விம்பிள்டன்: 4-வது சுற்றில் ஹாலேப், அசரென்கா, வோஸ்னியாக்கி, கார்சியா

கிராண்ட்ஸ்லாம் தொடரில் ஒன்றான விம்பிள்டன் டென்னிஸ் லண்டனில் நடைபெற்று வருகிறது. பெண்களுக்கான ஒற்றையர் பிரிவில் இன்று நடைபெற்ற 3-வது சுற்று ஒன்றில் முன்னணி வீராங்கனையான ரோமானியாவின் சிமோனா ஹாலேப் நியூசிலாந்தின் எராகோவிக்கை எதிர்கொண்டார். இதில் ஹாலேப் 6-4, 6-1 என எளிதில் வெற்றி பெற்ற 4-வது சுற்றுக்கு முன்னேறியுள்ளார்.


அசரென்கா

மற்றொரு போட்டியில் பெலாரஸ் வீராங்கனை விக்டோரியா அசரென்கா பிரிட்டன் வீராங்கனை வாட்சனை எதிர்கொண்டார். இதில் அசரென்கா 3-6, 6-1, 6-4 என வெற்றி பெற்று 4-வது சுற்றுக்கு முன்னேறியுள்ளார்.


வோஸ்னியாக்கி

21-ம் நிலை வீராங்கனை கார்சியா 6-4, 6-3 என ப்ரெங்கிளை வீழ்த்தினார். 5-ம் நிலை வீராங்கனை வோஸ்னியாக்கி பிரோங்கோவை 6-3, 6-4 என வீழ்த்தினார். 8-ம் நிலை வீராங்கனை சிபுல்கோவாவிற்கு அதிர்ச்சி அளித்து 27-ம் நிலை வீராங்கனை கொஞ்ஜுஹ் 4-வது சுற்றுக்கு முன்னேறியுள்ளார்.