செய்திகள்
தென்ஆப்பிரிக்கா - ஆஸ்திரேலியா தொடர் ஒத்திவைப்பு

தென்ஆப்பிரிக்கா- ஆஸ்திரேலியா இடையிலான டெஸ்ட் கிரிக்கெட் தொடர் ஒத்திவைப்பு

Published On 2021-02-02 10:02 GMT   |   Update On 2021-02-02 10:02 GMT
தென்ஆப்பிரிக்கா சென்று மூன்று போட்டிகள் கொண்ட டெஸ்ட் கிரிக்கெட் தொடரில் விளையாட ஆஸ்திரேலியா முடிவு செய்திருந்த நிலையில், தற்போது அது ஒத்திவைக்கப்பட்டுள்ளது.
இந்திய கிரிக்கெட் அணி ஆஸ்திரேலியாவில் சுற்றுப் பயணம் செய்து நான்கு போட்டிகள் கொண்ட டெஸ்ட் கிரிக்கெட் தொடரில் விளையாடியது. இதில் இந்தியா 2-1 என வெற்றி பெற்றது.

இந்திய அணி தற்போது இங்கிலாந்து அணிக்கெதிரான டெஸ்ட் தொடருக்காக தயாராகி வருகின்றன. அதேவேளையில் ஆஸ்திரேலியா டெஸ்ட் கிரிக்கெட் அணி தென்ஆப்பிரிக்காவில் சுற்றுப் பயணம் செய்து மூன்று போட்டிகள் கொண்ட டெஸ்ட் தொடரில் விளையாட இருந்தது.

இந்த நிலையில் தென்ஆப்பிரிக்கா- ஆஸ்திரேலியா கிரிக்கெட் தொடர் ஒத்திவைக்கப்பட்டுள்ளது. ஐசிசி-யின் உலக டெஸ்ட் சாம்பியன்ஷிப் இறுதிப் போட்டிக்கு முன்னேற இந்தத் தொடர் ஆஸ்திரேலியாவுக்கு முக்கியமானதாக கருதப்பட்ட நிலையில் ஒத்திவைப்பு அந்த அணிக்கு பின்னடைவை ஏற்படுத்தும்.
Tags:    

Similar News