விளையாட்டு
சாம்பியன் பட்டம் வென்ற பெர்த் ஸ்கார்ச்சர்ஸ்

பிக்பாஷ் லீக் - சிட்னியை வீழ்த்தி சாம்பியன் பட்டம் வென்றது பெர்த் ஸ்கார்ச்சர்ஸ்

Update: 2022-01-28 18:54 GMT
பிக்பாஷ் லீக் தொடரின் இறுதிப்போட்டியில் சிட்னி சிக்ஸர்ஸ்க்கு எதிராக பெர்த் ஸ்கார்ச்சர்ஸ் அணியின் ஆண்ட்ரூ டை 3 விக்கெட் வீழ்த்தினார்.
மெல்போர்ன்:

ஆஸ்திரேலியாவின் பிக்பாஷ் லீக் தொடரின் இறுதிப்போட்டி நேற்று நடைபெற்றது. இதில் பெர்த் ஸ்கார்ச்சர்ஸ், சிட்னி சிக்ஸர்ஸ் அணிகள் மோதின. டாஸ் வென்ற சிட்னி சிக்ஸர்ஸ் அணி முதலில் பந்துவீச்சை தேர்வு செய்தது.

அதன்படி முதலில் பேட் செய்த பெர்த் ஸ்கார்ச்சர்ஸ் அணி நிர்ணயிக்கப்பட்ட 20 ஓவரில் 6 விக்கெட்டுக்கு 171 ரன்கள் எடுத்தது . அதிகபட்சமாக  லரி இவான்ஸ் 76 ரன்னும் ,கேப்டன் அஸ்டன் டர்னர்  54 ரன்னும் எடுத்தனர் .

இதையடுத்து, 172 ரன்கள் எடுத்தால் வெற்றி என்ற இலக்குடன் சிட்னி சிக்ஸர்ஸ் அணி களமிறங்கியது. அந்த அணி 16.2 ஓவரில் 92 ரன்னுக்கு  ஆல் அவுட்டானது. இதன்மூலம் 79 ரன் வித்தியாசத்தில் பெர்த் ஸ்கார்ச்சர்ஸ் அணி வெற்றி பெற்று 4-வது முறையாக கோப்பையை கைப்பற்றியது.

ஆட்ட நாயகன் விருதை லரி இவான்சும், தொடர் நாயகன் விருதை பென் மெக்டெர்மாட்டும் பெற்றனர்.

Tags:    

Similar News