உள்ளது.

வெள்ளி கிலோவுக்கு ரூ.1700 உயர்ந்து ரூ.77 ஆயிரத்து 700 ஆக உள்ளது. ஒரு கிராம் வெள்ளி ரூ.77.70-க்கு விற்கிறது. சில நாட்களுக்கு முன்பு தங்கம் விலையில் தொடர்ந்து உயர்வு காணப்பட்டு பவுன் ரூ.45 ஆயிரத்தை தாண்டியது. அதன்பின் விலை குறைந்து ரூ.45 ஆயிரத்துக்கு கீழ் வந்தது. இந்த நிலையில் இன்று மீண்டும் தங்கம் விலை ரூ.45 ஆயிரத்தை தாண்டியது.