விம்பிள்டன் டென்னிஸ்: நான்கரை மாத கர்ப்பத்துடன் விளையாடிய லக்சம்பர்க் வீராங்கனை

ஐரோப்பிய யூனியனில் உள்ள ஒரு சிறிய நாடு லக்சம்பர்க். இந்த நாட்டைச் சேர்ந்த டென்னிஸ் வீராங்கனை மான்டி மினேலா. 31 வயதாகும் இவர், தற்போது நான்கரை மாத கர்ப்பிணியாக உள்ளார். என்றாலும், தன்னம்பிக்கையுடன் விம்பிள்டன் டென்னிசில் விளையாட விரும்பினார்.

அதன்படி ஒற்றையர் மற்றும் இரட்டையர் போட்டிகளில் களம் இறங்குகிறார். ஒற்றையர் பிரிவில் நேற்று முதல் சுற்றில் இத்தாலியைச் சேர்ந்த பிரான்செஸ்கா ஸ்சியாவோனை எதிர்கொண்டார். தன்னம்பிக்கையுடன் விளையாடினாலும் மான்டி மினேலா 1-6, 1-6 என நேர்செட்களில் தோல்வியடைந்தார்.



இறுக்கனமான ஆடை அணியாமல், தளர்வான ஆடை அணிந்து விளையாடினார் மிலானே. தோல்வி அடைந்தாலும், நான்கரை மாத கர்ப்பத்துடன் விளையாடிய அவரின் தன்னம்பிக்கையை அனைவரும் மனதார பாராட்டினார்கள். இரட்டையர் பிரிவில் லாத்வியா வீராங்கனையுடன் இணைந்து களம் இறங்குகிறார். இவர் தான் கர்ப்பமாக இருக்கும் படத்தை பேஸ்புக்கில் வெளியிட்டுள்ளார்.



ஏற்கனவே, அமெரிக்க வீராங்கனை செரீனா வில்லியம்ஸ் ஆஸ்திரேலிய ஓபனில் விளையாடும்போது கர்ப்பமாக இருந்தார் என்பது குறிப்பிடத்தக்கது.

விம்பிள்டன் தொடரில் விளையாடிய மினேலா ‘‘இந்த சீசனில் இதுதான் என்னுடைய கடைசி தொடர்’’ என்றார்.